تجمع خبراتكمـ مع أستاذات الإدارة العامة هنا <<

[تومي*]

المشاركة الأصلية كتبت بواسطة دعآءْ ×, آلسلآم عليكمْ :$ بغيت أسألْ عن كذا استاذةْ ! مبادئ محاسبة حمديه ع. مهران سالم اقتصاد جزئ منال -. الحربي مبادئ علوم ادارية منار م. عبدالصمد سبأ مبادئ محاسبةْ , خالدة ويسسسسسسسسعدكمْ ربيْ ")

وحده قالت لي ابعدي عن حمديه
ومنال الحربي اخذت معها محاضره وحده حسيتها كويسه بس يقولو كوثر احسن

منار شفتها طيوبه بس ماجربت ادرس معها
وخالده ما اعرف

[لنبضي حكاية]

بنات ماقلتوا لي مين اخذ استاذه للقيادة الفعاله
وادارة محليه بس غير عنود السبعان

[Biba woow]

المشاركة الأصلية كتبت بواسطة لنبضي حكاية افضل استاذه بدون منازع صباح المصري روووعه بمعنــى الكلمة الماده حفظ وفهم كمان .. يعني اذا فهمتي الهرج بيكون الحفظ سهل عليكِ .. والمنهج وسط لاكثير ولا قليل لاني ذاكرت من ملزمة المبدعات ومن ناحية ايش اسهل القانون الاداري اسهل لانه بيتكلم من بداية الكتاب لنهايته عن شي محدد بس المبادئ شامل لكل شي .. بس تصدقي احسها كلها على بعضها قريبه من بعض .. ان شاء الله اكون افدتك عيوني موفقهـ يارب ..

ربي يوفقكـــــ ي قلبي ,, ماقصرتي :’)

[زهوري]

بنات ممكن تفيدوني عن افضل المواد الاختياريه والحره

ربي يسعدكم

[Biba woow]

بنات نزلي اقتصاد جزئي مع استاذه " حاجة عبد الرحمن " << أحد سمع عنها

[غرام الطفوله]

بنات مبادئ محاسبة اخذها عند دكتورة عيشة
ومبادئ علوم سياسية عند خالدة
ومبادئ ادارة عامة عند رحاب مدني
ومبادئ قانون عند سحر
ومبادئ اقتصاد جزئي عند كوثر
ولغة عربية 2 عند مريم حديدي

تكفوووووون اللي درسو عندهم يقولي طريقة اسئلتهم
خاصة خالدة وعيشة ايش اركز عليه اذا في ملزمة
جابو اسئلتهم منها قولولي اسم الملزمة

[ls3t shqawah]

المشاركة الأصلية كتبت بواسطة غرام الطفوله بنات مبادئ محاسبة اخذها عند دكتورة عيشة ومبادئ علوم سياسية عند خالدة ومبادئ ادارة عامة عند رحاب مدني ومبادئ قانون عند سحر ومبادئ اقتصاد جزئي عند كوثر ولغة عربية 2 عند مريم حديدي تكفوووووون اللي درسو عندهم يقولي طريقة اسئلتهم خاصة خالدة وعيشة ايش اركز عليه اذا في ملزمة جابو اسئلتهم منها قولولي اسم الملزمة

نفس استاذاتي ،، اتمنى نلاقي الجواب ^^

بس ارجعي اقرائي الصفحات كثير كاتبين عن كوثر ويمدحوها كثيير .

[~ ASHA]

المشاركة الأصلية كتبت بواسطة لنبضي حكاية ترى الاقتصاد سهل وحلو مره واسهل من المحاسبه لانه زي الرياضيات يعني شغلات درسناها في المتوسط والثانوي .. المحاسبه ترى كمان سهل بس اهم شي ياعيوني تفهمي اول بأول ولازم المذاكره اول بأول ومخ نظييييف على الاخير .. بس حكاية تذاكريهم وتفهميهم قبل الاختبار بشهر ماينفع مره المده قليله .. . . اخلاقيات العمل اتفه من التفاهه مره سهله هالماده حتى مايحتاج تذاكريها انا بدون مذاكره جبت فيها درجة حلوه ماشي حالها .. والثقافه برضو سهله .. لو جبتي في المادتين a+ معدلك راح يرتفع حتى المواد الاختياريه والحره ترفع المعدل .. انتي اهم شي شدي حيلك .. موفقه يارب والعفو حبيبتي احنا لبعض ^_^

الله يعطيكي العافيه مررره شكراا ساعدتيني كثير
مشكوورة اختي الله يوفقك في دراستك ياارب وتتخرجي وراسك مرفووع

ان شاء الله حبدا اذاكر المحاسبة والاقتصاد من دحين وان شاء الله اقدر عليهم

المشاركة الأصلية كتبت بواسطة لنبضي حكاية بالنسبه لاختيار التخصص والمسار كله واقف على معدلك التراكمي .. وبالنسبه التحويل من كليه لكليه او من تخصص لتخصص ماعندي اي فكره .. ان شاء الله غيري يفيدك ..

اوكي مومشكلة شكرا قلبو

المشاركة الأصلية كتبت بواسطة موووج الغلا التحويل من كليه لكليه لازم ماتكوني تعديتي نص ساعات الخطه

طيب ممكن تقوليلي اي ساعه هما ياخذو؟؟ المكتسبة ولا ساعات المعدل؟؟
وشكراا الله يجزاكي خير يارب

[غلا&جده]

مرحبا بنات. انا حامله انقلش 2 من التحضيري وانا دحين مستوى 7 لقيتهم كاتبيلي في الاودس الجديد انو باقيلي انقلش 2 و3و4 ماني فاهمه ليش. ؟ و اش افضل استاذات عشان انزلو دأ السمستر

[منتظرة الفرج]

تومي صح لمدة شهر تقريبا تقدرين تحذفين يعني قبل اختبار الدوري الاول

موج الغلا انصحك بالدكتورة امل عرب افضل دكتورة بالجامعة واذا ما حصلتي الا الدكتورة خالدة فهي خير وبركة بس اختباراتها ماهي سهلة .

لنبضي حكاية وش فيها العنود ؟ خذي عندها عادي انا اخذت عندها مواد كثيرة ودرجاتي فيها كلها حلوة بس كنت اذاكرها من ملخصات

زهوري كثرة المواضيع اللي فيها مواد حرة واختياري بس انا اقول خذي سيرة نبوية مع الدكتورة سمر السيد واقناع عند الدكتور انمار
ومدخل علم النفس مع الاستاذة الاء الشريف وفيه مادة اعتقد علم نفس نمو عند ريما الهويش مدحوها وكمان مصادر معلومات عند الاستاذة سوزان افغاني كثيرة المواد السهلة بالاداب
بس الاختيارية تأكدي مين يعطيك اول وبعدها نقولك لك عن المادة لان صار فيها تغييرات .

Biba woow ايوة انا اعرفها كشكل هي دكتورة سودانية مدحتها واحدة من زميلاتي تقول شرحها حلو

غلا جدة الله يكون بعونك استغليها فرصة انك تقوين لغتك وعسى ان تكرهوا شيئا وهو خيرا لكم
بس معليش مااعرفهم لاني اخذت المادة ذي وانا انتساب قبل اربع سنوات وما اعرفهم بس دوري بقسم مواد الاداب.. موفقة بإذن الله .