تجمـع طالبات الاستاذة سحر امين بحث وتدريب ,,,bd + bc ,,,

[سمـ الأنوثـة ــو]

المشاركة الأصلية كتبت بواسطة غدا نلتقي ايش سويتي ياسمو ؟؟؟ طمنينا..

اسكتي بس على الي جرالي
سالفة طويلة عريضة
بس بعد الاختبارات التفصيل

وربي يستر من النتيجة

بنات في احد نزلت درجتة ؟؟

[سمـ الأنوثـة ــو]

للرفع

[ريما الدلوعه]

انا من البنات اللي سلموا تقاريرهم بدري وللان ما نزلت العلامات عموما هي قالت انه مارح تنزل الدرجات الا بعد مايسلموا كل البنات يعني كلنا درجاتنا المفروض تنزل في وقت واحد على حسب كلامها بس مره خايفه تخسفني في العلامه وينزل المعدل معاها نفسي اكلمها واسئلها متى حتنزل الدرجات بس خايفه تستلمني وتحطني في بالها.

[سمـ الأنوثـة ــو]

المشاركة الأصلية كتبت بواسطة ريما الدلوعه انا من البنات اللي سلموا تقاريرهم بدري وللان ما نزلت العلامات عموما هي قالت انه مارح تنزل الدرجات الا بعد مايسلموا كل البنات يعني كلنا درجاتنا المفروض تنزل في وقت واحد على حسب كلامها بس مره خايفه تخسفني في العلامه وينزل المعدل معاها نفسي اكلمها واسئلها متى حتنزل الدرجات بس خايفه تستلمني وتحطني في بالها.

والله وانا مرعوبه من الدرجة
الله يعين بس

اخر طالبة راح تختبر هي غسق
اختبارها راح يكون بكره

الله يعينها

[سمـ الأنوثـة ــو]

بشري غسق وش صار معك

[ريااانه]

مرحباااااا بنات معليش آسفه جدا عالتأخير مره انشغلت في الاختبارات
رحت الاحد ولقيت مكتوب جنب باب الغرفه المناقشه 12 ونص انتظرنا وجت الاستاذه قالت معليش بنات انا دايخه
استنوا ربع ساعه
وكانت الأستاذه اسماء باهرمز تناقش بناتها كلهم في يوم واحد ماشاءالله مره مدحت بناتها واعطتهم درجات حلوه
وبعدين رحنا معها لمبنى ثاني عشان الغرفه
وكنا 5 بنات يعني الباقي كانوا اكثر من خمسه ؟؟؟؟
انا ارسلت لها مسج قبل المناقشه باسبوع اسالها اذا بامكاني ارسل تقريري على ايميلها تطلع عليه عشان اعدله بس ما ردت علي :(
ويوم المناقشه اول ما دخلنا القاعه قالت ترا بالعنيه ما رديت على المسج عشان تعرفي حدودك وانا مشغوله ومدري ايش قالت كلام كثييير قلت شكرا والى الان ما فهمت اي حدود تتكلم عنها
ايميلها موجود على موقع الجامعه وفيه بنت قبلي ارسلت تقريرها عالايميل بس مدري ايش تقصد
يمكن قصدها اني تأخرت ماااااااادري :(
وناقشت ثالث وحده قبلي ثنتين
بس ماناقشتني ولااااااااا بكلمه ولا سألتني عن شي ابدا
قمت وقلت اللي عندي وقلت خلصت قالت طيب
في البدايه قالت لنا بنات لازم تكونوا واثقين من انفسكم وتطالعو كل اللي جالسين اثناء المناقشه وترفعوا اصواتكم وتبدؤوا بمقدمة التقرير ونبذه عن جهة التدريب بعدين علطول البدائل والبديل الامثل وليش اخترتيه وكل شي عليه درجه
وسلمتها الظرف حق التدريب والتقرير قبل المناقشه والبوربوينت ما تبغاه
وبسسسس
اتمنى اكون افدتكم والله يستر على الدرجااات مره خايفه
الله يهديها مره كانت متنرفزه :(
اهم شي خلصنا :)
وبالتوفيييييق للجميع

[ريااانه]

للرررررررررررفع

[سمـ الأنوثـة ــو]

ريانة نفس الوضع
بس على عياراثقل صارمعي
التفاصيل بعد الاختبار الاخير
<-- ابغى احكي لكم برواقة

[غسق]

الدرجات قالت إن شاء الله ع الأسبوع الجاي

وقالت قليل إللي ياخذ ممتاز في البحث والتدريب ..الأستاذات ما يعطوا ممتازبالعادة في هذي المادة إلا للي مره بحثها ومناقشتها ممتازة بس معروف عني أساعد وأعطي درجات وماراح تكون نازلة مرة إللي فهمته إنه معظمنا درجاتنا في السبعينات والثمانينات وفيه ممتاز بس قليل


بنات أول ماتطلع الدرجات طمنونا وكل وحدة تقول درجتها

أدعوا بس تكون درجاتنا حلوة

[مزنة]

اللحين ودي اعرف سؤال


انتم ليش دوبكم تسو المناقشه حقتكم


انا من يوم 6/6

ونا لحالي مافي احد ومرا كنت مرتبكه وبصراحه مرا انقهرت منها لما قالت لى موضوعك ضعيف مااستخدمتي مراجع

اما بنات اسماء باهرمز ماشاء الله عليها مو زينا سوت لهم اجتماع من قبل الدوره وقالت لهم كل شي

اختى تاخذ البححث مع اسماء وشافتها سحر امين يوم المناقشه وسألتها كلكم مع اسماء قالت ايه تقول اختى حسيت انها انقهرت لما شافت البنات مرا كثير والحمد لله طلعت من عندها مبسوطه وتقول مرا كانت زحمه عندها وسوت لجنه من البنات يعني جد مناقشه
مو زينا انا وهي والكراسي

الله يعييين :(