ساعدوني في الكيمياء

[HANOoOF]

يا قلبي انا والله بصراحه ما ترجمته... اصلا مافي شي كتير يبغالو ترجمه ..كلها كم كلمه
وبالنسبه لماري كوري لو لاحظتي في الاستنتاج ماهي تجربه

[R.M.B]

اقصد هو حيجي بالانجليزي وانا دحين اذاكره زي ماكتبتيه بالعربي كيف اعرف في الاختبار ؟؟

اي صح انتهت لماري كوري..

مشكوره
متى حنخلص شبتر 2

[R.M.B]

وعندي سؤال انتي من فين تجيبي الترجمه؟؟؟

[HANOoOF]

ما يحتاج انك تترجمي كل الكلام بالحرف
بس تعرفي اش يعني شحنه اش يعني اكتشف زي كذه.... وطبعا بروتون اكترون نيوترون كلها نفسها بالعربي والانجلش حتى اسماء العلماء

[HANOoOF]

انا عندي اطلس مترجم ....... واخواتي الله يعطيهم العافيه

[R.M.B]

اش الاطلس هذا؟؟

وجزاكِ الله خير..

بس حابه أسأل متى حنخلص شبتر 2؟؟

[HANOoOF]

بقي لنا العدد الذري وعددالكتله
والايونات والجزيئات
والصيغ الكيميائيه
والتسميه ...

[HANOoOF]

الاطلس مترجم الكتروني ..... يعني تحطي الكلمه فيه يعطيكي معناها

[R.M.B]

اهااااااااااا

طييب تكملي الشبتر اليوم عشان بكره شبتر 3 .....و4 لسا مااخذناه اصلاً...

عشان يمدينا يسير انا اذاكر 1 و2 اليوم
وبكره 3

الله يسعدكِ ويوفقكِ يارب ويسهل لنا كل صعب ياكريم,,

[HANOoOF]

ص49/ 1- الجدول اللي فوق...
حق كتلة الاكترون وشحنته ...وكتلة البروتون وشحنته ...
... وكتلة النيوترون ( طبعا النيوترون ماله شحنه .. متعادل ..)

العنوان اللي بالاخضر ...العدد الذريatomic number والكتله mass number والنظائر Isotopes
2- العدد الذريatomic number
3-عدد الكتله mass number
ملاحظه ( العدد الذري نفسه عدد البروتونات نفسه عدد الاكترونات )
4- القانون في الجدول الوردي..
عدد الكتله=عدد البروتونات+عدد النيوترونات
=العدد الذري +عدد النيوترونات

... شوفوا اخر شي في الصفحه اللي هي x...
جمبها حرفين اللي فوق A وهو عدد الكتله
.. اللي تحت Z وهو عدد الكتله او عدد البروتونات

عندي مثال بس بصراحه مني عارفه كيف اكتبوا ... راح اشرحو لكم بالكلام على الله تفهموا

مثلا .. عندنا عنصر الحديد Fe+2
+2.... هذي شحنه تنكتب فوق الرمز مو جمبه ..اوكي
هذا الحديد عدد الكتله له = 54 ( العدد اللي فوق A)
والعدد الذري له = 26 ( العدد اللي تحت Z)
المطلووووب ؟؟
عدد البروتونات ؟ _ وعدد النيوترونات؟ _وعدد الاكترونات ؟
الحلــــــــــــ ..
*عدد البروتونات =26 ( ليش؟؟؟ ... عشان احنا قلنا انو عدد البوتونات هوا نفسه العدد الذري)
*عدد النيوترونات =عدد الكتله - عدد البروتونات
=54-26
=28 نيوترون (جبت هذا القانون من القانون الاساسي اللي في المربع الوردي)
*عدد الاكترونات=26-2
=24 ( ليييش؟؟...عشان عدد الاكترونات نفسه عدد البروتونات .. طيب ليش طرحنا 2 ؟؟ عشان هو فقد الكترونين )

لو اخذنا مثال تاني وهو الفسفور P-2
عدد الكتله=31
العدد الذري=15
المطلوووب ؟؟
* البروتونات=15
*النيوترونات=31-15
=16
*الاكترونات=15+3
=18 (جمعنا 2 لانو اكتسب الكترونين )

5-النظائرIstopes
اشكال مختلفه لذرات نفس العنصر تحتوي على نفس العدد الذري ولها اعداد كتله مختلفه (التعريف جمبها برضوا بالخط المايل )