تجمع المتقدمات لماجستير الكيمياء لعام 1434 - 1435 هـ ..

[بيو كيميائية ^_^]

المشاركة الأصلية كتبت بواسطة فلزna ي قلبي يابيو انتي من خارج جدة ؟ الله يعينك على الحجز ياااااااارب نفررح والله خفت يكونوا نزلولنا لأن بنات النواتج دوبهم نزلوا لهم وي كيف نقعد نستنى الين يوم الربوووووووع ؟؟ شئ يجيب القلق والله ! يعطيك العاافية بيووو على مجهوداتك

ايوا الحمدلله حصلت حجز و اشتريت التذكرة

ماراح أنتظر لين الربوع أتوقع راح أسأل الثلوث هذا إذا قدرت أصبر :(

بس يارب مافيه إختبار

[فلزNA]

بس يارب مافيه إختبار

يااااااااااارب

[صمت الانين]

بيو متى الوقت الي اتصل فيه ؟

كيف كذا مايعرفوا اذا في اختباراو لا ؟ مين الي حيكون يعرف
الهام ري ايش وظيفتها رئيسة القسم ؟؟

احسساسي يقول مافي اختباار وياارب يصدق احسساسي

لكن بنات اذا مافي اختبار مفاضله يكون فيه مقابله شخصيه ؟ او فقط نسلم الملفات

[بيو كيميائية ^_^]

المشاركة الأصلية كتبت بواسطة صمت الانين بيو متى الوقت الي اتصل فيه ؟ كيف كذا مايعرفوا اذا في اختباراو لا ؟ مين الي حيكون يعرف الهام ري ايش وظيفتها رئيسة القسم ؟؟ احسساسي يقول مافي اختباار وياارب يصدق احسساسي لكن بنات اذا مافي اختبار مفاضله يكون فيه مقابله شخصيه ؟ او فقط نسلم الملفات

العصر

رئيسة القسمـ

لا مايكون فيه شيء فقط تسليمـ


إن شاء الله يارب يكون إحساسكـ صدق و مافيه

[n3j3w3h1409]

ياااااااارب في هذا الصباح المبهج انك تفرح قلووبنا جميعًا بالأخبار السااااارةويتم قبولنا جميعًا بدون مفاضلة ولاتعب ..
آميييييييييييييييييين

[صمت الانين]

بناات كلمتها دكتوره الهاام تقول مافي اختببار مفاضله
اذا كان العدد قليل يعني الك ان شاء الله يتم قبوله
قلت يعني الي اعرفه اذا مافي اختبار يعني الكل مقبول قالت ان شاء الله

يااااارب ننقبل

[كيميا]

الله يكتب لنا اللي فيه خير
من جد الانتظار صعب

[هناء نواف]

بنات الفيصلية لهم أختبار وفقاً لحساب العمادة في التويتر

السلمانية ما فيه خبر للحين.

و الله يوفقنا أجمعين.

[بيو كيميائية ^_^]

المشاركة الأصلية كتبت بواسطة صمت الانين بناات كلمتها دكتوره الهاام تقول مافي اختببار مفاضله اذا كان العدد قليل يعني الك ان شاء الله يتم قبوله قلت يعني الي اعرفه اذا مافي اختبار يعني الكل مقبول قالت ان شاء الله يااااارب ننقبل

يعني خلاص خبر مؤكد و إلا ؟

نفرح خلاص ؟؟


يارب كل وحدة كتبت في هالموضوع تنقبل :)


فلز

تبرعي و دقي عشان نتأكد أكثر

[Bloom Boom]

مرحبا للجميع ..
كيف الحال.؟ اتمنى تكونو بأحسن .. (مع اني عارفة التوتر كيف ساير )
أنا كمان زيكم مقدمة ع الماستر في السلمانية .. وجالسة ع اعصابي ..
في اختبار ولا مافي..
لانو لو في اختبار مارح أقدر أجي الجامعة وأختبر .. فرح أقدم مرة تانية ع السنة الجية..
عشان نعرف عددنا تقريبا .. أنا رح أحط موضوع للتصويت هنا..
لبنات ماستر كيميا وأتمنى من كل وحدة موجودة بالموضوع تصوت ع موقع التقديم حقها
(في السليمانية ولا الفيصلية )
ولما نعرف العدد رح نقدر نسألهم عن العدد المسموح به للقبول بدون اختبار ...
ويارب ننقبل من دون اختبار .