|| تجمـع طـآلبـآت الإنتظـآم : جدآول - حذف و إضـآفة - أستاذات و مــوآد : حيـآكُــن ||

[soole]

بناات متى حيفتح الحذف و الاضافة ؟؟؟!!!!!

[مني يغار الورد]

المفروض اليوم:@
ع العصر وفوق يعني بس خليك مسنترة ><

[طالبه*]

طيب كيف اعرف ان الحذف والاضافه بداا؟

[توماا]

السلام عليكم ورحمة الله وبركاته
أولا حابه أقول الله يوفق ويسر أمور جميع الطلبه وإن شاء الله تكون بداية عام مليئه بالنشاط والاجتهاد
بنات انا محتاره بالمره في جدول الترم هذا.. مره مش عارفه ايش انزل من مواد لانه خايفه اخذ مواد تكون كارثه مع بعضها
الشئ الوحيد اللي عارفته انه راح انزل دراما ولازم الجدول يكون من سته مواد
ما اخذت شي من مواد اللينقويستك ماعدا مقدمه في اللغويات طبعاّ
ومن مواد الليتريتشر أخذت فيكشن وبوتري فقط
فإيش المواد اللي ممكن انزلها هذا الترم ومع اي استاذه؟

[رتاج]

بنات جاوبوووني

المشاركة الأصلية كتبت بواسطة رتاج انا لسا ما نزل زيك بس ابغى اسأل هل اقدر اخد مقدمة في الأدب وريسيرش ولا صعب ؟؟

[مني يغار الورد]

لمن تفتحي ايقونة الحذف والاضافة و تبحثي في الشعب الدراسية بتلقي مربع صغير جنب المادة
يارب فهمتيني *_*
موفقةة:)

[مني يغار الورد]

رتاج
عادي ياقمر الادب افتكر اول مااخذته 6 قصائد او حولها ومسرحية وحدة وتقريبا 3 قصص قصيرة وحتى لو كان في بحث بيكون سهل
هوه البحث اللي يبغاله شوية جهد وفي بنات بتاخذه مع المواد المتقدمة للادب عادي بس انت شوفي ع حسب قدرتك
استخيري وربي ييسر لك اللي فيه الخير :)

[انا رورو انا]

المشاركة الأصلية كتبت بواسطة احبك ياربي اخت رورو استفدت من ردودك مره كثير جزاك الله خير بس نصوص سياحية ممكن تعطيني فكرة عنها كيف المنهج وطريقة اسئلة الاختبار والمس تطلب تكاليف

هلا يا عسول المادة جدا تافهه عبارة عن كلمات انجليزية ومعناها باللغه العربيه والكلمات دي كلمات لها علاقه بالسياحة والسفر والحجز تعطيكم ملزمة فيها كلمات بالانجليزي ومترجمة بالعربي وكل كلاس تختار كلمات معينة تكون داخله معاكم في المنهج يعني تحذف كلمات كتيره من الملزمة الدكتورة طبعا تحاسب عالحضور والغياب عليه 10 درجات والمشاركة عليها 10 والمشاركة عباره عن انك فقط تقراي مجموعه الكلمات الي اختارتها الدكتورة ف يالكلاس وتطلب بحث باللغة الانجليزية عن اي منطقة من مناطق المملكة مثلا انا عملت عن منطقة ابها سويت بحث بالمواقع الي هي اعطتنا هي باللغة الانجليزية كتب كل شي عن ابها موقعها جوها السايحة فيها والمهرجانات الي تقام فيها واحصاءات بعدد السياح وصور كثيرة عن ابها والحلو في الدكتورة تعطيكي مجال انك تعدلي البحث كذا مرا وبعدين تطلب بريزنتيشن لموضوعك تعرضيه لها و 20 على الاختبار الدوري اختبار واحد فقط) الاختبار سهل جدا طلبت مننا 5 كلمات تبدأ بحرف a من الي درستيهم وجابت 3 كلمات بالانجليزي تكتبي معناها بالعربي وجابت 3 كلمات عربيه اكتبي معناها بالانجليزي (سهله) وسؤال كان ان من الخدمات الي يقدمها الفندق للنزلاء عندهم هي وتكتبي الجواب اظن كانت 4 نقاط الي اذكر منها بورد- هالف بورد- بيد اند بريكفاست -اونلي بيد (احفظي السؤال دا عندك لان في بنات كتير ماكانوا يركزو مع الدكتورة بالكلاس وماجاوبو عليه ) واختبار شفوي عبارة عن انها تطلب منك تقرأي كلمات من الكلمات الي درستوها تشوف كيف نطقك للكلمات بالنسبة لبنات الانجليش الاختبار دا جدا تافهه اما بالنسبة لبنات الاقسام التانيه كانو مايعرفو يقرأو الكلمات كويس يتهجوها وصعب عليهم القراه مع انها كلمات وليست جمل واشطر بنات بكلاسها هم بنات قسم اللغة الانجليزية

من الاخر الدكتورة صح مزاجيه ونرفوزة بس قلبها طيب وتعطي كككككككككل بنت حقها ومادتها جدا تافهه صراحة اخذت معاها a+ الحمدلله الدكترة اسمها وصال ابو العلم مصرية وانتبهي هي تعطي مادتين مدخل سياحة وتعطي نصوص سياحية اختاري نصوص سياحية باللغه الانجليزية واهم شي حسسيها انك مهتمة فمادتها وممنوع الغياب الكتير واي سؤال انا حاضرة :)

[Beashoo]

بدا الحذف والاضافه بالتوفيق

[REEM11]

بنات الاودس ما يفتح عندي لييش ؟؟

كلكم كذا ولا بس انا ؟ :(