تجمع المستوى الثالث (المذاكره والمناقشات قبل الدوره )

[الملاك الأبيض]

مرحبا للجميع صبايا وشباب

حبيت اقولكم انو تم ازال حلول التشابتر الثاني من مادة الريدينق

وتلاقوه على هذا الرابط :

كلاس المستوى الثالث (دروس +شرح)

وطبعا مايحتاج اذكركم انو الحلول عبارة عن جهود شخصية وفي احيان كثيرة تحتمل الخطأ فاي طالب/ة

يحل يتأكد واذا لقيتوا اي غلط ارجعوا للموضوع حتى نتناقش او تنبهوا على هذا الخطأ حتى تعم الفائدة للجميع



والله يوفقنا جميعا لما يحبه ويرضاه . دمتم بحفظ الرحمن ورعايته .

[my-nana]

الملاك الأبيض بتنزلي حلول التشابتر الثالث وإلا لأ؟

[~~||* ملكة الأحاسيس *||~~]

السلام عليكم ورحمة الله وبركاته .

أختي ماي نانا ,

جزاك الله ألف خير وأسأل الله أن يجعل النور والتوفيق والسداد والنجاح طريقكِ اللهم آآآآآمين .

فعلاً موضوع ممتاآآآآآآآآآآآآآآز وتستحقين الشكر عليه والتقدير كذلك .

عزيزتي بصراحة وبكل أمانة , أنا إشتريت الكتب الجمعة الماضية ولما فتحت الكتب جاتني صدمة وحالة نفسية بعد ولكن لما فتحت المنتدى وشفت مشاركاتكم وتفاعلاتكم جاني إحباط أكبر لأنكم ماشاء الله تبارك الله عليكم متقدمين كثير علي وأنا توني ألحين مخلصة الباب الأول من مادة الريدنغ بعد محااااااااولات شديدة والله تعبت من الترجمة والحفظ .

وانا ألحين خايفة أني ما ألحق أختم أي مادة حتى !! والله إني خايفة من كل قلبي .

يعني بالله كيف راح أخلص التشابترات الخمسة !! ولا حتى الرايتنغ ولا الليسيننغ ولا الفرنسي ولا العربي ولا الثقافة !!!!!!!!!!!!!!

والله كل ما أفكر يجيني إحباط شديد وأفكر إني أعتذر ؟؟ ولكن أنا ما أبي أعتذر أبــــــــــــدًا أبدًا .

ممكن تساعديني يعني كيف أترجم الكلمات لأنها أخذت مني وقت طوووووويل جدًا !!

ممكن تعطيني الموقع إلي إنتِ تترجمي منه ؟ !! أتمنى تساعديني بطريقة المذاكرة أنا مستعدة أتحمل بس قوليلي كيف أقسم وقتي بالمذاكرة ؟؟

أحس نفسي متلخبطة وخاااايفة بالمرررررررة وماني قادرة أجمع بسبب ضيق الوقت ؟؟؟

وبصراحة أحس إني أقدر أني أختم المواد كلها بس أبي أحد يساعدني في التنظيم .

لو سمحتي ياعسل ممكن تساعديني الله يجزاكِ ألف خير .

يعني هل أبدإ بالرايتنغ ألحين ولا أكمل الريدنغ ولا أخليهم ولا إيش الله يسعدكِ .

الله ينور عليكِ نوريني .


~ ملكة الأحاسيس ~

[my-nana]

الكلمات مترجمه خلاص وتلاقي لها ترجمه بالمرفقات وكمان اللسننق بدل ماتشتري السيدي نزلوه بالمنتدى مجانا الله يباركـ باللي نزله
بالنسبه للمذاكره مادامكـ خلصتي الأول بتلحقي ووحده وحده قدامكـ وقت بس لازم تستثمريه
شوفي ركزي ولاتفكري باي ماده وانتي تذاكري ماده ثانيه علشان ماتشيلي هم واضغطي نفسك شوي بالحفظ والفهم وراح ترتاحين بالمره بعدين
حنا زيكـ نحاول نذاكر ونلحق وممكن لسى في كلمات مارسخت مزبوط بس نكررها كثير
عموما الإسبيلنق مهم في المناهج كلها وركزي عليه

الريدينق والفوكابلوري
الكلمه +معناها بالعربي +مرادفها +عكسها +نوعها هل هيا فيرب او ادجكتف او ناون او ادفيرب
تعرفي تلخصي القطعه+تطلعي المين ايديا +التوبيك سنتنسس
تقريبا هذا المطلوب معرفته بالنسبه للريدينق والفوكابلوري
اللسننق
الكلمه +معناها بالعربي والإنقلش+تضعيها بجمله +سؤال سماعي وربما سؤالين حسب
التاغ كويتشنز+واشياء ثانيه معاهم بس لسى مانعرفها

الرايتنق

يكون لديكـ قدره على الكتابه بشكل مفهوم وصحيح باي موضوع يطلب منك وبالطريقه والخطوات المطلوبه سواء طلبوا براقرافين او ايسي حسب لسى مانعرف وش يبيتون لنا

آسفه الملف الخاص باللسننق مو عندي مضغوط فاليت اي احد ينزله

[my-nana]

شوفوا هالمرفق ياجماعه وقولوا لي وش اللي فيه

[~~||* ملكة الأحاسيس *||~~]

المشاركة الأصلية كتبت بواسطة my-nana الكلمات مترجمه خلاص وتلاقي لها ترجمه بالمرفقات وكمان اللسننق بدل ماتشتري السيدي نزلوه بالمنتدى مجانا الله يباركـ باللي نزله الكلمات إيه شفتها ولكن هذه مترجمة بالعربي مو بالأنجليزي , إلي عرفته إنو لازم نعرف معاني الكلمات إلي تحتها خط يعني تعرفيها باللغة الإنجليزية , صح ولا لأ ؟؟ طمنيني الله يطمنكِ . ،،،,,, ياقمر أنا شفت موضوع ( مولار) الله يجزاه ألف خير ,حاولت أحمّله لكن في عندي مشكلة بالأدوبي رايدر حاولت أكثر من مرة وماقدرت أحمّله ,لو سمحتي ياعسل تقدري تحمليه لي بأي مشغل آخر مثل الريل بلير أو غيره إذا تقدري طبعًا . بالنسبه للمذاكره مادامكـ خلصتي الأول بتلحقي ووحده وحده قدامكـ وقت بس لازم تستثمريه شوفي ركزي ولاتفكري باي ماده وانتي تذاكري ماده ثانيه علشان ماتشيلي هم واضغطي نفسك شوي بالحفظ والفهم وراح ترتاحين بالمره بعدين حنا زيكـ نحاول نذاكر ونلحق وممكن لسى في كلمات مارسخت مزبوط بس نكررها كثير عموما الإسبيلنق مهم في المناهج كلها وركزي عليه للريدينق والفوكابلوري إيه الإسبيلنغ ,, أنا كل كلمة أتعلمها أحاول أحفظها مع التعريف كتابة وأي كلمة جديدة علي أحفظها برضوا كتابة ً .إن شاء الله راح أحاول أشد حيلي أكثر وأكثر إن شاء الله . الكلمه +معناها بالعربي +مرادفها +عكسها +نوعها هل هيا فيرب او ادجكتف او ناون او ادفيرب تعرفي تلخصي القطعه+تطلعي المين ايديا +التوبيك سنتنسس تقريبا هذا المطلوب معرفته بالنسبه للريدينق والفوكابلوري إيه طيب التلخيص هذا كيف .؟؟هل هي تجيب موضوع طويل وأنا ألخصه بكلمات على فهمي أنا وبكلمات لها نفس المعنى صح ؟؟؟ و ألحين كل ما اخلص تشابتر من الريدنغ أروح وأخلص تشابتر من الفوكابلوري كذا تمام ولا أبدأ رايتنغ ؟؟ اللسننق

سامحيني كثرت عليكِ أسئلة بس والله محتاجة أحد يفهمني ويوعيني كمان .

جزاكِ الله على كل كلمة كتبتيها وفهمتيني عليها ياقلبي .

الله ينور عليكِ ويسعدكِ يارب .


~ ملكة الأحاسيس ~

[lullyta]

بنااااااات انا بنزل ثقافه 201 بس سمعت انو غيرو الكتاب
بليز اللي تعرف عنو شي تفيدني انو غيرو تغليف الخارجي ولا المحتوى الداخلي كمان
بليز ساعدوني

[~~||* ملكة الأحاسيس *||~~]

المشاركة الأصلية كتبت بواسطة my-nana الريدينق والفوكابلوري الكلمه +معناها بالعربي +مرادفها +عكسها +نوعها هل هيا فيرب او ادجكتف او ناون او ادفيرب تعرفي تلخصي القطعه+تطلعي المين ايديا +التوبيك سنتنسس تقريبا هذا المطلوب معرفته بالنسبه للريدينق والفوكابلوري أهااا والله لو كذا مرررررة سهل بس أنا هنا عرفت من المنتدى إنو إحنا لاااااااازم نترجم الكلمات ونحفظ معنيها بالانجليزي تكفين هل معانا حفظها ولا لأ ؟؟ إنتِ هل حفظتي معناها بالأنجليزي يعني مثلاً : ethnic :adj, of a national or racial group of people الرايتنق يكون لديكـ قدره على الكتابه بشكل مفهوم وصحيح باي موضوع يطلب منك وبالطريقه والخطوات المطلوبه سواء طلبوا براقرافين او ايسي حسب لسى مانعرف وش يبيتون لنا الحمد لله أستطيع أن أكتب بطريقة مفهومة ولو اتبعت المطلوب إن شاء الله أموري راح تكون تمام بإذن الرحمن . آسفه الملف الخاص باللسننق مو عندي مضغوط فاليت اي احد ينزله

إيـــــــــــــــه ياااااااااااااااااااااااااليت والله أنا ماني قادرة أحمّله .

الله يجزاكم ألف خير .

المشاركة الأصلية كتبت بواسطة my-nana شوفوا هالمرفق ياجماعه وقولوا لي وش اللي فيه

بصراحة ,شفت طااااااارق سيده فقط !!!

الله يعينكم ياشباااااااااااااااااااااااااااااااااااب ويوفقكم إن شاء الله .



my nana ,

روحي الله يوفقكِ ويسعدكِ وينورعليكِ ويحققلكِ أمانيكِ ويفرج همومكِ ياااااااااااااااااااااااااااااارب قولي آآآآآآآآمين .


~ ملكة الأحاسيس ~

[toofey]

السلام عليكم ماي نانا حسيت انك انسانة متعاونة وتحبين الخير للجميع عشان كذا اطلب مساعدتك
فياريت ماتبخلين علي انت والاخوات وكل من يستطيع المساعدة
ممكن بعد اذنك تشرحين لي كيف اقدر استخرج من القطعة
توبيك سينتس,المين ايديا,السوميريز
وايش يعني سبورت سينتس والاوت لين وكيف استخرجها
ولا تقولين لي روابط لاني ابغي افهم من شرحك ومابقيت رابط الاوشفته ومااستوعبت الافكار
وخصوصا انا قاعدة اقرا الريدينق واترجم كل كلمةوماقدرت افهم الاشياء السابقة والحين قريت في ردود ام حمدان انو مو صح انو نترجم كل كلمة لان الاختيار تكون القطعة خارجية وحسيت اني ضيعت وقتي
وفي النهاية ادعو لك ولجميع الاخوات المتعاونات في القسم
وياريت ماتهملوا موضوعي واذا كانت ماي نانا مشغولة ياريت ترد الملاك الابيض او مس جودي اوكل من يحب المساعدة

[toofey]

بليز ردوا من امس محد رد نمت وصحيت وماني قادرة اذاكر محتاجة افهم عشان مايضيع وقتي ساعدوني