تعالوا ياخريجين أبيييكم

[أبو سحلب]

كرسبو ، قل آمين ، الله يجعني أنا وياك نشارك في هذا الموضوع بعد الترم الصيفي و نجاوب على ذا الأسئلة

تفائل تفائل

و الله يوفق الخريجين و ييسر أمورهم

[كرسبو]

المشاركة الأصلية كتبت بواسطة Nesrine موضوع جميل جداَ ,, كنت منتظرة اشارك فيه مليون مبروك للمتخرجين نبدء بسم الله!! 1- كم فصل وسنه استغرقت في الدراسه 4 سنوات 2- الى اي مدى تحس أنك متقن القراءه والاستماع والتحدث!يعني بروفيشنال!والا كيف! مستواي جيد جداَ ,,أجيد المهارات المطلوبة بشكل كبير 3- معدلك لاهنت 4.44 4- كم مره حملت مواد! ولا مره بحمد الله 5- كم اكثر مره حملت ماده وحده وكررت الرسوب فيها! ---- 6- هل جات لحظه عصيبه فكرت تحول من هالقسم!متى!وكيف تغلبت على هالهواجيس! لا ولله الحمد , فقد دخلت هذا القسم عن رغبة بعد الاستخارة طبعاَ كان هنالك لحظات عصيبة و ضغط هائل من الدكاترة و دسامة محتوى المواد الادبية لكن الحمدلله لم أفكر بتغيير التخصص وصبرت بفضل من الله. 7- في اي مستوى ارتحت نفسيا وحسيت أن التخرج صار قريب! الترم الماضي,, (ماقبل الاخير) 8- هل هناك بوادر وظيفه!وخصوص المنتسبين! لا,, 9- هل باقي عندك حماس تواصل دراسات عليا ! والا يالله الخراج بس! أكيد بحول الله,, فأنا اطمح للدكتوراة في اللغويات بتوفيق من الله 10- هل انت منتسب او منتظم! مابين هذا وذاك (تعليم عن بعد) مبروك للمتخرجين و الصبر والنجاح لمن لم يتخرج بعد و أسال الله التوفيق والنجاح لنا جميعاَ

الف مبروووك اخت نسرين
عيني عليك باااااارده
معدلك وطموحك Up
بالتوووفيق

[كرسبو]

المشاركة الأصلية كتبت بواسطة طالب انتسااب 1- كم فصل وسنه استغرقت في الدراسه خمس سنوات بسبب تأجيل وتحويل من إنتساب إلى تعليم عن بعد ودرست 4 أترام ولكن بعد موضوع صحة إعتماد الشهاده وعدم صحتها رجعت إنتساب 2- الى اي مدى تحس أنك متقن القراءه والاستماع والتحدث!يعني بروفيشنال!والا كيف! فوق المتوسط ولله الحمد ولكن اللغه إذا ماتراجعها مع الوقت تنساها من مفردات, وقواعد ووو ... 3- معدلك لاهنت 4.45 الحمدلله 4- كم مره حملت مواد! 0 ولله الحمد 5- كم اكثر مره حملت ماده وحده وكررت الرسوب فيها! 0 ولله الحمد 6-هل جات لحظه عصيبه فكرت تحول من هالقسم!متى!وكيف تغلبت على هالهواجيس! الحمدلله ولا مره لأنه أنا راغب هالقسم وحابه 7- في اي مستوى ارتحت نفسيا وحسيت أن التخرج صار قريب المستوى الأخير 8- هل هناك بوادر وظيفه!وخصوص المنتسبين! أكيد فيه مجال والان يٌنظر لوضع التدريس عندهم وفيه وظائف إداريه كثير 9- هل باقي عندك حماس تواصل دراسات عليا ! والا يالله الخراج بس! بإذن الواحد الأحد 10- هل انت منتسب او منتظم! منتسب - تعليم عن بعد - منتسب :)

الف مبرووك
اهنيك على كفاااحك
اتمنى لك وظيفه تحلم بيها

[كرسبو]

المشاركة الأصلية كتبت بواسطة أبو سحلب كرسبو ، قل آمين ، الله يجعني أنا وياك نشارك في هذا الموضوع بعد الترم الصيفي و نجاوب على ذا الأسئلة تفائل تفائل و الله يوفق الخريجين و ييسر أمورهم

آميييين
ونشرب سحلب بصحه التخرج

[كرسبو]

الحمد لله تخرج
مو مصدق لي اسبوع ابي ارفع هالموضوع
اخيرااااااااا
ح اجااوب طبعا بس آخذ نفس

[الشوقي]

المشاركة الأصلية كتبت بواسطة كرسبو الف مبروووك اولا وعقبال الوظيفه المرموقه إن شاء الله كم سؤال عندي أبي تجاوبون عليها عسى تكون حافز لنا لأنا بصراحه نعاني من نوبه احباط هالأيام 1- كم فصل وسنه استغرقت في الدراسه 2- الى اي مدى تحس أنك متقن القراءه والاستماع والتحدث!يعني بروفيشنال!والا كيف! 3- معدلك لاهنت 4- كم مره حملت مواد! 5- كم اكثر مره حملت ماده وحده وكررت الرسوب فيها! 6- هل جات لحظه عصيبه فكرت تحول من هالقسم!متى!وكيف تغلبت على هالهواجيس! 7- في اي مستوى ارتحت نفسيا وحسيت أن التخرج صار قريب! 8- هل هناك بوادر وظيفه!وخصوص المنتسبين! 9- هل باقي عندك حماس تواصل دراسات عليا ! والا يالله الخراج بس! 10- هل انت منتسب او منتظم! والف مبرووك مره ثانيه

بإذن الله راح اجاوبكم احبتي لكن ادعو لي بالبداية تتم فرحتي .. خريج هالترم ان شاء الله ونزلت درجاتي وعديت .. وفرحت وقلت الحمد لله تخرجت ..اليوم الثاني من ظهور النتيجه وهم شايلينا من النظام ..تكدر خاطري وهوجست وصرت اقول لا يكون بيخلوني معيد بالجامعه هههههههه .. ياربعي مانبي غير وثقيتنا والله يوفقنا واياكم لكل خير ...وانتم الله يقويكم وياخذ بيديكم ...من يصبر ينال بأمر الله ..

[saadoony]

1- كم فصل وسنه استغرقت في الدراسه
أربع سنوات
2- الى اي مدى تحس أنك متقن القراءه والاستماع والتحدث!يعني بروفيشنال!والا كيف!
متمكن ولله الحمد بسبب مجال عملي
3- معدلك لاهنت
3.32
4- كم مره حملت مواد!
حملت اللغة العربية 1
5- كم اكثر مره حملت ماده وحده وكررت الرسوب فيها!
الحمدلله ما قد رسبت أكثر من مره وكنت متخوف من الصوتيات مع دلاور لدرجة أني أجلتها لمدة سنتين وأخذتها بالترم الصيفي وماقصر الدكتور بالأسئلة
6- هل جات لحظه عصيبه فكرت تحول من هالقسم!متى!وكيف تغلبت على هالهواجيس!
بالعكس كان عندي نية أبطل دراسة إذا لم يتم تسكيني بقسم اللغات الأوربية
7- في اي مستوى ارتحت نفسيا وحسيت أن التخرج صار قريب!
الترم الصيفي 2014 بعد إختبار الصوتيات
8- هل هناك بوادر وظيفه!وخصوص المنتسبين!
رغبتي في إكمال الدراسة جاءت بسبب رغبتي في تركي لمجال عملي الحالي وتقدمت قبل مدة للخدمات الطبية بمستشفى الحرس الوطني وجائتني رسالة لتقديم السيرة الذاتية والوثائق
9- هل باقي عندك حماس تواصل دراسات عليا ! والا يالله الخراج بس!
4 سنوات من العناء والتعب والماجستير مدته سنتين والدراسة إنتظام راح يفرق كثير سأكمل الدراسات العليا في الخارج بإذن الله حسب نصيحة الدكتور الجوهري لأن الماجستير هنا مع دكاترتنا يبي لك سبع سنوات عشان تتخرج
10- هل انت منتسب او منتظم!
منتسب

شكراً لطرحك هذا الموضوع الشيق

[أبو سحلب]

كرسبو وينك ، ترانا نطلبك ، وين الاجابات ، وين السحلب ؟


باقي درجة التدريب و باذن الله اجاوب على الأسئلة :d


رفع للموضوع ، بعد اذنكم يا مشرفين

[lomes1111]

أولا أشكرك على هالموضوع الله يبارك فيك ويوفقك ياارب وجميع الطلاب والطالبات

نجي للمهم وهيه الاسئلة

1*استغرقت ثلاث سنوات في التخصص لأنه كنت اضغط على نفسي كل ترم 18 ساعه


2* الحمدلله مهاراتي في اللغة طيبه لن انا عندي حب وشغف للغه الانجليزية بكثييير عن اول مادخلت التخصص بس برضه لازم نتطور حتى بعد التخرج ونقرأ حتى نكون كفاءة

3* معدلي 3.27> مع اني والله مقهوور إنه نزل كذا بس الحمدلله نصيبي وراضي فيه

4* حملت مادتين مواد : مناهج بحث ، وشعر ،

5* لأن هوا حلمي أكون معيد في جامعة الملك عبدالعزيز بس سبب ضغطي على المواد نزل المعدل

6* الترم الي قبل الماضي خاب املي اني ما شديت حيلي في الشعر وحملته ونزل المعدل

7* الله ييسر اللي فيه الخير

8* حاليا أفكر أكمل الماجستير خارج المملكه ودكتوراه أن شالله


9* منتسب



نصيحتي الي عنده حلم لا يحط يده على خده ويقول الي يصير يصير الحياة كفاح تتعب في البدايه بس ثمرتها كبيرة ومستقبل مشرق

نصيحتي الي يدخل قسم اللغة الانجليزية لا يعتمد على الغش لنه مراح تستفيد شي حاول تبحث عن المعلومه عشان تثبت في المخ الغش ما منه فائده لا في التخصص ولا بعد التخرج لن انت يوم تتخرج راح تقدم على وضيفه وراح تختبر وماراح تنجح لن بنيت مستقبلك على الغش

وفي الختام أسأل الله أن يوفق الجميع

[أبو سحلب]

آآآآآآه يا ذا الموضوع ، أخيرًا أقدر أشارك فيك !


الحمد لله الحمد لله الحمد لله