قصتي (كيف أصبحت معيدة) + إجابة على الاستفسارات فيما يتعلق بالتقديم والمقابلة والتعيين

[battota]

اهاااااااااااا مررررررررررررررره تسلمواااااااااااااا عالردوود

جزاكم الله خير ....

عندي سؤال لو وحده قدمت معيده وبعد كدا سافرت على حساب الجامعه برا هل لازم تدرس الماستر نفس تخصص البكالوريوس ؟؟؟يجبروها ولا هي بكيفها ؟؟؟؟

لانو لو خلصت ماستر من بعثه الملك ورجعت قدمت محاضر وكان تخصصها بالماستر غير البكال فعادي ياخدوو تخصصها اللي بالبكالوريوووس ....بس المشكله في اللي انقبلت معيده وبعد كدا سافرت هل يجبروها تختار تخصص الماستر نفس البكال ؟؟؟وشكرررررررررررا

[أبوأحمد الشنقيطي]

شكرا لك يا أرنو القيادة

[أرنو للقياه]

جوجو
وعليكم السلام ورحمة الله وبركاته
لا ما وقّعونا، بس وقّعونا على تعهد بانه تخصص الماجستير يكونوا موافقين عليه، أو شي زي كدا
شوفي هم ممكن يتغاضوا عن دراسة الماجستير في الخارج، إذا ظروفك صعبة، بس الدكتوراه في الغالب لازم برا
هذا اللي قاله د.سعود المسؤول عن البعثات
وفي الأخير الأمر يرجع -بعد الله- لمشرفة ورئيسة قسمك، بعضهم يتجاوزوا، وبعضهم يصرّوا تدرسي بالخارج


battota
وجزاك الله خير
أنا أشرح لك يا بطة : )
إذا تبغي وظيفة أكاديمية، خلي تخصصك بالماستر نفسه بالبكالوريوس، هذا الكلام قالته لي وحدة من الأستاذات
أنا ما أعرف في الأنظمة ولا أقدر أعمّم بس هذا اللي سمعته، وانتِ خذي بالاحتياط أسلم لك

بعد ما تتعيني معيدة، وتجي بتدرسي ماستر بعثة، لازم يوافقوا لك عالتخصص طبعا
ويكون نفس البكالوريوس، بس مو لازم نفس التخصص الدقيق
يعني لو مثلا أنا تخصصي (علوم الحاسب الآلي)، ممكن أدرس ماجستير في نفس (علوم الحاسب الآلي)
وممكن أختار تخصص دقيق ثاني يندرج تحت علوم الحاسب، مثل: هندسة برمجيات، ذكاء صناعي، أمن المعلومات ... زي كدا

ويعتمد كمان على قسمك، بعضها تكون جديدة لسا والمعينات فيها ما ابتعثوا
فالتخصصات الدقيقة يكون فيها مجال واسع للاختيار
في بعض الأقسام، لو مثلا بتختاري (هندسة برمجيات) يقولوا لك: خلاص عندنا 3 متخصصين هذا التخصص فاختاري تخصص ثاني
لكن لو لسا القسم جديد والمعينات جدد، أمامك حرية الاختيار بين كل التخصصات الدقيقة، يوافقوا لك عليها بسهولة

لا تنسي تستخيري في اختيار التخصص
وربي يسددك إن شاء الله



أبوأحمد الشنقيطي
العفو


.

[عبير العسيري]

السلام عليكم ورحمة الله
عندي كم سؤال لو تكرمتي

كم عدد الدورات اللي اخذتيها؟
وهل بامكاني التقديم على وظيفة معيده اذا كان تقديري جيد جداً ولكن سبق لي الرسوب في احدى المواد خلال دراستي الجامعيه لمره واحده فقط

كمان أبغا اطلب منك تساليلي بالجامعة هل بامكان طالبات الانتساب التقديم على وظيفة معيده او لا

والف مليون شكر لك

[جوجو (^-*)]

ارنو للقياه اذا سالو في المقابله عن أكمال الدراسات العليا انا راح اكمل حتى لو ماقبلوني بس أيش ارد عليه اذا على اكمال الدرسات العليا بالخارج ..... الرجاء الرد

[xxvxx]

((أرنو للقياده))

بارك الله لك ورزقك من حيث لاتحتسبي
كلامك وصف لواقع لا يؤمن به الكثير الا اذا تحقق .. دائما أتحدث بنفس منطقك ولكن الجميع يستهتر بذلك
وانتي هنا أثبتي بعد قبولك بأن (الثقه بالله وحسن التوكل عليه هي سبب للتوفيق)
من قلبي أشكرك على توضيح امور فعلاا كنت أتمنى أعرفها
أنا متخرجه جديده وكنت أبحث عن شروط التقديم على معيده وبالصدفه ظهر لي موضوعك أسعدني كثيراا ودعوت لك من القلب ..
شكرا لا تنتهي ي أرنو :)

[أرنو للقياه]

عبير العسيري
وعليكم السلام ورحمة الله وبركاته
الدورات ما يقارب 20، الله يبارك لي ولك
الرسوب في إحدى المواد أكيد حيقلل فرص قبولك خصوصا والمنافسة شديدة بين المتقدمات
سألت لك سكرتيرة إحدى الأقسام: هل بإمكان طالبات الانتساب التقديم على وظيفة معيدة أو لا؟
وحنقل لك جوابها
قالت هي تقدّم عادي وناخذ أوراقها، لكن بعض مشرفات الأقسام عند الفرز تستبعد المنتسبات
وهذا يختلف من مشرفة لأخرى، وأيضا من فرع لآخر
يعني فرع جامعة عبد العزيز بالكامل أو رابغ ممكن يكونوا أكثر تجاوزا
وقالت: حلو يكون معاها شي يرفع نسبة ترشيحها زي درجة توفل عالية
لأنه المنافسة شديدة وأكيد هم في الأخير حيختاروا المعيدة الأفضل من جميع الجوانب



جوجو
أكون صادقة معك، بمجرد ما تقولي إنك محتدرسي في الخارج فحطي ببالك إنه ممكن يستبعدوكِ مباشرة
أنا كنت في مثل موقفك ومحتارة، أقدر أكمل ماجستير هنا لكن برا صعب، وماكنت عارفة ايش حقول لو سألوني
ما أبغا أكذب وأقول: أوراق سفري جاهزة. لأني أؤمن بأن الوظيفة رزق، والرزق لا يُستجلب بالمعصية، بالكذب في مثالنا هنا
وبنفس الوقت ممكن تتيسر ظروفي في المستقبل و ييسر الله لي أسباب السفر
فاستخرت وتوكلت على الله، وقلت لو سألوني بقول: إن شاء الله. فلو نصيبي في هذي الوظيفة ربي حيشرح صدرهم ويسدد قولي
المهم وقت المقابلة سألتني عالابتعاث وقلت ( إن شاء الله )، فجات بتكمل إلا واللي جنبها قاطعتها وسألت سؤال ثاني خارج عن موضوع الابتعاث
والحمدلله هو داكا السؤال وبس، واتغير الموضوع مباشرة، بينما صحبتي جلسوا يفصّلوا معاها ويقولولها حتروحي مع مين؟ قالت لهم أخويا يدرس هناك. قالولها طيب لو رجع كيف حتسوي؟
فاسألي الله أن يدبرك بأحسن تدبير، ولو كانت المعيدية نصيبك ثقي بأن الله سيخرجك من مأزق هذا السؤال بألطف ما يكون


xxvxx
الحمد لله .. جنة الدنيا العلم عن الله
المحاضرات اللي تشرح (( أسماء الله الحسنى )) تغذي هذي المعاني العميقة في النفس
تجعل العبد يحسن الظن بربه ويعيش في طمأنينة وثقة مهما تقلبت به الأحداث يمنة ويسرة


سبحان الله لو أحكيك كيف رزقني ربي هذي الوظيفة تستغربي .. بعد ما اتخرجت لقيت زميلاتي الأقل معدلا اتوظفوا في أماكن أفضل
بعضهم بعمادة تقنية المعلومات بالجامعة والبعض الآخر بالدعم الفني للمعامل واللي معيدات بالساعة واللي معيدات بجامعات خارج جدة
أما أنا فاشتغلت في مدرسة خاصة براتب متدني وحالة يرثى لها : )
ولما جاتني وظيفة إدارية كويسة بالجامعة، رفضت مديرة مدرستي أخرج لأنه عقدي لسا ما انتهى، مع إنه كنا بنهاية الترم خلاص
فاتخيلي تشوفي بعينك وظيفة بالجامعة تروح من بين يدك وبسبب ايش !! عدم تعاون المديرة معاك
ودارت الأيام .. ومرت السنوات .. ورزقني ربي المعيدية في الوقت المناسب بل والمكان المناسب
في الوقت المناسب فهذه قصة تطول .. أما المكان المناسب فالحمد لله اني ما اتعينت معيدة خارج جدة مثل صحباتي اللي اتوظفوا قبلي لأني وقتها حضطر أضرب مشوار روحة ورجعة
وربما لو اتعينت معاهم أول ما اتخرجت وجاتني هذي الوظيفة الآن، ممكن ترفض الجامعة إجراءات نقلي لجدة


شوفي سبحان الله كيف كانت البداية: مؤلمة، محبطة ... ثم ماذا كانت النهاية
بل كيف كانت كلها شر لما يراها الناظر لأول وهلة ، وهي تخفي خلفها من الخير مالا يستوعبه العقل
وقصة يوسف عليه السلام تعلمنا هذا المبدأ
أصحابه خرجوا من السجن قبله، ورغم إنه كان من المحسنين، من المتميزين، لكنه بقي في السجن بضع سنين
خرج الأول فقُتل، والثاني أصبح خادم
وهو عليه السلام كان آخر من خرج، لكن انتظاره طال ليصبح في الختام عزيز مصر !
ويختم تجربته وكل الأحداث اللي مرت به بقوله
{ إِنَّ رَبِّي لَطِيفٌ لِّمَا يَشَاء إِنَّهُ هُوَ الْعَلِيمُ الْحَكِيمُ }


الله يرزقني وإياك كمال التوكل عليه سبحانه وتعالى وحسن الظن به
ويبارك لنا أجمعين



.

[battota]

ارنوو ....اهاا حبيبتي فهمت

بس خبريني متى عاده يحطوا اعلانات على موقع الجامعه او موقع كليتنا الاداره والاقتصاد حسب خبرتك ؟

لانو ما اظن وحده حتستنااا الاعلان الا اذا كان قريب ,,اكتر البنات اقلها حيقدموا على ماستر برا ضمن بعثات الملك عبد الله اللي عاده يكون التقديم فيها برمضان .....بعدين وهيا برا تقدم وقت ما يحطوا اعلانات على محاضره ...

وانتي هل تقصدي انو اللي تقدم على معيده وما تبغا تدرس برا تصير (معيده )واللي تدرس برا تكون محاضر ؟؟

عندي سؤال حبيبتي ,,,,الحين انا تخصصي موارد بشريه بالانجليزي ندرسوو ,,,وصار تخصص لوحدوو

وبرا مااظن ضمن التخصصات للماستر موارد بشريه اذن ممكن ادرس اداره اعمال صح .؟\

والله يجزاكي الف خيرررررررررر يارب

[أحلى عبوره]

الله يجزاك الف خير استفدت من معلوماتك كثير

[سراب الروح]

السلام عليكم





اختي اتنى احصل عندك أجابةة شافيةة لسؤالي


هل من المحتمل قبول معيده بمعدل 3,75 جيد جدا
مثلا اذ كان عندها شهادة دبلوم تربوي ودورات بمختلف المجالات
هل يرفعع من نسبةة قبولها نظرا للمعدل جج ولا شررط ممتازز

هل صحيح انهم يركزوا على ان يكون المعدل ممتاز مرتفععع


ارجوو اخباررري


في انتظاارك