تجمع المقبولين في ماجستير اقتصاد

[اقتصادي لغوي]

مشكورة أستاذة شواقه على تفاعلك معايا :)

على فكرة أنا اطلعت على الخطة مرات كثيرة ...

بس للأسف ماهم حاطين على الموقع خطة الطالب/ـة اللي يبغو ياخدو مشروع بحث ( بدل رسالة ) :(

وبما إني ناوي على ماجستير بمشروع بحثي راح تكون عندي :

6 مواد اجباري

+ 8 مواد اختياري

+ مشروع بحث

فلو قلنا بنقسمها على 4 أترام :

الأول 4 والثاني 4 والثالث 4 والرابع 3 ( الرابع 3 مواد شاملة مشروع البحث )

بتزبط الحسبة كدا

أنا بس حبيت أتأكد ( عمليا ) انو فيه ناس فعلا خلصت الماستر ف سنتين تماما ( اللي هيا أربع أترام بالزبط )

تعرفي شعور السعادة اللي يجيكي لما تسمعي انو فيه فلان أو فلانة من الناس قدر فعلا انو يسوي الشيء هادا بالزبط زي ما كنتي مخططة تسوي انتي كمان ...

أكيد شعور أكثر رائع :)

ربنا يحققلنا اللي نتمناه

[اقتصادي لغوي]

الله يبشرك يا أستاذة جنون الطفولة

طمنتيني الله يحققلك اللي تتمنيه :)

[جنون الطفولة]

المشاركة الأصلية كتبت بواسطة اقتصادي لغوي الله يبشرك يا أستاذة جنون الطفولة طمنتيني الله يحققلك اللي تتمنيه :)

يارب وإياك ,

المشاركة الأصلية كتبت بواسطة shwagaah بالتوفيق اخ اقتصادي لغوي ولكن انا افضل المستر بالرساله لمن ينوي الدكتوراه ﻻنه يؤهلك للبحث والمناقشه وكثير اسمع انه الي حاب يكمل ياخذ الماجستير بالرساله ممن اكون غلطانا بس موضوع تاكد منه قبل ان تتخذ القرار بالدراسه بالمشروع

وصحيح كلام الأخت,
لولا أمرين كنت درسته بالرسالة:
- ماعندي خلفية تامة عن التخصص.
- احتمال دراستي للدكتوراة ضعيف.

ولا كنت أخذته برسالة.

وبالرغم من دا الكلام وحدة من الأستاذات درجتها في الماجستير بالمشروع البحثي, وطبعا حتكمل دكتوراة.
فلذلك ماهي مشكلة.

[اقتصادي لغوي]

مشكورة أستاذة شواقه على الملاحظة الحلوة :)

هوا فعلا الموضوع اللي ذكرتيه مهم جدا انو الواحد ياخد بالو منو

وأنا بس يتم قبولي في جامعة الملك عبد العزيز راح أطلع لوكالة الابتعاث في الرياض واستفسر منهم مزبوط عن ابتعاث اللي معاهم ماجستير بمشروع بحثي ...

وإذا قال عادي ما تفرق مشروع أو رسالة ساعتها راح أعرف انو فيه جامعات في أمريكا تقبل للدكتوراة طلاب معاهم ماجستير بمشروع بحثي

وبرضي أنا راح أحاول أتواصل مع بعض جامعات في أمريكا اللي فيها أقسام دكتوراة اقتصاد ( عن طريق سكايب ) وأسألهم عن النقطة هادي بالتحديد ...

لأنو فيه حوالي 140 جامعة في أمريكا تقدم دكتوراة في الاقتصاد حسب هادي الصفحة :

http://www.aeaweb.org/gradstudents/Schools.php

والحلو في الموضوع انو الأستاذة جنون الطفولة ذكرت انو فيه زميلة معاها ماجستير اقتصاد بمشروع بحثي ( حسب ما فهمت ) وحاليا بتكمل دكتوراة ...

بس يا ريت يا استاذة جنون الطفولة انك توضحيلي :

هل هادي زميلتك بتكمل الدكتوراة حاليا في السعودية أو في أمريكا ؟

وربنا يحققلنا جميعا اللي نتمناه

[جنون الطفولة]

المشاركة الأصلية كتبت بواسطة اقتصادي لغوي مشكورة أستاذة شواقه على الملاحظة الحلوة :) هوا فعلا الموضوع اللي ذكرتيه مهم جدا انو الواحد ياخد بالو منو وأنا بس يتم قبولي في جامعة الملك عبد العزيز راح أطلع لوكالة الابتعاث في الرياض واستفسر منهم مزبوط عن ابتعاث اللي معاهم ماجستير بمشروع بحثي ... وإذا قال عادي ما تفرق مشروع أو رسالة ساعتها راح أعرف انو فيه جامعات في أمريكا تقبل للدكتوراة طلاب معاهم ماجستير بمشروع بحثي وبرضي أنا راح أحاول أتواصل مع بعض جامعات في أمريكا اللي فيها أقسام دكتوراة اقتصاد ( عن طريق سكايب ) وأسألهم عن النقطة هادي بالتحديد ... لأنو فيه حوالي 140 جامعة في أمريكا تقدم دكتوراة في الاقتصاد حسب هادي الصفحة : http://www.aeaweb.org/gradstudents/schools.php والحلو في الموضوع انو الأستاذة جنون الطفولة ذكرت انو فيه زميلة معاها ماجستير اقتصاد بمشروع بحثي ( حسب ما فهمت ) وحاليا بتكمل دكتوراة ... بس يا ريت يا استاذة جنون الطفولة انك توضحيلي : هل هادي زميلتك بتكمل الدكتوراة حاليا في السعودية أو في أمريكا ؟ وربنا يحققلنا جميعا اللي نتمناه

السلام عليكم, لا يا أستاذي اللي عندها الدرجة بالمشروع البحثي هي أستاذة بالقسم.
وتوقع مني إنها راح تكمل أكيد في التخصص دكتوراة.

وفعلا هي نفسها قالت لي إنه الوثيقة لا يكتب عليها هل الدرجة بالرسالة أو المشروع.

[Rwnq2]

السلام عليكم ورحمه الله وبركاته
اتمنى تساعدوني يابنات ماستر اقتصاد وش رايكم في القسم وكيف الدراسه من حيث الصعوبه
واسهل المواد الاختياريه ( اتمنى تذكرون لي تقريبا 6 مواد )
وهل الافضل اني ادرس ماستر اقتصاد برساله او مشروع ومالفرق ؟؟
الي ترد علي راح ادعيلها من قلبي لاني فعلا ضايعه

[shwagaah]

بالتوفيق اخ اقتصادي لغوي ولكن انا افضل المستر بالرساله لمن ينوي الدكتوراه ﻻنه يؤهلك للبحث والمناقشه وكثير اسمع انه الي حاب يكمل ياخذ الماجستير بالرساله
ممن اكون غلطانا بس موضوع تاكد منه قبل ان تتخذ القرار بالدراسه بالمشروع

[عزت قناوى]

الحمد لله المركز يستطيع مساعدتكم جميعا فى كل البحوث والدراسات وكل التوفيق لكم
وبشرى لكل طلاب الدراسات العليا (ماجستير- دكتوراه- دبلومات- بحوث علمية ) في جميع التخصصات يقدم مركز الدكتور/ عزت قناوي للدراسات الاقتصادية والسياسية والقانونية بالقاهرة خدماته الاستشارية والعلمية المتميزة لجميع الدارسين بمراحل الدراسات العليا من أبناء الوطن العربي ويتمنى لكم كل التوفيق والمستقبل الباهر لخدمة قضايا الوطن العربي. وفى حالة الاستفسار اتصل على هاتف 00201223519507 أو أرسل رسالة عبر الايميل

bardis2009@hotmail.com

[shwagaah]

بالتوفيق اقتصاي وربي يحقق لك مبتغاك افتكر معلومه ذكرت من احد اﻻعضاء ناسية والله وين قراتها انه في وثيقة التخرج من الماجستير مايكتب نوع الماجستير اذا كان بالرساله او المشروع بس الشي هذا اضافه لك واريح لك ﻻكمال مسيرتك اذا اخذته بالرساله
موفق ...

[اقتصادي لغوي]

مشكورة أستاذة جنون الطفولة ع التوضيح :)

بس ترى حتى لو ما يتكبو ع الوثيقة انو برسالة ولا بمشروع يظل سجل الدرجات هو اللي فيه التفاصيل

ربنا يحققلنا اللي نتمناه وكل عام وانتو بخير