تجمع الحاسوبين والحاسوبيات المستجدين =)

[iRe]

^
^
+1
نفس السؤال ~

[ƨɱƨɱ]

المشاركة الأصلية كتبت بواسطة asma'a ي بطتي بخصوص البايوكيمستري شكلهم كنسلوها مع الأوديس الجديد .!! لأن في الأوديس الجديد في المستوى الخامس حاطين كيمياء وأحياء وفيزياء ^_^.. يعني شكلوو حيخلووونا نختار ع كيفنا :p .. لأن حق الشؤون لما رحت كلمتها عشان أعادل كيمياء حيوي قالتلي انو احنا بس طالبين 4 ساعات معمل ، بس عشان قسم الكيمياء حيوي الوحيدين اللي بيعطونا شعبة فبيعتمدوو دي المادة لكل دفعة السي اس ^^.. لكن شكلوو دحين فيه أحد حيعطيهم شعب كمان ففتحولنا المجال ^^.. وحيبان دا الشيء ع الترم الجديد ان شاء الله ويصير أعطيكي اجابة أكيدة :$.. ولا تخافي حتى انا فاشلة في الكيمياء حيوي :p .. درستها بساعتين وجبت فيها 80 مع مرتبة الشرف هع .. ودحين في سي اس مطلوب مننا 4 ساعات :$ .. فيعني ماححرم نفسي من تخصص عشان مادة :$ .. وانتي كمان لا تحرمي نفسك التخصص لو انتي حابتوو وراغبة فيه .. أحلى خبرية يعني فيه أمل .. أكره الاحياء و الكميا وكمان يجتمعوا مع بعض كويس حطوا الفيزيا كخيار ثالث ... وأكبرررررررررررر يسلمووو ليكي ي سمسم ع موضوع التجمع :p .. العفوو نورتووووووووو الحتة كلياتكن .. النور نور أهل الدار بالنسبة للي درسوني في فرع السليمانية .. برمجة 1: د. غادة الدباغ .. انسانة تحمسك ماشاء الله تبارك الله وتحسسك بإنك قادرة تسووي كثير وتعطيكي دافع ع الاستمرار والتفوق .. وبصراحة كان ليها الفضل بعد الله في إني أعشق التخصص مو بس أحبو :$ أساليب كتابة علمية : أ. غادة العمودي .. أحببببها مرررة :$ .. انسانة طيبة .. صح أحيانا تنقص .. بس لو رحتي ناقشتيها ممكن تتراجع وتعدل الدرجة .. وشرحها يعجبني ماشاء الله .. حوسبة: أستاذة عائشة عسيري .. إنسانة رائعة .. بشوشة .. ابتسامتها وهدوئها وطيبتها وشرحها .. كلوو جميل ماشاء الله تبارك الله .. تم تثبيت الموضوع :$ .. بالتوفيق للكل دمتم بخير ..

مره مشكورة يالغلا ...
ردك مره ريحني خاصة حكاية الاساتذة ...
الله يوفقك ويسعدك..

[ƨɱƨɱ]

المسارات التخصصية من المجلة ...
cs


it


is

[asma'a]

ويسعدك حبيبتي ويحققلك أمانيكي ويسهلك كل خير ي رب :$ ..

نحن بخدمتكم :$ ..

بالتوفيق ي ستّي ..

دُمتـِ بخير

[الحمد الله على كل حال]

ياعالم صراحة أنتو ريحتوني بالحاسب يأرب أنقبل فيه يوم عن يوم أحبة
صح إن أهلي مسببلي تشتت بس وإلله ماأعرف إيش أروح
محتارة.
صيدلة حلم أبي بتخصص. طبي وطبعا حبيت الصيدلة لأن كيميائية. بس من جهه أكره الأحياء حرام أكون بتخصص مائناسبني
وحبئت حاسب لأن إحصاء ورياصيات أحب الأشياءهادي
بالله أنصحوني لحد يوقلي صلي صلاة استخارة صليت من الاختبارات النهائيه
في أحد دخل حاسب بعدها حب القسم
أهلي يقولوا صعب ماأذري

رأسي بينفجر

[الحمد الله على كل حال]

بابا يبغاني ادخل قسم صحي مو عاجبوا ولا قسم
ماأري أخاف أخل حاسب يكون صعب مثل الطب وماألاقي ميول

[X901]

شباب وين طلاب السليمانيه -ــ-
أبغى اسأل عن اسماء الدكاتره في السليمانيه ..
مين أفضلهم ؟

[eid alagha]

المشاركة الأصلية كتبت بواسطة ƨɱƨɱ المسارات التخصصية من المجلة ... Cs it is

يعطيكي العافية سمسم مشكورة

[❤ α̲и̲єєи̲]

المشاركة الأصلية كتبت بواسطة الحمد الله على كل حال ياعالم صراحة أنتو ريحتوني بالحاسب يأرب أنقبل فيه يوم عن يوم أحبة صح إن أهلي مسببلي تشتت بس وإلله ماأعرف إيش أروح محتارة. صيدلة حلم أبي بتخصص. طبي وطبعا حبيت الصيدلة لأن كيميائية. بس من جهه أكره الأحياء حرام أكون بتخصص مائناسبني وحبئت حاسب لأن إحصاء ورياصيات أحب الأشياءهادي بالله أنصحوني لحد يوقلي صلي صلاة استخارة صليت من الاختبارات النهائيه في أحد دخل حاسب بعدها حب القسم أهلي يقولوا صعب ماأذري رأسي بينفجر

؛*

معليش بس بصرااحة اضايقت من كلمة
( لحد يقولي صلي صلاة استخارة ) !!!!!
ييعني انتِ م عندك ثقة بربك انه هو يعلم الخير لكِ اكثر منك ومني ومن اي احد تاني ..!
اذا انتِ مَ عندك ثقة ويقين بالله فالصلاة كونها حركات وركعات وسجدات ماراح تفيدك
الاهم في صلاة الاستخارة ان تفوضي امرك كله للرب الكريم
وانتِ مؤممنة ومتيقنة انه بيدهـ كل الخير وبيدهـ التيسير والتسخير وكل ششي

خليكِ مؤمنة بأن كل ما ييكتبه الله لكِ خخير لك باذن الله
( وعسى ان تكرهوا شيئًا وهو خير لكم )
واتيقني انوو كل ششيء مكتوووب لكِ حيسير وليس لكِ الا ماكتبهُ (الله)

خذي الكلام من وحدة مجربة الاستخارة في كل امور حياتها ومَ عمرها ندمت ع شي وبالاستخارة ربي يسر لي كثير امور فِ حيياتي وبركتها واضحة
والله عجائب مع الاستخارة تصير ،،،
والحمدلله ربي مايترك الحسرة فِ قلبي على فوات امنية لأني لما استخير افوض امري كله لله
وكلي ثقة انه بيدهِ (الخير )

الله يوفقك ويحققلك لك مبتغاك وينولك ماتريدين ويثلج صدرك ببلوغ مرامك

:::::::::::

[asma'a]

الحمد الله على كل حال

حبيبتي أنا مع كلام أنين مليون بالمية :$

ولا تخلي وجاهة الطب ومستقبلوو يغرووكي ..

انتي لازم تدخلي الشيء اللي يناسب ميوولك ..

صح يمكن حلم بابتك انك تدخلي كلية طبية بس كمان لازم تُشوفي انتي ايش تبي عشان تقدري تتفوقي في حياتك وتقدري تكلميه وتقنعيه بوجهة نظرك..

في الأخير ي حبيبتي اللي ربي كاتبوو حيصير ..

وماتدري يمكن تنقبلي في كلية الصيدلة وبعدين تحولي للحاسب وممكن العكس تنقبلي حاسب وتحاولي تحولي لكلية الصيدلة .. وفي الأخير اللي ربي كاتبوو ليكي حيصير ^^..

أنا كُنت كلية طبية (علاج طبيعي) وماكُنت متوقعة ولا 1 بالمية إني أحول لكلية الحاسبات وكُنت بانية حلمي كُلو ع تخصصي ^^.. بس لما جيت أحول كنت محتارة بين الحاسب وتسويق في ادارة واقتصاد .. ولما شفت نفسي أميل لايش اكثر شيء اخترت الحاسب ^^..وأول شهر في الحاسب تعبت لأني حابة تخصصي القديم وكان تحويلي لأسباب خاصة .. لكن ورربي دحين إني أقول الحمدلله ع كل شيء .. ربي أرادلي دا الشيء ودا شيء كان فيه خير كبير :$ .. لأني حبيت الحاسب وتعلقت فيه وصرت أفكر في إني أخدم المجال الطبي ببرامج في المستقبل ان شاء الله ..

ولما حضرت مناقشة صاحباتي حق التخررج .. كان كذا موضوع يتكلم عن الألعاب وبرمجتها ودورها في العلاج الطبيعي وتحسين حركة اليد والرجل ............ الخ

ورررربي وقتها ابتسمت من قلبي .. لأنوو بجد الحاسب داخل في كُل شيء وأقدر أكمل حُلمي فيه :$ ..

حددي أهدافك في الحياة وايش تبي تصيري وقد ايش حتفيدي العالم اللي حولك ..

انتي مسؤولة عن كل حرف تتعلميه ايش حتعملي فيه ^^..

العلم أمانة ..

ولازم تحطي في بالك إنوو دراستك ماحتفيدك انتي وبس .. دراستك ممكن تخدم أمة بحالها ..

بس اختاري الشيء اللي لما تتعلميه .. تتعلميه برغبة واقتناع .. عشان تعطي مجالك أكثر وأكثر :$ ..

وع قولة دكتورة غادة .. احنا أمة محمد حنغير ان شاء الله ونرتقي بأمتنا لو تعلمنا صح وحبينا اللي نعملوو ..

وإن شاء الله يُكون كلامي شافي ليكي وتقتنعي بيه :$ ..

والاستخاارة مهمة جدا جدا ..

طبعن ماراح تحسي شيء في الاستخارة .. لكن لازم يُكون عندك ثقة ويقين بربنا انو هوا حيختارلك اللي فيه الخير ليكي ..

وطبعن تستمري في الاستخارة لين ينتهي الموضوع :$ ..

مرررة أو مررتين أو ثلاثة مو كافية ليكي :$

بالتوفيق ي بطتي

دمتـِ بخير