طالبات بحث وتدريب خديجة ضباب

[ام رفيف]

همس ورائحة الصباح بليز ساعدونا ابعى الساعات المكتبه للاستاذه واذا شفوتها او قالتلكم شي ياريت تقلولنا ومره شكرا

[همس الغلا]

ساعتها المكتبة من 9-12 يوم السبت والاثنين والاحد والثلاثاء من 9-9.30 و12-12.30,,
وفيه رقم جوال للدكتورة في موقعها تقدرين ترسلين استفسارك برسالة عاجوالها وتردلك ,,, وبالتوفيق

[ام رفيف]

مشكورة ياقلبي وجعلها في ميزان حسناتك

[الاحساس الوردي]

بنات اللي لسا ما اتدربو
عندكم البنك الاهلي
انا اتدربت عندهم في فرع المكرونة
مرة والله المديرة انسانة اخلاق وذوق
داومت يومين وبعدها قالت لي اذا ماتبغي تداومي مو مشكلة انا اوقعلك على التقييم وتمشي

اللي تبغا تتدرب عندهم تروح للفرع الرئيسي للبنك الاهلي في طريق المدينة عند مركز النخيل
تطلع الدور الاول او الثاني والله ناسية عند شخص اسمة " وليد الجهني"
تقوللو انا ابغى اتدرب في الفرع الفلاني
حياخذ منك ورقة من الاوراق اللي مكتوب فيها اسمك ورقمك الجامعي ويصورها
وبعدين حيحولك ع الفرع وتقوليلهم انا ارسلني وليد الجهني
وبس
"" على فكرة لازم يكون معاكي ابوكي او زوجك لان المبنى كلو رجال""

بالتوفيق بنات

[الاحساس الوردي]

و اللي يسال عن عدد الصفحات

تقول الاستاذة تقريبا مابين 25 و 35 صفحة بهاذي الحدود
بس المهم يكون الموضوع شامل

الله يعين عليها نسحب الكلام منها سحب

رائحة الصباح>> تعجبني روحك المتفائلة
رفعتي معنوياتي (=

[رائحة الصباح]

السلام عليكم والرحمه

الاحساس الوردي, اهم شي تكونوا متفائلين علشان كل وحده فينا تقدر تنجز حاجة

انا بكرى بابدا اروح للمكتبات علشان المراجع والكتب
عندي اسبوع واحد علشان اخلص كتابة البحث

لكن سؤال, اقدر ارسل لها التقييم والبحث والعرض في وقت واحد من غير ما اسافر لها لجدة؟؟
ثانياً , عرفتوا تقسيمة الدرجات على العرض والبحث والتقييم؟؟


واهم نقطة, الله يشرح صدوركم وييسر اموركم ويسهلها عليكم ياحي يا قيوم وانا معاكم
ويرزقكم اللي فيه الخير

اترككم في وداعة الرحمن

[همس الغلا]

الله يجزاك خير يارائحة الصبااح على هالتفااؤل من جد لما اقرا ردك انبسط ان شاء الله تتسهل ونتخرج هالترم ,,,

[نووونه]

انا بالرياض ومو لاقيه مكتبه عامه اروح لها

[رائحة الصباح]

السلام عليكم والرحمه

اللي في الرياض
عندها مكتبة الملك عبدالعزيز العامة
وعندها مكتبة معهد الادارة

[ام رفيف]

بات حبايبي انا جمعت كده موضوع وحابه اشوف الاستاذه بس طبعا ما لقيتها كم مره وادق على جوال ماترد عادي اذا سويت موضوع التقرير من نفسي وكنت ابغى اسال اذا هيا تبغى استبيان وﻻ ﻻ