قصتي (كيف أصبحت معيدة) + إجابة على الاستفسارات فيما يتعلق بالتقديم والمقابلة والتعيين

[battota]

يعطيكي العافيه ...

عندي سؤال ...دحين لما قلتي انو فيه بنات انقبلوا معيدات بس ماانتظروا سافرووا يدرسوا ماستر على طول ...>>على حساب قصدك الجامعه ؟؟ولا على حسابهم ؟؟ومين يحدد الدوله ؟

وعندي برضوا سؤال تاني /لو وحده قدمت على معيده وكان عمرها مثلا 27 او 28 ..وسافرت تدرس ماستر ووصلت ال 30 لما رجعت هل خلاص تروح عليها انو تصير معيده ؟؟؟لانو اتجاوزت ال 30 ولا ما يهم الا بالتقديم بس ؟؟

[أبوأحمد الشنقيطي]

معليش بأتلقف وأرد


إذا جاك قرار تعيين لازم تقطعي دراستك وتباشري عملك لأنهم يعطوك وقت معين إذا ماجيتي تروح عليك الوظيفة

أما بالنسبة لدراستك لازم تقدمي عليها من جديد بعد الوظيفة

وممكن تخلصي الماستر وتقدمي على وظيفة محاضر بس إنتبهي للتخصص لازم يكون نفس البكالوريوس

[أرنو للقياه]

بنفجسية خضراء
آمين يارب وإياك ياقمر
عقبال ما تتخرجي ونفرح فيكِ


al-bayan
الله يبارك فيك
مقولة إنه التوظيف يتأخر لمدة سنة، غير مجزوم بصحتها 100%
أحيانا تجي الأرقام الوظيفية على طول وتبدأ المباشرات، وأحيانا تتأخر
أما أسئلتك الخاصة بالابتعاث، فتقدري تطرحيها في موضوع
برنامج خادم الحرمين الشريفين للابتعاث الخارجي المرحلة الثامنة 1433
حيفيدوكِ أكثر مني


رتونا
الحمدلله الذي علمنا مالم نكن نعلم
ويجزاك ربي الجنة


مجبورة أدخلك
وجهة نظرك محل تقدير واعتبار
وأكيد في المقابل توجد غايات وأهداف من وضع شرط العمر
بعد التخرج تقدر الطالبة تقدّم مباشرة على وظيفة معيدة من دون ما تكون اشتغلت قبل
وحيكون عمرها لسا في ال 22، تشتغل سنة أو سنتين ثم تسافر تكمل دراستها
هي في الأخير أرزاق، وكل إنسان ربي يكتبله اللي فيه خيره ومصلحته
بالتوفيق لك



ملاك القلب
أحبك الله الذي أحببتني فيه
النفوس الجميلة يا ملاك ترى من حولها مثلها
شكرا لقلبك الطيب



battota
إجابة أبو أحمد الشنقيطي صحيحة
لما تنقبلي معيدة، لازم تجي توقعي مباشرة، وبعد كدا ترجعي تسافري تكملي دراستك
طبعا دراستك راح تتحول من بعثة الملك عبد الله إلى حساب الجامعة، أظن فيه زي الكود أو الرقم يطلبوا تغييره
بالنسبة لسؤالك الثاني فانتِ حترجعي بمرتبة محاضر وليس معيد، مادام كملتِ الماجستير
وحتى لو قدمتِ على وظيفة معيد وعمرك 27 مثلا، وسافرتِ تكملي ماستر ورجعتِ 30
ما قد سمعت وظيفة معيد ياخذ إعلان نتايجها 3 سنوات
فلو أعلنوا النتايج بعد سنة، تجي توقعي مباشرة وترجعي تسافري ثاني تكمل دراستك
وأبشرك .. أعرف وحدة عندنا قدّمت معيدة، وكانت برا تدرس ماستر في بريطانيا
فلما أعلنوا النتايج كانت هي راجعة ومعاها شهادة الماجستير، وهي قدمت معيدة، فأتذكر قالولها إنه هاتي شهادتك عشان نرقيك من معيد لمحاضر



أبو أحمد الشنقيطي
أشكر تعاونك



.

[جوجو (^-*)]

السلام عليكم ..أرنو للقياه عندي سوال وقع ولي أمرك على تعهد للاكمال الدرسات العليا في الخارج ؟

[battota]

اهاااااااااااا مررررررررررررررره تسلمواااااااااااااا عالردوود

جزاكم الله خير ....

عندي سؤال لو وحده قدمت معيده وبعد كدا سافرت على حساب الجامعه برا هل لازم تدرس الماستر نفس تخصص البكالوريوس ؟؟؟يجبروها ولا هي بكيفها ؟؟؟؟

لانو لو خلصت ماستر من بعثه الملك ورجعت قدمت محاضر وكان تخصصها بالماستر غير البكال فعادي ياخدوو تخصصها اللي بالبكالوريوووس ....بس المشكله في اللي انقبلت معيده وبعد كدا سافرت هل يجبروها تختار تخصص الماستر نفس البكال ؟؟؟وشكرررررررررررا

[أبوأحمد الشنقيطي]

شكرا لك يا أرنو القيادة

[أرنو للقياه]

جوجو
وعليكم السلام ورحمة الله وبركاته
لا ما وقّعونا، بس وقّعونا على تعهد بانه تخصص الماجستير يكونوا موافقين عليه، أو شي زي كدا
شوفي هم ممكن يتغاضوا عن دراسة الماجستير في الخارج، إذا ظروفك صعبة، بس الدكتوراه في الغالب لازم برا
هذا اللي قاله د.سعود المسؤول عن البعثات
وفي الأخير الأمر يرجع -بعد الله- لمشرفة ورئيسة قسمك، بعضهم يتجاوزوا، وبعضهم يصرّوا تدرسي بالخارج


battota
وجزاك الله خير
أنا أشرح لك يا بطة : )
إذا تبغي وظيفة أكاديمية، خلي تخصصك بالماستر نفسه بالبكالوريوس، هذا الكلام قالته لي وحدة من الأستاذات
أنا ما أعرف في الأنظمة ولا أقدر أعمّم بس هذا اللي سمعته، وانتِ خذي بالاحتياط أسلم لك

بعد ما تتعيني معيدة، وتجي بتدرسي ماستر بعثة، لازم يوافقوا لك عالتخصص طبعا
ويكون نفس البكالوريوس، بس مو لازم نفس التخصص الدقيق
يعني لو مثلا أنا تخصصي (علوم الحاسب الآلي)، ممكن أدرس ماجستير في نفس (علوم الحاسب الآلي)
وممكن أختار تخصص دقيق ثاني يندرج تحت علوم الحاسب، مثل: هندسة برمجيات، ذكاء صناعي، أمن المعلومات ... زي كدا

ويعتمد كمان على قسمك، بعضها تكون جديدة لسا والمعينات فيها ما ابتعثوا
فالتخصصات الدقيقة يكون فيها مجال واسع للاختيار
في بعض الأقسام، لو مثلا بتختاري (هندسة برمجيات) يقولوا لك: خلاص عندنا 3 متخصصين هذا التخصص فاختاري تخصص ثاني
لكن لو لسا القسم جديد والمعينات جدد، أمامك حرية الاختيار بين كل التخصصات الدقيقة، يوافقوا لك عليها بسهولة

لا تنسي تستخيري في اختيار التخصص
وربي يسددك إن شاء الله



أبوأحمد الشنقيطي
العفو


.

[عبير العسيري]

السلام عليكم ورحمة الله
عندي كم سؤال لو تكرمتي

كم عدد الدورات اللي اخذتيها؟
وهل بامكاني التقديم على وظيفة معيده اذا كان تقديري جيد جداً ولكن سبق لي الرسوب في احدى المواد خلال دراستي الجامعيه لمره واحده فقط

كمان أبغا اطلب منك تساليلي بالجامعة هل بامكان طالبات الانتساب التقديم على وظيفة معيده او لا

والف مليون شكر لك

[جوجو (^-*)]

ارنو للقياه اذا سالو في المقابله عن أكمال الدراسات العليا انا راح اكمل حتى لو ماقبلوني بس أيش ارد عليه اذا على اكمال الدرسات العليا بالخارج ..... الرجاء الرد

[xxvxx]

((أرنو للقياده))

بارك الله لك ورزقك من حيث لاتحتسبي
كلامك وصف لواقع لا يؤمن به الكثير الا اذا تحقق .. دائما أتحدث بنفس منطقك ولكن الجميع يستهتر بذلك
وانتي هنا أثبتي بعد قبولك بأن (الثقه بالله وحسن التوكل عليه هي سبب للتوفيق)
من قلبي أشكرك على توضيح امور فعلاا كنت أتمنى أعرفها
أنا متخرجه جديده وكنت أبحث عن شروط التقديم على معيده وبالصدفه ظهر لي موضوعك أسعدني كثيراا ودعوت لك من القلب ..
شكرا لا تنتهي ي أرنو :)