ابي اتزوج الثانيه ومتردد

[همة همة همة]

المشاركة الأصلية كتبت بواسطة اموت واحيا فيها صباحكم ومساكم خير وحب وطاعة رحمان اولا /انا اشكر جميع من رد ومر على موضوعي والله كل كلامكم على عيني وعلى راسي واحس كلامكم يطلع من صميم القلب . الشئ الثاني /كنت متحفظ على الشئ هذا ولكن بنات حواء جاء بخاطرهم من الموضوع انا ولا تدرون اسف ماراح اقول اسمحولي . الشئ الثالث/انا رغبتي في وحده جمال من حقي بس اكيد وشئ مسلم به لابد ان يكون فيها الدين والاخلاق انا لايهمني منصبهم ولا وجاهتهم لابل لو اجتمعت فخير على خير الشئ الرابع / لو عزمت والله يكتب اللي فيه خير على الزواج راح يكون التالي ستر عرض من اعراض المسلمين . -زياده في المال والولد باذن الله. -ساهمت في حل مشكلة العنوسه او المطلقات او ...الى اخره. تكوين علاقات اجتماعيه جديده وغيرها من الامور وقبل الاخير / انا اعتذر اشد الاعتذار لبنات حواء على الموضوع عارف موضوع ثقيل عليكم بس هذا منتدى ومتنفس والواحد يحس انه بين اهله وناس متعلمين ويثق فيهم. اخيرا / اسال الله العظيم رب العرش الكريم ان يستر بنات المسلمين بنات المملكه العربيه خاصه خاصه وبنات المسلمين عامة ويرزقهم الزوج التقي النقي ويسعدهم ويحفظهم بالحجاب والعفاف وان يرد كيد كل ليبرالي وعلماني الى حلقه ويارب اسألك في هذه الساعه ان تفرج هم كل صاحب هم وان تقضي لكل حاجته وان وسألك يارب ان تكتب لي مافييه خير وصلاح وجميع المسلمين ارجوا عدم اغلاق الموضوع باذن الله راح الكل يفيد ويستفيد وانا والله متابع ردودكم وانا معكم وتقبلوا تحياتي .

أسأل الله العظيم رب العرش الكريم
أن يوفقك وييسر أمرك ويعينك ويقر عينك بالزوجتين الاولى والثانية وتكن قرة عين لهم ..ويحفظ بيتكم من الخراب والتقاطع..
لان نيتك العفاف ونيتك طيبة ..وصدقني دامة حلال ودامك تريد الابتعاد من الحرام الى الحلال وتهتم بالامور كلها ليس الجمال فحسب فربي ماراح يضيعك او يخيب عليك عيشة هنيئة مع زوجاتك ..ولا أوصيك الف بين قلوبهم والله فيه ضرتان كانهم اخوات بل اكثر كله بلبابة اسلوب الزوج
خليك هشاش بشاش ضحاك بسام ..كما كان الرسول صلى الله عليه وسلم ..والعصر الحالي اقرا عن معاملة وقصص الدكتور ناصر الزهراني ..

تقبلوا مروري ...ولاحد يقول ان جدتي منعتني خلاص داريتها الى ان ان وافقت خصوصا يوم شفت ردك هذا الي بالاخضر ..قلت الا اكتب ..

المهم انك تعرف الحقوق والواجبات واما الميل القلبي فهذا من ربك ...
خليك هشاش بسام ضحاك ..هلا بالطش والرش والبيض المفقش ..لما تدخل المنزل وما اوصي عارف مثلك ...

[دافئ الإحساس]

العــفوو

^_^

[Shabeeb]

انا مثلك بالضبط و تزوج و لا تشاور انا ابي اطق الثانيه وياليت تكون تخصص انجليزي مثلي
ماعاش الي يبي يحرمنا من شرع ربي وحلاله الي حلله لنا
ليس الذكر كا الأنثى الرجل عليه ضغوط في الحياه وربي يعرف نفسيته و ما يحتاج
الله اعطى الرجل الحق في التعدد والله الذي خلقه ويعلم حاجته
فأنا انصحك تزوج واهم شي العدل و المقدره وغيرها لا يردك شي

[اموت واحيا فيها]

شكرا على مرورك ياشبيب عطيتني دفعه قدام ..........وموفق خييير رتب امورك وتزوج

[كرزه...]

المشاركة الأصلية كتبت بواسطة عميد بلا كليه الاحت كرو هدي شوي منطلقه 1000 حنا نتشاور ونتحاور وكلا يدلو بدلوه بدون رفع ضغط وخاصه انه حلال بمكن انا راقض السبب (الجمال) بس هذا ما يمنع من النقاش

مو بس منطلقه 1000حط ست اصفار قدام
مجرد تفكير الرجل بهذا الشكل استحقره بشكل لايوصف..لأن مايستاهل ولا حرمه تجلس معه ..أنا مو رافضه التعدد نهائي ابدا لا ..بالعكس أحيانا الزوج يكون مظلوم وعادي حتى لو يبحث عن الجمال من حقه بشرط أن اﻷولى مايكون فيه الصفات الي يبغاها من جمال او مقصرهوتعبان معاها أما انه يقول عاجبتني لكن أحب التغيير وأكف عيني عن الحرام فهذا ابدا سبب مو قنع والله يعينه على ما ابتلاه..المرأه كائن رقيق حساس مايتحمل كل هذا حرام عليكم

المشاركة الأصلية كتبت بواسطة shabeeb انا مثلك بالضبط و تزوج و لا تشاور انا ابي اطق الثانيه وياليت تكون تخصص انجليزي مثلي ماعاش الي يبي يحرمنا من شرع ربي وحلاله الي حلله لنا ليس الذكر كا الأنثى الرجل عليه ضغوط في الحياه وربي يعرف نفسيته و ما يحتاج الله اعطى الرجل الحق في التعدد والله الذي خلقه ويعلم حاجته فأنا انصحك تزوج واهم شي العدل و المقدره وغيرها لا يردك شي

حلوه عليه ضغوط لا مره سبب مقنع الحقيقه ..لا خلاص منجد تحزن عليك ضغوط روح تزوج ..
راح تزيد يالطيب بعد الثانيه الضغوط..
منجد ماتعرف اش يعني امرأه

اللهم حولينا ولا علينا..يارب لا تبلانا

[arkan minsseyh]

وهي مو مقصرة بشيء بهذي السهوله تجرحها ؟
تدور غيرها
تبيعها ؟
مافكرت بمشاعرها ؟
مافكرت بألمها ؟
مافكرت إنها أنثى قلبها رقيق
اهم شيء عندك ترضي نزوآتك وتجدد حيآتك وبس
أنا مدري بعض الرجال من إي طينة مخلوقين
أنانية فضيعة
ألله لايعلق قلوبنا إلآ فيه

[همة همة همة]

اخوي والموضوع ماكان ثقيل على بنات حواء الا بسبب الغيرة
وما اجمل من غيرة المراة بصفة عامة او الزوجة على زوجها بصفة خاصة ..لان ذلك دليل الوفاء والحب الصادق ..وصدق العشرة لذك هذا حالهم فكانهم اخواتي الطيبات الي ردوا عاشوا الموقف.... وفقط انظروا كيف قوة صدق مشاعر البنات الي ردوا
كانهم هم ...وهذا دليل على الغيرة المحمودة والله حسيبهم ...
امالمؤمنين عائشة رضي الله عنها كانت اشد غيره ومن حقها ان تغار على افضل البشر
فلاتنسى لابد ان نقدر غيرة النساء ..ولا اقول لست منهم انا اغار كحالهم..فهذه فطرة من الله .
لكن ستجد الحلاوة بين زوجاتك اذا عدلت وكنت كما ذكرت تقي نقي هين لين سهل بشوش ضاحك باسم ...
الله يحفظك ..دام نيتك انك تحاول الخير من زواجك وليس البحث عن الجمال فقط...


التعدد حلال ..مباح ..




وكان ودي لو ما كتبت الموضوع هنا لانك تعرف الردود القوية ..والمكان في نظري اولى ان يكون في مواقع الاستشارات الزوجية ...تقبل شكري لكم

[TCHECO]

باختصار..
اذا كنت اخي الكريم بتعدل بين زوجاتكــ فتوكل على الله ولايردك شيء ..
وصراحة انا ماالومك ..

هذي قصة وحده حرمة كانت معزومه للزواج...قامت الحرمه نظفت نفسها وسرحت شعرها احسن تسريحه وسوت مكياج حلوو ومرتب.. ولبست احلى فساتينها وتعطرت وتبخرت...وبعد ما خلصت اتصلت على زوجها علشان يوديها الزواج... قال لها دقايق واكون عندك... المهم يوم شافها اعجبته لانه المسكين ما يحصله يشوفها الا في المناسبات المهم ..طلب منها تترك الزواج وتقعد معاه..وقال ابي اخليها احلى ليلة وراح اعوضك عن الزواج ..وراح نستانس ونسهر وبجيب عشاء من المطعم... الحرمة وافقت...راح الزوج وكان مستعجل يجيب العشاء....يوم جابه ودخل بيته شنو شاااااااااااااااف قدامه..؟؟؟؟؟؟؟؟؟ الحرمة شايله فستانها ولابسه قميص قطن وغاسله مكياجها وفاكة التسريحةوحاطه بشعرها زيت ورابطته الرجال عصب وسألها ليش سويتي في نفسك كذاااا؟؟؟؟قالت الفستان ضايقني والمكياج غسلته ماله داعي بالبيت وشعري زيته عشان الرغوة والاستشوار...تصدق توي احس بالراحه يوم لبست هالقميص..!!!! قام الرجال يصرخ عليها وقال لها الزينة بس للناس وانا زوجك ما تهتمين فيني...وقال لها والله ما تذوقين العشاءوالحين قدامي للزواج تروحين لهم وانتي كذا في شكلك هذاا....!!! والا ما راح تقعدين في البيت ....حاولت فيه الحرمه بس ماقدرت علية ولانه كان مصرررر... وفي النهايه لبست عباتها وراحت الزواج ودخلت عليهم وكانها شحاذة وتركها الى اخر الليل وكل اللي بالعرس شافوها.. وهي جالسه بعبايتها ما شالتها طبعا من الموقف اللي حطه زوجها فيها......!!!!

[arkan minsseyh]

^
^
يقولك زوجته مافيها شيء بس هو عينه ماتملاها وحده
وانت راز لنا ذي القصه يعني ع بالك كل البنات مثل هذي المخفه
إللي مقتبس سالفتها ؟
يعني على أساس انتو اللي تكشخون لزوجاتكم كل يوم لبس جديد
وستايل جديد
ألله المُستعان بس

[خالد9921]

هلا ومرحبا

يبدو إن الشعب عاطفي وهالمواضيع تاخذ حيّز كبير من الإهتمام

ما علينا ..

بخصوص موضوع زواجك أخوي
ما يخفى إن الجمال من الرغبات المشروعة بالزواج ..
ولكن السؤال طالما زوجتك الأولى قاصرها هالشي
ليش رضيت فيها كزوجة من الأساس ؟
إذا كنت تشوفها غير جميلة من أول الأمر
فـ معناته إمّا إنه تم دفعك دفعاً للزواج بواسطة أقاربك
وهنا كان المفروض تكون رجل حازم وما يتم دفعك مثل ما إنت حازم بمسألة الجمال حالياً
أو إنك قلت يالله خلنا نعرس وننبسط العملية فيها ... و ... !
وأتمنى من كل قلبي ما يكون السبب الثاني
ولو إنّي من خلال طرحك أشك إنّه هو .. !
ثمّن طفشت من هالمسيكينة خاصة بعد وجود العيال
وحبيّت تغير المود على كبير يا معلّم داخل هالمره على جمال ..
بس أحب أذكرك إن الجمال ماهوب دايم للوحده
مصير هالجميلة تخيس مثل ما خاست الأولى بعينك
حتمية أنثوية رح تخيس إمّا وزن إما بسبب الولادات إمّا بسبب الكبر بالسن .. الخ
وقتها وشو يا بعدي بتطق الثالثة ؟ والرابعة ؟ إذن إنت وقتها زير نساء وخلصنا
لازم تعرف شغلة مهمة إن فيه فرق كبير بين الجمال وبين الإهتمام بالنفس والأناقة
الأناقة والإهتمام بالنفس مطلب واجب على الزوجة بلا شك وبمقدور كل زوجة
إنّما الجمال بالملامح وخلافه هذا شي ربّاني وكان لازم تعرف رغبتك من قبل زواجك الاول
وحتى الجميلة يا بعدي تظن إنّها جميلة خلاص بتشتري الدنيا
والله يا فيه جميلات تصبّح عليها وريحة فمّها خياس وحالها صعب فلا تتوهم واجد
ثم إن الجمال اللي ما شفته بزوجتك .. وين شايفه حضرتك ؟
ما غير شايفه يا بوسائل التقنية أو بالشوارع ..
وهاذول كلهم زبالة ما عرضو جمالهم الا وهم أزبل النساء وخذ علم أكيد
او أنّك سامع عنه سمعة من ايام دفتر سن توب وبقولك خلك أصنج المسامع ..!

أنا نصيحتي لك
بدل الأخذ والعطاء مع ناس ما راح يلمسوا النتايج والسلبيات
مثلي وشرواي والاعضاء
قم لزوجتك وتناقش معها بهالخصوص
طبعاً لا تكون جاهلاً بالنساء وتقول لها إنتي مب جميلة شوفي لك حل
هنا إنت سببت لأم عيالك نكسة نفسية وشرخ مؤلم راح يتعبها كثير كثير
ولكن تكلّم معها بطريقة ذكية إنك محتاج كذا وكذا ...
وإنك تحبها ولا تبغى تشوف غيرها ابداً وفيه مغريات بالتقنية وخارج المنزل
فلازم تسوين وتهتمين وتجددين لأني بصراحة احبك ولا ابغى اشوف غيرك
متأكد إنها لو عاقلة وتستاهل حفاظك عليها كزوجة وحيدة راح تبذل مجهودها
ثم تطق لك من هالصبغات والتسريحات والملابس والخرابيط ما تستلذ به عيناك !
بعدين لعلمك ترى إنت شريك بعملية الجمال هاذي
يعني ليش ما توديها كل 5 أيام أو ويكند لمحل كوافيير جبار تسوي فيه نيولوك بطل ؟
وتمسك على يدها وفرفرة بهالمولات على افضل ماركات الميك أب والتكشّخ
ليش ما تقرروا تعملون عشاء وتمشيات رومانسية مساء الخميس مثلا وكشختها توب ؟
على تجديد بأماكنكم الخاصة مثل غرف النوم وشموع وخلافه
والعيال لا تشيل همهم لو إنت تبي فعلاً هالشي راح يتم تصريفهم بسهولة ..
وإذا كانت سمينة خطط الرجيم يا كثرها
والامور الجسدية الخاصة لها حلول من كريمات وخلافه
يعني انا جاي اصك عليك صكّةً جبّارة !

مشكلتك تمر في شي يمر فيه كل الازواج اللي لديهم زوجات من أجمل ما يكون
وهو مرور سنوات تشمل أولاد وتغيرات بجمال الزوجة وجسمها
وهنا دور الزوج الذكي بصراحة
إنّه يعمل أكشن مع زوجته ويجدد حياتهم ويرجعها بنت 19
ماهوب يتكي رجل على رجل ويا جماعة بتزوج ثانية !

ومثل ما قلت لك زمردة الزمان الثانية اللي ببالك
كم سنة وراح تخيس دوام الحال من المُحال
وثق تماماً مافي مرأه تشوفها جميلة إلا وحتشوف الأجمل منها مستقبلاُ
خاصة لو عينك طويلة

بالتوفيق الله يسهل أمرك
واعقل ياخوك لا تقول 6 شهور وتركد الاولى تراه زمن تقنيات وفتنة وافهم يا فهيم ..