تجمع المقبولين في ماجستير ادارة الاعمال التنفيذي في جدة

[Waiting]

ممكن اللي دخل على النظام الالكتروني بعد 4 ونص، يجاوبني

هل نزلت الجداول على الموقع ولا لا؟

لأن يوم طابقت ، قالت لي الموظفة ان في الموقع الجداول والحذف والاضافة


واللي هنا كلهم يقولون بالكلية، فأتوقع كلامهم صحيح وهي مع الصصيام فوتت

*.*

أخوي نزل جدوله بس انا مالحقت اشيك لأن الموقع تعطل عندي

[Waiting]

مافي جداول بالموقع خخخ

جل نظامنا الالكتروني وش فايدته؟!

[تشيدام]

والله كل ما ادخل موقع الجامعه الاقيه معلق او مقفل السبت ان شاء الله نتأكد من الكلية نفسها لان الاخبار بدات تتضارب عن موعد الدوام الرسمي واستلام البطايق انا رحت السبت قالو لي الاسبوع الجاي للماستر الخاص والعام والحين قالو لكم بعد اسبوعييين ... الله يصبرنا بس في كل الاحوال بروح السبت الجاي ... تحياااتي

[النجاح المستمر]

بنات ما حد رد على الاستفسار حقي بخصوص مادة يوم الاربعاء التي تبدأ من الساعة 3 العصر .
ما تشفوها تتعارض مع دوام العمل حقكم ياريت تجابوني ؟

[Waiting]

المشاركة الأصلية كتبت بواسطة النجاح المستمر بنات ما حد رد على الاستفسار حقي بخصوص مادة يوم الاربعاء التي تبدأ من الساعة 3 العصر . ما تشفوها تتعارض مع دوام العمل حقكم ياريت تجابوني ؟

أكيد تتعارض لأن دومي ينتهي 5 العصر

بس الأكيد باستاذن من الدوام

للان جهة العمل ما عندهم خبر عن ذا الموضوع، كل اللي يعرفونه اني سجلت بس ما يدرون عن نية الاستئذان

وبصراحة موب متأكدة بيوافقون *.*

[مرسمه]

المشاركة الأصلية كتبت بواسطة النجاح المستمر بنات ما حد رد على الاستفسار حقي بخصوص مادة يوم الاربعاء التي تبدأ من الساعة 3 العصر . ما تشفوها تتعارض مع دوام العمل حقكم ياريت تجابوني ؟

صباح الخير للجميع طلاب وطالبات



الله يسعدك اختي النجاح المستمر قولي امين
اول حاجة هما اصلا مانزلوا جداول ولا قالوا متى حتبدأ الدراسة فكيف نتأكد من موعد محاضرة الأربعاء

تاني حاجة المفروض انو محاضرات البرنامج التنفيذي ماتبدأ قبل الساعة 4 ونص سواء للطلاب او للطالبات على حد علمي والمفروض انو كمان مافيها امكانية تغيير وقت او تقديم او تاخير محاضرة

تالت حاجة شمس تطلع خبر يبان
نشوف ايش حتفرحنا بي الجامعة الأسبوع الجاي وان شاء الله ما حيسير الا الي يرضي الكل والجميع

دعواتي للجميع بالتوفيق

تحيتي
:)

[الماسي الهندسة]

اخواني و اخواتي

الي الان لم يتم وضع الجداول في الاودس لكن توقعاتي مع بداية الاسبوع الجاي ان شاء الله

بالنسبة لبداية الدراسة (للطلاب) جاتنا رسالة على الجوال ونصها كالتالي:
" يسر ماجستير ادارة الاعمال التنفيذي الترحيب بطلاب جدة الجدد الدفعة الثامنة ونفيدكم ان الدراسة ستبدأ باذن الله الاربعاء 20 شوال راجين تواجدكم الساعة 4:30 عصرا في بهو كلية الاقتصاد الرئيسي حيث ستكون جداولكم جاهزة ولن تحتاجوا تسجيل المواد. مع تمنياتنا لكم بالتوفيق."

[تشيدام]

من اولها رحبو بالطلاب والطالبات لهم الله .. الحمدلله على كل حال

[النجاح المستمر]

بنات انا رحت الجامعه واستفسرت عن كل شيء وهده كل شيء قالوه عنه احطه بين اديكم وهو كالتالي :
1/ رحت اخد بطاقة الجامعة من قسم الدراسات العليا قالتلي بعد اسبوعين انتوا تا خدوا البطاقات لأنه لسه ما سوينها وتقدرو تتدخلوا بإستمارة الاستلام حق البطاقة .

2/ بعدين رحت استفسر من الكلية قسم الدرسات العليا قسم اداراة اعمال تنفيذي عن بداية الدوام فقالت حيكون يوم 27/10/2010 وفيه ناخد الجدول
فطلبت الجدول منها و المواد الي نزلتنا فهو كالتالي :
ادارة موارد بشرية - خميس من الساعة (9 ص - 12 ظ) جمعه من الساعة (3 ع - 6ع )
تسويق معاصر - الاربعاء من الساعة ( 6 ع - 9 مساء ) الخميس ( 12 ظ - 2:30 ظ )
مناهج بحث وتحليل كمي - الاربعاء من الساعة (3 ع -6 ع) الخميس (3 ع- 6 ع)

فقلتلها احنا موظفات و الدوام يوم الاربعاء ينتهي الساعة 4:30 وانتوا حاطين المحاضرات يوم الاربعاء من الساعة 3 العصر وهده يتعارض مع الدوام الرسمي حقنا ، واتفهمت الوضع الله يرضى عليها وقالتلي لازم تكتبي اسمك عندي وتكتبي اسم الماده و وقتها الي يتعارض مع الدوام حقي عشان نقدمه للدكتوره عن الماده واذاكان في اعتراض من البنات على وقت دوام الماده فأن شاء الله يغيروه لكم .

عشان كدا يابنات الي يتعارض معاها ياريت تروح الجامعه وتسجل اسمها عندها عشان يغيروا موعد المحاضره صعبه والله نستأذن من العمل كل مره ترى فيها احراج لنا واحنا عارفين انه المحاضرات ما تبدأ الى الساعه 5 العصر وعشان كدا وافقت جهات عملنا .

واي استفسار انا حاضره

[تشيدام]

بارك الله فيكي اختي النجاح المستمر كفيتي ووفيتي