تجمع المقبولين في ماجستير اقتصاد

[اقتصادي لغوي]

سلامو عليكم جميعا :)

أستاذة جنون الطفولة كيف حالك عساكي بخير ...

ومبروك التخرج مقدما ...

أنا ناوي اقدم ماجستير اقتصاد

اتخرجت من جامعة الملك عبد العزيز قسم اقتصاد عام 2006 ومعدلي 4.47 وجايب 88 قدرات ومستني نتيجة الستيب ...

والحمد لله طلع ما عندي تكميلي .. كلمت رئيس القسم بنفسي وطمني من دي الناحية :)

بس عندي استفسار ليكي لو تكرمتي ...

أنا ناوي اخلص الماستر بسنتين بالزبط عشان وقتها بيكون عمري 34 واقدم على بعثة دكتوراة اقتصاد في أمريكا

هل أقدر انزل مواد بحيث انتهي ف سنتين ؟؟

هل مر عليكي مثلا زميلات انتهو ف سنتين بالزبط ؟

نفسي اطمن من دي الناحية 100 % :)

وربنا يحققلنا اللي نتمناه

[shwagaah]

بخصوص استفسار اﻻخ اقتصادي لغوي والسموحه من اﻻخت جنون الطفوله حبيت ارفق الخطه الدراسيه لماجستير اﻻقتصاد واتوقع ان شاء الله وبتوفيق من رب العباد بامكانك انهاء الماستر خلال السنتين
http://economics-dept.kau.edu.sa/con...g=AR&cid=36503

[اقتصادي لغوي]

مشكورة أستاذة شواقه على تفاعلك معايا :)

على فكرة أنا اطلعت على الخطة مرات كثيرة ...

بس للأسف ماهم حاطين على الموقع خطة الطالب/ـة اللي يبغو ياخدو مشروع بحث ( بدل رسالة ) :(

وبما إني ناوي على ماجستير بمشروع بحثي راح تكون عندي :

6 مواد اجباري

+ 8 مواد اختياري

+ مشروع بحث

فلو قلنا بنقسمها على 4 أترام :

الأول 4 والثاني 4 والثالث 4 والرابع 3 ( الرابع 3 مواد شاملة مشروع البحث )

بتزبط الحسبة كدا

أنا بس حبيت أتأكد ( عمليا ) انو فيه ناس فعلا خلصت الماستر ف سنتين تماما ( اللي هيا أربع أترام بالزبط )

تعرفي شعور السعادة اللي يجيكي لما تسمعي انو فيه فلان أو فلانة من الناس قدر فعلا انو يسوي الشيء هادا بالزبط زي ما كنتي مخططة تسوي انتي كمان ...

أكيد شعور أكثر رائع :)

ربنا يحققلنا اللي نتمناه

[جنون الطفولة]

المشاركة الأصلية كتبت بواسطة اقتصادي لغوي سلامو عليكم جميعا :) أستاذة جنون الطفولة كيف حالك عساكي بخير ... ومبروك التخرج مقدما ... أنا ناوي اقدم ماجستير اقتصاد اتخرجت من جامعة الملك عبد العزيز قسم اقتصاد عام 2006 ومعدلي 4.47 وجايب 88 قدرات ومستني نتيجة الستيب ... والحمد لله طلع ما عندي تكميلي .. كلمت رئيس القسم بنفسي وطمني من دي الناحية :) بس عندي استفسار ليكي لو تكرمتي ... أنا ناوي اخلص الماستر بسنتين بالزبط عشان وقتها بيكون عمري 34 واقدم على بعثة دكتوراة اقتصاد في أمريكا هل أقدر انزل مواد بحيث انتهي ف سنتين ؟؟ هل مر عليكي مثلا زميلات انتهو ف سنتين بالزبط ؟ نفسي اطمن من دي الناحية 100 % :) وربنا يحققلنا اللي نتمناه

السلام عليكم, عذرا على التأخير,
ماشالله, عقبال درجة الاستب كمان, وأكيد ستكون من المقبولين.

طبعا تقدر تاخذ الماجستير في الاقتصاد في سنتين تماما. أقصى عدد ساعات 12 ساعة, يعني 4 مواد.
أنا وزميلاتي وأغلب الطلاب -المستعجلين- نفس النظام هذا, آخذينه سنتين بنفس حسبتك دي (4-4-4-3) , مع إنه ضغط لكن يمشي الحمدلله.
غير سنة التكميلي للي عندهم مواد تكميليه.


فالك القبول والتوفيق إن شاء الله

[اقتصادي لغوي]

الله يبشرك يا أستاذة جنون الطفولة

طمنتيني الله يحققلك اللي تتمنيه :)

[shwagaah]

بالتوفيق اخ اقتصادي لغوي ولكن انا افضل المستر بالرساله لمن ينوي الدكتوراه ﻻنه يؤهلك للبحث والمناقشه وكثير اسمع انه الي حاب يكمل ياخذ الماجستير بالرساله
ممن اكون غلطانا بس موضوع تاكد منه قبل ان تتخذ القرار بالدراسه بالمشروع

[جنون الطفولة]

المشاركة الأصلية كتبت بواسطة اقتصادي لغوي الله يبشرك يا أستاذة جنون الطفولة طمنتيني الله يحققلك اللي تتمنيه :)

يارب وإياك ,

المشاركة الأصلية كتبت بواسطة shwagaah بالتوفيق اخ اقتصادي لغوي ولكن انا افضل المستر بالرساله لمن ينوي الدكتوراه ﻻنه يؤهلك للبحث والمناقشه وكثير اسمع انه الي حاب يكمل ياخذ الماجستير بالرساله ممن اكون غلطانا بس موضوع تاكد منه قبل ان تتخذ القرار بالدراسه بالمشروع

وصحيح كلام الأخت,
لولا أمرين كنت درسته بالرسالة:
- ماعندي خلفية تامة عن التخصص.
- احتمال دراستي للدكتوراة ضعيف.

ولا كنت أخذته برسالة.

وبالرغم من دا الكلام وحدة من الأستاذات درجتها في الماجستير بالمشروع البحثي, وطبعا حتكمل دكتوراة.
فلذلك ماهي مشكلة.

[اقتصادي لغوي]

مشكورة أستاذة شواقه على الملاحظة الحلوة :)

هوا فعلا الموضوع اللي ذكرتيه مهم جدا انو الواحد ياخد بالو منو

وأنا بس يتم قبولي في جامعة الملك عبد العزيز راح أطلع لوكالة الابتعاث في الرياض واستفسر منهم مزبوط عن ابتعاث اللي معاهم ماجستير بمشروع بحثي ...

وإذا قال عادي ما تفرق مشروع أو رسالة ساعتها راح أعرف انو فيه جامعات في أمريكا تقبل للدكتوراة طلاب معاهم ماجستير بمشروع بحثي

وبرضي أنا راح أحاول أتواصل مع بعض جامعات في أمريكا اللي فيها أقسام دكتوراة اقتصاد ( عن طريق سكايب ) وأسألهم عن النقطة هادي بالتحديد ...

لأنو فيه حوالي 140 جامعة في أمريكا تقدم دكتوراة في الاقتصاد حسب هادي الصفحة :

http://www.aeaweb.org/gradstudents/Schools.php

والحلو في الموضوع انو الأستاذة جنون الطفولة ذكرت انو فيه زميلة معاها ماجستير اقتصاد بمشروع بحثي ( حسب ما فهمت ) وحاليا بتكمل دكتوراة ...

بس يا ريت يا استاذة جنون الطفولة انك توضحيلي :

هل هادي زميلتك بتكمل الدكتوراة حاليا في السعودية أو في أمريكا ؟

وربنا يحققلنا جميعا اللي نتمناه

[عزت قناوى]

الحمد لله المركز يستطيع مساعدتكم جميعا فى كل البحوث والدراسات وكل التوفيق لكم
وبشرى لكل طلاب الدراسات العليا (ماجستير- دكتوراه- دبلومات- بحوث علمية ) في جميع التخصصات يقدم مركز الدكتور/ عزت قناوي للدراسات الاقتصادية والسياسية والقانونية بالقاهرة خدماته الاستشارية والعلمية المتميزة لجميع الدارسين بمراحل الدراسات العليا من أبناء الوطن العربي ويتمنى لكم كل التوفيق والمستقبل الباهر لخدمة قضايا الوطن العربي. وفى حالة الاستفسار اتصل على هاتف 00201223519507 أو أرسل رسالة عبر الايميل

bardis2009@hotmail.com

[shwagaah]

بالتوفيق اقتصاي وربي يحقق لك مبتغاك افتكر معلومه ذكرت من احد اﻻعضاء ناسية والله وين قراتها انه في وثيقة التخرج من الماجستير مايكتب نوع الماجستير اذا كان بالرساله او المشروع بس الشي هذا اضافه لك واريح لك ﻻكمال مسيرتك اذا اخذته بالرساله
موفق ...