جميع مايخص بعثة الملك عبدالله الابتعاث الخارجي

[bullet4myvalentine]

المشاركة الأصلية كتبت بواسطة east flower ياجماعة أنا أخوية إن شاء الله حيكون محرمي بالنسبة لورقة الإقرار اش هرجتها بس توقيع ولاكيف ويوم الموعد هل لازم الوالد يجي معايا ولا كفاية المحرم اللي حيكون معايا بلييييييييز أحد يفيدنا

ايوه بس بابتك يوقع انو موافق
يوم الموعد كلو واحد مين يوصلك لانو انتي بس راح تديهم الوثائق المطلوبه ماراح يشوفوا بابتك او اخوكي
الله يوفقك في الخير

[bullet4myvalentine]

سامحوني يا أخواني وأخواتي المسلمين والمسلمات على التأخير في الرد لانو انا في مكه والكونكت حقي عبيييييييييييييييييييييييط وقعدت افكر فيكم وحاولت اكبر مايمكن اصلحها وان شاء الله لما ارجع جده ماراح اتأخر عن اجابه اسئلتكم
والله يوفقكم في الخير وان شاء الله اسمع اخبار مقابلتكم ايش حصل

[sara_sa]

السلام عليكم ... كل علم ولنتو بخير ومبارك عليكم الشهر

انا عندي استفسار بسيط انا مقدمه للبعثه لتخصص ماليه وجاني قبول مبدئي

ايش احسن الدول في مجال الماليه او التمويل الي ممكن ادرس فيها ماستر

وهل اختيارك للدول ياثر على قبولك يعني مثلا انا لو حطيت الرغبه الاولى امريكا ممكن قبول فيها يكون ضعيف نظرا للاقبال الشديد والضغط عليهاا فياخدو احسن المتقدمين ولا عادي انقبل ؟؟ ولو مثلا قدمت في اسبانيا الاحتماليه اني انقبل اكبر لان مافيها ضغط ولا كيف بليييييييييييز ساعدوني مررره متلخبطه في الشي دا وماني عارفه اخد قرار نهااائي
وجزاكم الله خير وبالتوفـــــــــــيق للجميع

[bullet4myvalentine]

المشاركة الأصلية كتبت بواسطة sara_sa السلام عليكم ... كل علم ولنتو بخير ومبارك عليكم الشهر انا عندي استفسار بسيط انا مقدمه للبعثه لتخصص ماليه وجاني قبول مبدئي ايش احسن الدول في مجال الماليه او التمويل الي ممكن ادرس فيها ماستر وهل اختيارك للدول ياثر على قبولك يعني مثلا انا لو حطيت الرغبه الاولى امريكا ممكن قبول فيها يكون ضعيف نظرا للاقبال الشديد والضغط عليهاا فياخدو احسن المتقدمين ولا عادي انقبل ؟؟ ولو مثلا قدمت في اسبانيا الاحتماليه اني انقبل اكبر لان مافيها ضغط ولا كيف بليييييييييييز ساعدوني مررره متلخبطه في الشي دا وماني عارفه اخد قرار نهااائي وجزاكم الله خير وبالتوفـــــــــــيق للجميع

وعليكم السلام ، وانتي بخير ، الله يبارك فيك
بخصوص تخصصك افضل الدول التقديم الله أعلم ان شاء الله انا ابحث وارد لك اسرع مايمكن
لا تخافي هما اساس عاملين اختيار 3 دول مو اساس ضغط او الافضليه
هوا اساس زي مسلا جبتي معدل 3.5 من 5 وفي امريكا طالبين 4 او 4.5 من 5 بعدها يشوفوا الدوله اللي بعدها اخترتيها على حسب معدلك عندهم ازا مافي يشوفوا اللي بعدها فهمتي
لا تخافي ولا تتوتري ان شاء الله يسير لك الخير وربنا يستجيب دعائك في جا الشهر الكريم
والله يجزاكي الخير ، والله يوفقك في الخير ويبعدك من كل شر

[bullet4myvalentine]

لقيت لكم وحده راحت دققت أوراقها اليوم السبت 1/9
بس هي بتحضر الدكتوراه وكتبت لنا ايش صار معها الله يستر عليها ويوفقها يا رب وحبيت انقله لكم عشان كل واحد منا يهدأ ولا يتوتر أكتر وربي اني حلمت اليوم ان التوصيات ضاعت ومدري ايش صار الله يريحنا من هالقلق ويعدي هالايام على خيرالسلام عليكم

طبعا اليوم كان موعد تدقيق أوراقي
وبلخص لكم الي حصل على هيئة نقاط

1- في البداية مايحتاج تجيبون ملف علاقي أخضر بس أوراقكم وبدون تدبيس
2- فيه قسم خاص بالنساء المدققات نساء وقسم خاص بالرجال
3- أول ماتدخلون يقولون شوف اسمك في القائمة وبعدين تدخلون لأول مكتب يراجعون أوراقك
مبدئيا ويعطونك رقم بعدها تجلسون تنتظرون حتى يجي دوركم .
ويكون التدقيق النهائي الاصل مع الصور


الأوراق اللازمه:-استمارة التسجيل وتكون موقعه .
-(الهوية الوطنية، أو دفتر العائلة) الأصل والصور
-جواز السفر الأصل والصور للمبتعث والمرافقين .
-نموذج طلب الالتحاق بالجامعة موقع عليه
- شهادة التخرج باللغة العربية والإنقليزية الأصل والصور
-الأصل والصوره من السجل الأكاديمي باللغة الإنجليزية والعربية مصدقة الصور ,
-ثلاث توصيات باللغة الإنجليزية (مو إلزامي)
- صورة واضحة من إقرار ولي أمر الطالبة (خاص بالنساء)،

أ-التبديل بين الرغبات ممكن
ب-تغير المرافق حتى بعد التدقيق ممكن
ج-إضافة مرافق بعد الدقيق مثلا طفل ممكن
د- لازم أحضار اصل الوثيقه واصل الجواز للمبتعث والمرافق واصل الهويه او بطاقة العائلة
هـ-عدم مطابقة اسم الوثيقة للي بالجواز قالوا اهم شي يكون نفسه اختلاف بسيط في التهجئة عادي >> استغربت
و- خطاب الغرض من الدراسة مو إلزامي احضاره


التوصيات

معك بس وحده ينفع
معك بس ثنتين ينفع
موقعه ومو مختومة ينفع
مكتوبه باليد مو بالكمبيوتر ينفع
ماجبت توصيات كمان ينفع قالوا مو من الأوراق اللازمة . << هذا الي حصل ؟؟

اخذ مني وقت الدقيق نص ساعه هذا وأوراقي كامله
الجو عادي وما في زحمه أبد حسبتكم يامبتعثين هونتم

يعني روحوا ولو ناقصكم شي معكم 9 ايام تكملون الناقص

ملاحظه : أنا مقدمه على دكتوراه وقالوا وين حسن السيره والسلوك قلت ما يعطون
قالوا كان جبتي حقت البكالوريوس ومو لازم مترجمة بالعربي عادي .
وقالوا عموما ما تعتبر من الأوراق اللازمه يعني عادي لو ما جبتيها


قالوا انتظري رسالة القبول ؟
سألت متى بترسلونها قالوا متى ما خلصت الوزارة بترسل لكم

اسأل الله ان يوفقنا وإياكم

لا تنسوني من الدعاء وادعولي ان الله يسهلها لي ويلحقني بالابتعاث

[sara_sa]

Bullet4myvalentineاختي مشكوووووووووووووووووره
الله يسعدك ويوفقك ياااااااااااااااارب دنيا واخره

عندي استفسار تاني معليش سامحوني ثقلت عليكم
بس انا قصدي بالاضافه الي الثوائق المطلوبه والي ارسلتها الوزاره ايميل في دحين النمادج الالكترونيه المطلوبه والي لازم نطبعها 3 وهي 1- استمارة التقديم للجامعات الاجنبيه- 2 نموذج الطلب 3 نمودج اقرار ولي امر الطالبه... صح كدا ولا في شي ناقص؟

الله يوفق الجميـــــــــــــــــــع ويسهلها عليناا

استنى ردك بخصوص احسن الدول في مجال الماليه والله يجزاااااااااااااااااااك الف خير bullet4myvalentineاختي
سامحوووني لو ثقلت عليكم والله يوفقناا ياااارب ويسهلهااااااااا علينا

[respect]

اتمنى الافادة ايش الاوراق اللي اختمها من وزارة الخارجيه وهذي ايش اجراآتها وبالنسبة لترجمة شهادة الثانوي .. احتاج ختم غير ختم المكتب او يكفي اذا كان المكتب معتمد أرجو إفادتي موفّقين

ما رديتي على سؤالي
معليش لو كان فيه ازعاج او ماشابه ، لكن باعرف ايش بالضبط .. شهادة الثانوي بعد ختمها من وزارة التربية والتعليم اختمها كمان من وزارة الخارجيه ، هل هذا صحيح ، وإذا صحيح في حاجه تانية كمان تحتاج لختم

..

وبالنسبة لشهادة حسن السيرة والسلوك ، لازم أحضر الأصل ولا صورة طبق الأصل كفاية
لأني استعرت نتيجة الثانوي الأصل فقط ، وغير مترجمة لأني اتخرّجت العام اللي راح وبنظام المقررات
هل يكفي إني أختم نتيجتي من مكتب الترجمة إذا كان معتمد ولا لازم أصور نسخ منها وأخلي الوزارتين تختم عليها

/

آسف عالاطاله

..

بالتوفيق

[bullet4myvalentine]

المشاركة الأصلية كتبت بواسطة respect ما رديتي على سؤالي معليش لو كان فيه ازعاج او ماشابه ، لكن باعرف ايش بالضبط .. شهادة الثانوي بعد ختمها من وزارة التربية والتعليم اختمها كمان من وزارة الخارجيه ، هل هذا صحيح ، وإذا صحيح في حاجه تانية كمان تحتاج لختم .. وبالنسبة لشهادة حسن السيرة والسلوك ، لازم أحضر الأصل ولا صورة طبق الأصل كفاية لأني استعرت نتيجة الثانوي الأصل فقط ، وغير مترجمة لأني اتخرّجت العام اللي راح وبنظام المقررات هل يكفي إني أختم نتيجتي من مكتب الترجمة إذا كان معتمد ولا لازم أصور نسخ منها وأخلي الوزارتين تختم عليها / آسف عالاطاله .. بالتوفيق

عايدي أنا أختك لا تعتدر اسأل زي ماتبى وخد راحتك
انا اللي اعرف زي ازا درست في بريطانيا تجيب قرار معادله من عندهم وينختم من عندهم
اما ازا انتا درست هنا في السعوديه ونظام المطور شهادتك باللغه الانجليزيه عايدي ترجمها من مكتب معتمد ويختموا عليها مو لازم ختم من وزاره التعليم
اهم شي تجيب الشهاده الثانويه الاصل وازا وقت الموعد في حاجه ناقصه عايدي عندك الين يوم 9 مسائي
والله يوفقك يا أخويا

[respect]

المشاركة الأصلية كتبت بواسطة bullet4myvalentine عايدي أنا أختك لا تعتدر اسأل زي ماتبى وخد راحتك انا اللي اعرف زي ازا درست في بريطانيا تجيب قرار معادله من عندهم وينختم من عندهم اما ازا انتا درست هنا في السعوديه ونظام المطور شهادتك باللغه الانجليزيه عايدي ترجمها من مكتب معتمد ويختموا عليها مو لازم ختم من وزاره التعليم اهم شي تجيب الشهاده الثانويه الاصل وازا وقت الموعد في حاجه ناقصه عايدي عندك الين يوم 9 مسائي والله يوفقك يا أخويا

شكرا ليكي أختي

شهادتي حاليا في مكتب الترجمة وقلت أروح وأوراقي كاملة أحسن لأنو شرط التحصيلي عندي فيه دربكة نوعا ما
خالي في وزارة التعليم قالي تعال أي وقت ومعاك الأوراق وأنا أختمها في وقتو
وإذا كفّى الوقت أروح أختمها من وزارة الخارجية أما لو ما كفّى ، أروح لهم عادي أنا موعدي يوم الجمعه الساعه 3 العصر

عموما شكرا مره تانية أختي

[bullet4myvalentine]

المشاركة الأصلية كتبت بواسطة respect شكرا ليكي أختي شهادتي حاليا في مكتب الترجمة وقلت أروح وأوراقي كاملة أحسن لأنو شرط التحصيلي عندي فيه دربكة نوعا ما خالي في وزارة التعليم قالي تعال أي وقت ومعاك الأوراق وأنا أختمها في وقتو وإذا كفّى الوقت أروح أختمها من وزارة الخارجية أما لو ما كفّى ، أروح لهم عادي أنا موعدي يوم الجمعه الساعه 3 العصر عموما شكرا مره تانية أختي

العفو لك
الحمدلله الامور طلعت معاك تمام وان شاء الله يسير خير