{ .. تجمع طالبات الإنتساب لمـواد المستوى الثـالث ..} كل ما يتعلق بالدورة ..~

[الملاك الأبيض]

[align=center]بنات انا كان مفروض امس انو انزل لكم اخبار الرايتينق والفرنسي بس سامحوني والله احس بصداع شديد من كثر الجلسة على اللاب .

على العموم محاضرة الريتينق اخدنا فيها كيف نعمل ايساي من نوع cause& effect
نفس المكونات تبع الايساي الا انو في هذاا الايساي راح نتكلم عن مشكلة واسبابها فيكون عندنا مقال cause

او ايساي يتكلم عن اثار المشكلة ويكون عندنا ايساي effect

او ايساي يتكلم عن المشكلة اسبابها واثارها فيكون عندنا ايساي : cause & effect

وهم راح يحددوا النوع في الاختبار اهم شي عندنا الخاتمة هنا راح تتكلم عن حلول وتنبؤ بما سوف ينتج عن المشكلة
وكيف نحلها ودايما الخاتمة تكون كذا .

وراح ارفق لكم هاند اوت يتكلم عن ايساي cause & effect في المرفقات .

بالنسبة للفرنسي اخذنا الدرس ال4 وكان عن الساعة كيف نكتبها وتراها مهمة جدا لانو اكيد بيجيبوا منها ياانو يجيبوا وقت ويقولوا كم الساعة الحين؟ او يجيبوا الوقت مكتوب بالصيغة وانت تكتبيه بارقام

وبعد كذا اخذنا الافعال : يصل +يغادر
يبدأ+ ينتهي

يخرج+ يدخل

وحالة النفي وكيف نكون سؤال وبعدين قريت لنا المحادثات وحلينا اول تمرين وماامدانا الوقت على الباقي وبس .




اما الريدينق اخدنا تشابتر 5 وكان عن الدايت والحميات وحلينا الاسئلة على السريع كل سؤال تاخذ بدايته




واحنا الباقي واجب علينا لانو الوقت قصير ويوم الثلاثاء بناخذ تشابتر 6 وبتمر بسرعة على كتاب الفوكا


اليسننق مافي شي جديد بس اكتر شي نركز عليه هي تمارين السيلبل شكلها مرة مهمة

وطبعا اللي شعبتهم مع استاذة ايمان لازم يعرفوا انو تقديم البرزنتيشن راح يبدا من يوم 22 ديسمبر
الى يوم 5 يناير في غرفة 119 يوم : السبت+ الاثنين+ الاربعاء

ضمن ساعاتها المكتبية من 9-10

ومن 1-2
واهم شي انو نبعت الها ايميل او رسالة على ايميلها حتى ناخد موعد منها قبل مانروح لها
على الاقل ترسلي الرسالة قبل بيوم
وهذا ايميلها :
[/
eman.bouteraa@yahoo.co.uk

[الملاك الأبيض]

اخيتي العزيزة سوسا بالعكس انا مو متدايقة منك ابدا وترى احنا لبعض وكلنا اخوات وراح افيدك قد مااقدر ولا يهمك ابد

المهم الحين عشان الكلمات الاستاذة مرة ماحددت شي وقالت كل الكتاب معنا بس ايش الكلمات اللي اهم من غيرها
هي الكلمات اللي يكون تحتها نقاط صغيرة اللي تيجي في القطعه وطبعا الكلمات زي اللي في تمرين 4 ص 141
وطبعا الفوكابلوري كلو كلمات وكل الكلمات معنا وطبعا بما انو الكلمات كثيرة وممكن ننساها الاستاذة قالت اتبعوا استراتيجية حلوة للحفظ وهذي الاستراتيجية انك تجيبي ورقة وتكتبي فيها الكلمة الجديدة معناها بالعربي والانقلش + مرادفها + المقاطع اللي فيها + نوعها +مثال عليها لانو البنات من الدفعه اللي قبل يقولوا تجيب سؤال كذا انو حطي الكلمة في جملة مفيدة .

هذي الطريقة صح تاخد وقت لكنها مفيدة كثير في الحفظ وتبقى الكلمة في راسك طول العمر وطبعا هذا هو المطلوب ههههه.

انا ياعزيزتي نزلت لك ملف فيه الكلمات الي مرة مهمة ومذكورة في كتاب الريدينق والفوكا

وخدي هذا الرابط ليساعدك في اخد المعاني والمرادف للكلمات :


http://dictionary.reference.com/

[toofey]

ملاك والله انك ملاك
بس ياليت تساعديني حاولت اتدرب على الكتابة والله ماعرفت شي واحس مافي راسي اي كلمات صح الاشياء اللي في الهند اوت سهلة وتنفهم بس والله راسي مافي اي افكار اوكلمات للتعبير
ومرة خايفة من المادة مرررررررررررررة
وخاصة انه مافي تدريب حتى من قبل الاستادة
ياليت تساعديني وتفهميني كيف اكتب وايش اسوي
احس اذا ذاكرت الهاند اوت وفهمت طريقة الايساي ورحت الاختبار ماحقدر اعبر وخصوصا اني حاولت اتدرب وما يطلع مني كم سطر على بعض
والله خايفة وماني عارفة ايش اسوي انصحيني واذا انتي تتدربي ع الكتابة ياليت تقولي طريقتك ونصير نتدرب سوا
الله يسعدك ابغى الحق الوقت
الله ينجحك يارب

[#VIP#]

اخت ملاك الله يعطيك العافيه ممكن سؤال

انا حضرت مع استاذه ايمان معاكم بس للأسف كانت اول محاضرة لي

وسمعتها تتكلم عن الاختبار الشفهي والبرزنتيشن ايش حكايتها بليز فهميني واتحمليني

ولك كل الود وجزيل الشكر

[ام حمدان]

للعلم احنا سبق وقالولنا انه ممكن يطلبوا نحط اي كلمه في الريدنق في جمل من عندنا
لكن ماجانا شي زي كذا ابدا لا في ريدنق 1 ولا 2 ---لكن انتوا احتياط خليكم مستعدين في حال طلب منكم لانه مالهم امان
اما في الليسننق 1 تفاجأنا انهم جابولنا كلمات من الكتاب وطلبوا نحطها في جمل من عندنا مع انهم ماركزوا عالشي ذا في الليسننق

بالتوفيق

[nour al3mr]

http://www.skaau.com/vb/showthread.php?t=301521

[الملاك الأبيض]

المشاركة الأصلية كتبت بواسطة toofey ملاك والله انك ملاك بس ياليت تساعديني حاولت اتدرب على الكتابة والله ماعرفت شي واحس مافي راسي اي كلمات صح الاشياء اللي في الهند اوت سهلة وتنفهم بس والله راسي مافي اي افكار اوكلمات للتعبير ومرة خايفة من المادة مرررررررررررررة وخاصة انه مافي تدريب حتى من قبل الاستادة ياليت تساعديني وتفهميني كيف اكتب وايش اسوي احس اذا ذاكرت الهاند اوت وفهمت طريقة الايساي ورحت الاختبار ماحقدر اعبر وخصوصا اني حاولت اتدرب وما يطلع مني كم سطر على بعض والله خايفة وماني عارفة ايش اسوي انصحيني واذا انتي تتدربي ع الكتابة ياليت تقولي طريقتك ونصير نتدرب سوا الله يسعدك ابغى الحق الوقت الله ينجحك يارب

توفي تسلمي لي يارب على كلامك الحلو . ربي يسعدك

بس عزيزتي راح ادخل لك في الموضوع يمكن ماتصدقي بس انا لحد الحين مافتحت الرايتينق
انتظر الدورة تخلص حتى اجمع كل المعلومات عن الايساي وبعيد ابدا مذاكرة جدية للمادة اقرا القواعد
والاستراتيجيات وافهم كل ايساي ايش يبغى بالضبط وبعد كذا ابدا اتدرب على الكتابة

وانت طبيعي ماتقدري تكتبي الا كم كلمة لانو الكتابة مهارة تحتاج صقل وتدريب وماتيجي من يوم وليله لازم على الاقل كل يوم تخلي لك وقت تكتبي فيه لو 5 اسطر وشوي شوي راح تكتبي بارغراف وبعدين ايساي مرتب ولما يجي الامتحان راح تكوني مستعدة تماما

واهم شي ثقي بنفسك ولا تخافي ترى انا زيك جديدة في هذا القسم وماراح اقولك سهل بس النجاح والمجد مايجي من غير تعب . معليش الحين اتعبي اسهري وذاكري كل يوم وراح تلاقي وقت الاختبار

انو انت مرتاحة ومبسوطة لانك عارفة انك عملت كل جهدك ماعندي نصيحة الك الا التدرب ثم التدرب وهذي نصيحة لنفسي قبل ماتكون لك ياعزيزتي . بالتوفيق لك وللجميع

[ام حمدان]

رابط راح يفيدكم في الريدنق ارجو الاطلاع عليه
http://www.skaau.com/vb/showthread.php?t=302587

بالتوفيق

[نسيم الحجاز]

هدا التمرين فكرته انك تختاري نوع الكلمه المناسبة للجمله اسم ولا فعل ولا صفة ولا حال وبعدين تحطي معنى الكلمه الي اخترتيها
واختيارك للكلمات يكون حسب فهمك للجمله بالعموم وعلى بعض القواعد مثلا إن
can - could-should -will- would -to
كلها يجي بعدها الفعل في الحالة الاساسيه اي التصريف الاول
كمان the تجي بعدها اسماء او صفات غالبا
تفهمي الجمله عموما وتقرري أتمنى اكون افدت لو بالقليل

[الملاك الأبيض]

المشاركة الأصلية كتبت بواسطة wafoo بنات وينكم الله يسعدكم ردو علي .. الله يوفقكم

شوفي عزيزتي وافو هذا التمرين اللي سالتي عنه مرررررررررررة مهم في الاختبار .
الطريقة هنا ببساطة انو يعطيك جملة وكلمات بين قوسين وانت تختاري الاجابة الامثل بس الفرق هنا انو هذا التمرين يعطيك الكلمة الي بين القوسين باونواعها المختلفة " الفعل . الاسم . الصفة . الحال "

وانت اللي عليك تختاري النوع الافضل اللي يمشي مع الجملة فلو مثلا كان بعد القوس صفة فانا اختار اسم من بين الاقواس والعكس صحيح والفعل يجي بعد الفاعل وهكذا والامر اله قواعد كثيرة وبع :
تفضلي الاجابات وتدربي عليه :
بعدين تحطي مرادفها او معناها بالانقلش :
1- Diverse “ n “ =varios or different
2- Perceive “ v “ = to uderstand
3- Orientation “ n “ = an opening session or welcom

4- Response “ v “ = to act or answer


5- Justify “ v “ = to axplain or to found a good reason

6- Motivation “ n “= their response to something


7- Pursue “ v “ = to get or obtain

8- Ethically “ adj “= morally


9- Deny “ v “ = to not confees

10- Vaild “adj “= available


11- Detect “ v “= find

12- Feasible “ adj “ = able or possible .
والحين صلوا على الحبيب المصطفى محمد صلى الله عليه وسلم وركزوا معي :
خليني اقولكم شي مهم كمان بالنسبة لاختبار اليسننق قالت مهم نعرف الكلمة وانواعها مرة مهم بتجيب عليه سؤال زي اليي فوق او تجيب كلمة وتقول ايش نوعها او تجيب لك الاضافات اللي نحطها على الكلمة وتقول حطيها مع الكلمة المناسبة طبعا الرابط اللي حطته ام حمدان وفي موضوع نماذج الاختبارات المثبت جدا مهمين اطلعوا عليهم حتى يفيدوكم بفهم هذي القاعدة لانها مو مشروحة تمام في الكتاب
وبعدين التمارين تبع مقاطع السيلبل مررررررررة مهمة بتجيب زيها والاختصارات كيف نختصر الكلمة تقنية مرة مهمة لانها بتجيب زي التمرين12 الي في ص123 بتجيب زيه ف الامتحان ممكن تفتح شريط وتقولك لخصي اللي قاله الشخص اللي في الشريط احنا لازم نختصر
الكلمات حتى نلحق معاه . بشكل مختصر لازم تركزوا على التقنيات والاستراتيجيات والتمارين تبعها .
إما اريدينق امس كانت اخر محاضرة وكلمتنا عن الامتحان
وتقول انو راح تجيب قطعتين من خارج الكتاب وطبعا ماراح تكون طويلة زي تبع الكتاب يعني مو اربع صفحات بس ممكن صفحة او صفحة ونص
وكل قطعه عليها اسئلة ومهم تقدروا تطلعوا المين ايديا تبع القطعه
وكمان الاسترتيجيات تبع الكتاب كلها معنا والقواعد والتمارين إما كتاب الفوكابلوري فكل الكلمات معنا ويجي عليها سؤال انو نحدد نوع الكلمة " اسم فعل او صفة او حال " ونجيب مرادف الها
وبس هذا هو امتحان الريدينق المهم الحين تذاكروا الكلمات والاستراتجيات
مرة كويس وتشوفوا نماذج الاختبارات وشدوا حيلكم ولكل مجتهد نصيب .
دعواتكم لنا وللجميع بالنجاح