عيب والله عيب ياجامعة الملك عبدالعزيز بنات كلنا واحد ضد القرارت الجديده

[شـروق الزهراني <3]

سمعتم بالقصة امس يلي كآنت قرب العصر بمبنى 9 ؟؟؟؟؟؟؟؟؟؟؟؟؟؟

هـآ يابنــــــــــــــــــــــــات والله صررررررررررررررررت خايفة كيف صار كذا ؟

[ميني ماوس]

أنا من ناحيتي أشوف ان قرار الخروج مو ذاك القرار الظالم
صح أني تضررت منه بس خلونا إيجابيين شويا يعني الساعة 10 أهون من أنه يكون 12 أو 2
غير كذا في شغلآت الجامعة متساهله معانا زي اللبس والجوالات ..يعني أفضل من غيرنا
وبعدين في شغلة لاحظتها مو في الجامعة بس أن أغلبيتنا ضد أنه يكون في إطار قوانين تحكمه
طبعا في كل مجتمع سواء هذا المجتمع أو الكيان علمي أو عملي أو في حياتنا لآزم يكون في قوانين نتلزم فيها مدام أن ذي القوانين مو مخالفة للدين مافي مانع نلتزم فيها ألا إذا كانت تضر وتسيء لنا بشكل كبير ممكن نعارضها
اللي أبغى أوصله أن أحنا للآسف ماعندنا سياسة إحترام القوانين والآلتزام فيها ونشوف أن ذا الشيء يسيء لنا ويهين من كرامتناا ..
غير كذا اللي يقولو أن البنات اللي يبغوا يصيعو مراح يفرق معاهم الوقت أنا معاهم في ذا الشيءء
بس ضد أن اللي يقول كل واحد عقله براسه وأن أحنا مالنا علآقة ..معليش إذا أتبعنا ذا الشيء خلآص مراح تكون في قوانين في حياتنا وبنقول كل واحد مسئول عن نفسه وبتصير الدنياا سايبة ..
ممكن هذا القرار مايمنع ذي الظاهرة
بس ماندري ممكن ساهم في تقليصها شوياا .. وربي يهدي الجميع
نجي للقرار اللي مادخل مزاجي أبدددن إلي هو أنهم خصصوا بوابة للآنتساب .. ماأدري ايش الحكمة من ذا الشيء مو كل البوابات تدخل لنفس المكان أيش معنا بوابة معينة لهم !!
في البداية قلت يمكن في إجرات معينه لهم بس اللي شفته أنهم يطلعو بطايقهم ويفتشوا على اللبس زيناا ..يعني مافي شيءء

ما أقول الآ الله يعينكم أخواتي المنتسباات

[ميني ماوس]

أما من ناحية الموظفات وتعاملهم شهادة الحق تنقال أنا ليا 3 سنوات وكنت أخالف أوقات كثيرة
بس بصراحة ماصادفت أحد قلّ أدبه علي سواء حقين الآمن أو الشؤون ..أنا مع نظام أن الواحد يفرض إحترامه
ممكن في عينات تسيءء المعاملة بس عن نفسي الحمدلله ماصادفتهم بالعكس كنت أكلمهم بإحترام ويردوا عليا بكل ذوق

*في كم تعليق أعجبني
ومنه تعليق الآخت cooola بصراحة كلآمك في عقلآنية ووعي أهنيك على ذا الشيء
وربي يوفقكك ويكثر من أمثالك

*شروق أيش صار؟؟ أنا كنت هناك ماشفت شيءء

[د.رحمه]

بنات محديديلنا بوابات زي الترم الي فات ولا عقلو ؟؟

[سموو الروح]

بنااات ايش البوابات المسموحه للانتساب الدخول منها ؟؟
وانا اشوف هالنظام غبي وماله داعي
لان بالنهايه بندخل الجامعه
الله يعيننا ويصبرنا :(

[وسام الامان]

ايوة صحح اش هي القصة اللي صارت ياشروق قولي شوقتينا وخوفتينا
الله يستترررررر
لا إله إلا الله محمد رسول الله

[د.رحمه]

بإنتظاركم بنات نقدر نداوم من اي بوابة زي الطالبات ؟؟
ولا لا؟؟

[غزاله~]

المشاركة الأصلية كتبت بواسطة soso^^ ذحين لازم يكون في سبب لها القرار اذا السبب عشان يمسكو البنات ..؟ طيب ابغى افهم يعني الساعه 10 راح تقفل الاسواق ولا الأماكن اللي يرحو لها البنات بذاالوقت ..؟؟؟ الوحده اذا تبغى تروح للجامعه عشان تطلع من ورى اهلها لو براسها بتطلع بتطلع لان ماتفرق معاها 10 ولا 9 ... مافي اي سبب مقنع لها القرار ابداً اش ذنب البنات الباقيات ..؟؟

معأكي بكلامك اللي جايه عشان تتعلم واللي جايه عشان تطلع راح تطلع بأي وقت ماراح تفرق معأهآآ يعني حتى مآفي آي مبرر على منع الطالبات الخروج قبل الساعه 10 انا آحيآن آجي احضر محاضره وحده بعدها مقدر اجلس يعني انا مو فاضيه لهم عندي مسؤليآتي في البيت من زوج واطفال بس يعني 10 تهوون غالبا المحاضرات اللي تبدى من 8 تنتهى على 9:30 او 9:50 يعني الموضوع عادي يعني لو كانت الساعه 2 او 1 تكون مشكله

[وسام الامان]

اليوم لما رحت الجامعة ,دقيت ع السواق يجيني 9 وانا جاية اخرج نااااااااااسية سالفة ان الخروج بعد 10 المهم جيت عند البوابة الا الامن يقولوا لي ممنوع الخروج دحين ووحدة منهم تقولي المشكلة انك طالبة انتظام غريبة انك ماتعرفي ان الخروج بعد 10 وانا والله فعلا نسيت المهم رحت عند الشؤون اقولهم ابغى تصريح عشان اخرج لان كل ثلاثاء عندي مراجعة مع الدكتور وانا فعلا م الترم اللي راح كل ثلاثاء لما الدكتور يحدد اروح له المهم صراحة الموظفة كانت ذوق واخلاق وقالت لي روحي ادارة الامن يعطوك قالت بس رح يقول لك سين جيم بس انت فهميها وضعك ورحت ادارة الامن وكلمتهم صراحة كانوا الموظفات اللي كلمتهم مؤدبين مو زي اللي يوقفوا عند البوابات(الله يهديهم) وقالولي عندك ورقة من الدكتور قلت لا والله بس انا اراجع عنده بموعد هو محدده قالو ما نقدر نعطيك اسفين ع الاقل اذا ولي امرك معاك نعطيك تصريح غير كذا مانقدر لان هذا امر من الجهات العليا
وخرجت وانا اجر اذيال الخيبة والله الوقت يمر زي السلحفاة وابطأ عبال ماتجي الساعة 10 وقاعدة اقول حسبي الله ع الجهات العليا هذه اللي تحط قرار ولا احد يشوفهم وكانهم استغفر الله ملائكة ولا يهمهم ظروف الطالبات اهم شي بس انهم حطو قرار يريحهم
الله يرحمنا برحمته
لا إله إلا الله محمد رسول الله

[دعوه خشوع]

هم لويعطونكم وسام الامان والثقة لما امك تقول والله واثقة فيك تسحين انك قد الثقة وانك لها حتى لومااعطوكم وسام الامان والثقة انتم اعطوا انفسكم لانفسكم وسسام الامان والثقة بانفسكم وبشخصيتكم وقيمكم ودينكم يعني حبواانفسكم وثقوا فيها ابداالدهر مهمابلغت الصعاب فقط الثقة والامان ابد الدهر لاغيير والله يسعدكم وجميع بناتنا وبنات المسلمين في الدنيا والاخرة في عفو وعافية
القرار في صالحكم لانك جوهرة تستحقي ان تصاني غاليه الاثماان لؤلؤة في محارة لكن في حال المرض جيبوا تقرير واحد محارمك ياخذك اوباص به عدد كبير من البنات لانك غالية