تجمع بنات ادارة سكن ومؤسسات متجدد باذن الله

[Twix~}..]

حبيبي تويكستي كيفك؟

انا كووويسا يالبي ..

شوفي ياقلبي سويت جدول إن شاء الله يسير زي اللي ببالي شوفيه وادا في شي مو حلو قولي

علم نفس عام واسس تغذيه وادارة موارد اسريه1 وثقافه اسلاميه2 وتقنية خامات وتاريخ الاثاث

والتصميم الداخلي1 وكلها راح تكون 16 ساعه انا مشيت شويه زي خطتك في السمستر الاول بس بسألك كيف مادة تقنية الخامات ومادة تاريخ الاثاث والتصميم حلوه ولا فيها كرف وادا عندك اي اضافه اوتعليق على جدولي قولي الله يسعدك ..

الجدووول الي عملتي مرآآآآ حلوووو وآآوكي .. بالنسبه لمادة تقنية خامات وتاريخ الاثاث دي الماده خلاص انحذفت .. وانتي شكلك عندك الخطة القديمه .. انا رآح احطلك الخطه الجديدهـ .. وحلو انك حتآخذي سته مواد يصير تمشي على الخطه ..

وادا في شي اغيروا ايش احط ..

بما انو مادة تقنية الخامات خلاص انحذفت فحطي بدالها عربي او أدوات واجهزة كهربائية .. وممكن انك تلغي اسس تغذية وتحطي بدالها اداوت واجهزة كهربائية لانو دي الماده غلسسه شويا وكلامها كتير فممكن تاخذيها وتفتكي منها ولسسا عشانك اول سميستر في التخصص حتكوني مرا شاده حيلك :d وكمان جدولك جدووولك مع المواد الي اخذتيها مو مضغوووط ..

يعني حيكون عندك عربي , وثقافه 2 , وسكن وتأثيثة (( المسمى الجديد لمادة تصميم داخلي )) , وعلم نفس عام , وإدارة موارد أسرية , وأدوات واجهزة منزلية ..

كل دي سهله باستثناء ادوات واجهزة لانها غلسسسه مرا وكلامها كتير ولو آخذتيها مع د.نجلاء السيد فاعرفي انو اختباااااارك حيكون مقالي وتحفظي كتير بس اسئلتها وااااضحه ومباشرهـ .. بس بصراحه المقالي في دي الماده احسسسن لانك تحطي كل شي تعرفي عن الجهاز ..

الله يجزاكي بالجنه يارب ..

آمييييييييين يآرب والجميع ..

[Nano0osh]

سلام .. كيفكم ؟ إن شاء الله بخير

تويكستي وشحتيني

بطلب منك طلب ممكن تنزلي الخطه الجديد لوسمحتي

[Twix~}..]

^^

وعليكم السلام ..

آنا كووويسآآآ .. وانتي ان شاء الله كمان تكووني في اكوس حال ..

اووكي يالبي راح انزليها لكي وشوفيها ...

[Twix~}..]

اهووو ياعسسل نزلتلك الخطه على ملف ورد مرفق ..

^^

[فشفاشة]

up
انا كمان إن شاء الله اداره سكن

[Twix~}..]

^^

آهنن فيكي ياعسسسلهـ ..

والله يوفقك يااارب وتتخصصي فالشي الي تبي ..

[skill-full]

أنا الآن مستو ى ثالث اقتصاد منزلي وماني عارفة كيف حأنزل الواد في الجدول ياريت تكتبولي بالتفصيل الممل كيف ؟
ومتى ،لأنه في الأوديوس إلى الآن ما صار شي
وعموما إيش احسن شي من المواد أخذها لهاذاالترم برأيكم وتجاربكم
اللهه يبرك فيكم ويحفظكم

[Twix~}..]

^^

هلا يالبو .. شوووفي على الايام الجايه راااح ينزلك ترتيب التخصصات بكلية الاقتصاد المنزلي لانك خلاص انتي اسكنتي في دي الكلية اووكي ..

بعد كدآ .. يعني بعد ما حترتبي التخصصات بعدها باسبوع تقريبا او اكتر تنزل نتيجة الفرز انك اتخصصت بإدارة سكن لانو دا كان ترتيبك الاول في التخصصات ..

بعد ما تتخصصي وتبدا الدراسة راح يفتحو خانه اسمها حذف وإضافه ومن هنا راح ترتيبي جدولك ياقمر .. وآحيآنا هما ينزلولك بعض المواد وانتي تكملي الجدول يعني ينزلولك في الجدول مادتين او ثلاثه وانتي تكملي باقي المواد الي تبغيها ..

إذا كنتي تبغي المواد الي هما منزلينها خلاص خليها وكملي باقي المواد .. ما تبغي المواد الي هما نزلوها لكي حتروحي برضو للحذف والاضافة وتحذفي الماده الي ما تبغيها ..

اممممم بالنسبه للمواد الي تآخذيها .. شووفي خطة تخصصنا الي انا نزلتها وامشي عليها ترآآآ ترتيب المواد في الخطه حلووو وسهل .. واذا هذا شوووفي الصفحة الي قبل دي وشوفي الكلام الي كتبتو في الردود الاخيرة ..

[Nano0osh]

حياتوووووووووووووووو تويكستي وحشتيني حضن حضن

كيفك؟؟ إن شاء الله بخير حابه اسالك سمعت انو هنا في كلية الاقتصاد ندرس اول سنه بعد التحضيري

مواد عامه يعني مايطلع التخصص الا بعد ماندرس المواد صح دي المعلومه ولا لاه

صح نسيت مرررررررررررررررا شكرا على الخطه

سي يو

[Twix~}..]

^^

آهنن آهنن ياعسسسسسسل .. وآنتي لكي وحششششششششهـ آكتر .... وكل سنهـ وآنتي طيبهـ ..

آنا كويسسسآ آلحمد الله ..

حتسسسسسمعي كتير زي لما كنت بالتحضيري وبعدين كولو يطلع كلآآآم بدون آفعاااال ..

لا يا عسسسل انا بعد التحضيري على طول اتخصصت وبدات ادرس مواد التخصص حتى لو كنت ابغى اخذ مادة في المستوى السادس كنت اقدر اخذ ..

اصلا المواد العامه في كل الكليات صارت هيا المواد الي تندرس بالتحضيري .. باستثناء المواد العامه تبع كل كليه ..

العفو حيآآتو .. :)