التدريب الصيفي في ارامكو

[أميرة الكون]

المشاركة الأصلية كتبت بواسطة abonawaf السلام عليكم يا شباب بغيت اسأل ::: هل ممكن ان الواحد يغير مكان تعيينه ؟؟

مااعرف
بس تقدر تسال سعيد الغامدي
اليوم شفت واحد عنده يطلب يغير مكان التدريب لولده
بس قاله الامرمو بيده
انت جرب حظك

[أميرة الكون]

المشاركة الأصلية كتبت بواسطة حأقعد عالكاشير اسمعوا ترى الموعد يترسلكم عالجوال انا امس ارسلولي الظهر انو موعدي اليوم الساعة 11وواحد وثلاثين دقيقة المهم ترى مو لازم تروحوا على مواعيدكم المهم خلال هذي اليومين تشوفوا وقت يناسبكم وتروحوا اول شي تروحوا لنادي ارامكو اللي في شارع الاربعين عند سكن الحرس الوطني عشان تتصورا للبطايق الشخصية اللي حتتعلق على رقبتكم طول التدريب البنات يروحوا للاستاذه منى بدوي ولازم يكون معاكي رقم الاصدار اللي اترسلك عالجوال مع الموعد اما الاولاد الله اعلم وبعدين تروحوا لمكتب التوظيف في المساعدية خلف امارة جدة عند الاستاذ سعيد الغامدي ولاااازم مع كل اوراقك ومستنداتك وبطاقة العيلة وكمان ولي الامر انا اليوم صورت بطاقتي وطلعولي هيا وان شاء الله بكرة بروح مكب التوظيف عشان الاجراءات الباقية واي استفسار دقوا على الاستاذ سعيد الغامدي على ذا الرقم 024271237

الله يسعدك
كفيتي ووفيتي ماشاءالله ^_^

[أميرة الكون]

المشاركة الأصلية كتبت بواسطة spider انا أرسلوا لي موعد بكرة الساعة 00 : 31 : 13 دقيقين ماشاء الله ههههههههه المهم، اتصلت وقالوا لي تروح أول شيء بمكتب التوظيف في المساعدية عند الأمارة وبعدين هم هناك يقولون لك فين تتصور وكمان سألته عن "إحضار مايثبتب الموافقة على اصدار البطاقة من مكتب التوظيف " قال تطلعها من نفس المكان هناك الله يسهل للجميع في أحد يعرف مكان الأمارة وين ؟!!

ترى من جنبها..ماهم دارين عن الدنيا
لادقة ولايحزنون
اناكنت موعدي الصبح بدري وكنت كبش الفدا

وبالنسبة للموافقة تطبعلهم الايميل الي اترسلك فيه رقم الطلب
يجيك كلام انقليش كتييييير
والايميل الي فيه الموعد والمكان
خد كل اوراقك كاملة حسب المطلوب في الايميل
ربي يوفقك

[أميرة الكون]

سبايدر

الامارة في نفس المساعدية

يجي مكانهم واضح مايتوه

[heso]

السلام عليكم ، كيفكم ابغا اسال عن شيئين .
الاول ،
فين مكانهم بالزبط ايش مكتوب عليه يعني المبنى !
التاني ،
و بالنسبة للتصوير لازم بالزي الرسمي و لا ملابس عادية اي شي ...

[مره حلوه]

بالتوفيق للجميع كان ودي اكون معاكم بس محد ارسل لي شئ

بس فرحت عشانكم يلا عطونا اخباركم اول باول

[حأقعد عالكاشير]

heso
بالنسبة للسؤال الاول
المكان في المساعدية ورا امارة منطقة مكة حتلاقي مبنى عليه علامة ارامكو ومكتوب عليه ارامكو السعودية

اما التصوير لازي رسمي ولا هم يحزنون تتصور باللي انتا تبغاه

[LAYAN89]

:)

صبايا انتبهوا مكتوب بالايميل الي يسجل ويكتب كل شي وهو موفي باله يداوم ضروري يبلغ انه يبي ينسحب

والا راح يحطونه بالقائمة السوداء يعني اذا كان يبي يتدرب عندهم الصيف الجاي ماراح يقبلونه مهما كان معدله!! حتى لو خلص جامعة وطلب توظيف عندهم

كذا وصلني بالايميل وانتوا ماجاكم كذا؟

الله يسهل علينا الأمور ونتدرب :)

[روووني]

مبرووووووك لكل اللي قبلوهم

بنات ياليت بعد ماينتهي التدريب تخبرونا عن كل شي عشان ازا نبغا نتدرب مستقبلا

[كشتي فرشت عشتي]

؟؟؟؟؟؟؟؟ متى هذا الكلام

الكلام قديم مو كذا ؟؟