ضروري يالانتظام بخصوص التحويل

[الغربة]

يا بنات اللي راحوا الجامعة شفتوا في بنات غير سعوديات يحولوا

لان صحبتي ما شاء الله معدلها فوق 4.75 بس هي مو سعودية

فتسأل اذا في بنات حولوا تروح السبت وتشوف
هي مترددة وخايفة انها مايحولها

الله يسر أمركم وان شاء كل يحول انتظام ياررررررررررررب

[لولو الاموره]

نروح السبت ونشوف ايش يسير

[*بنوته جامعيه*]

صح والله .......السبت ونشوووووووف .....

[الزغدي 1982]

السلام عليكم ورحمة الله وبركاته الاخت دانه اتمنى من كل قلبي يحولوكي بس مراح احد يفيدك هنا لازم تروحي انتي بنفسك يعني تحركي راجعيهم وشفي وش حيقولو لك وحاولي معاهم مره وثنتين وثلاثه ولا تيئسي مع تمنياتي لك وللجميعع بالتوفيق

[دانة جدة]

اهلين اخوي الزغدي وبجد انبسطت بمرورك انشاءالله انا حروح واسوي الي علي والباقي على الله بالتوفيق لك

[الزغدي 1982]

السلام عليكم ورحمة الله وبركاته مريت حبيت اسلم واقول لكم لكل مجتهد نصيب انا عندي احساس انو الله ما راح يضيع تعبكم الله يوفقكم

[دانة جدة]

تسلم وماتقصر اخوي وترا بجد رفعت معنوياتي وانا رايحه بكرة الجامعه وحطمنكم ايش يصير معاي

[الزغدي 1982]

الله يوفقك اتمنى من كل قلبي تفرحينا بكره وتقولي حولوني اتمنى لك التوفيق ولجميع الاخوه على فكره راح ادعيلك في صلات الفجر ويارب يستجاب دعايه بالتوفيق للجميع

[دانة جدة]

يااااااااااااااااااااااااارب وانشاءالله ربي يقبل دعاءك ولكل الي يبغى يحول واشاءالله مايصدموني بكرة وعلى العموم انا رايحه وفلوسي فجيبي لو ماحولوني طوالي على البنك واسدد وبعدها مادري كيف حتكون حالتي النفسيه فما ادري من قوة الصدمه حنام على طول زي اختي صبا ولا حواصل اسبوع

[البلورة]

بسم الله الرحمن الرحيم
السلام عليكم ورحمة الله وبركاته
انا يوم الاربعاء كنت راح اروح الجامعة بس مارحت والله يخليكي يا اخت دانة جدة اول ماترجعي من الجامعة ان شاء الله طمنينا ايش صار معاكي
ياااااااااااااارب كل الي يبغا يحول انتظام يحول دا الترم آمييييين يااااارب