تجمع استفسارات ؟ ♥ ♥ #تحضيري_15 ♥ ♥

[اكريلك]

دورت على الورك شوب للرياضيات مو موجودة لل ال5 دروس الاولى

فين القاها ؟

ويكفي اذاكر للرياضيات من الورك شوب بس ؟

[asma.]

المشاركة الأصلية كتبت بواسطة فيونكـه الحمدلله كويس خلصتي من الاحياء .. دا نص المشوار اول شابتر في الاحصاء اخذ مني ساعتين مذاكرة بس السر إنك تسوي خرائط ذهنية وتقسمي رتبي أفكارك .. واكتبي المختصر المفيد في الورقة وفرقي بين الأنواع مثلا عندك نوعين من الدراسات .. دراسة تجريبية وفيه دراسة بالمشاهدة لما يجيبلك كلمة study في المثال اعرفي انك حتختاري يا تجريبية او بالمشاهدة .. وكدا استبعدتي خيارين من الخيارات الاربعة :) لو جاب لك كلمة used حتعرفي انها تجريبية وهكذا .. هذا كلو تكتبيه في الخريطة الذهنية :) وبعدين تبدئي تحلي على اساس دي الخريطة وتتأكدي انك مرتبه افكارك تمام وصدقيني حيكون مررررة سهل بذي الطريقة موفقة

امين الله يوفقنا جميعا بس ابغا اعرف ايش فايدة الملخصات بشكل عام لكل المواد يعني ممكن نذاكر من الملخصات بس ولا الملخصات بس زيادة دفرنة يعني زي التست بانك و كذا ؟

[Somaiah Yousef]

المشاركة الأصلية كتبت بواسطة اكريلك دورت على الورك شوب للرياضيات مو موجودة لل ال5 دروس الاولى فين القاها ؟ ويكفي اذاكر للرياضيات من الورك شوب بس ؟

مآيكفي .. بدون شك !!!

امسكي الكتاب وانتي طيبة

لا تستهونوا بالمآث ابدا !!! خاصة البنات !!

حتى وانتي بتحلي في الاختبار لازم تراجعي اجوبتك مرتين وبتركيز

[Somaiah Yousef]

المشاركة الأصلية كتبت بواسطة asma. امين الله يوفقنا جميعا بس ابغا اعرف ايش فايدة الملخصات بشكل عام لكل المواد يعني ممكن نذاكر من الملخصات بس ولا الملخصات بس زيادة دفرنة يعني زي التست بانك و كذا ؟

الملخصات للفهم .. ماهي زيادة دفرنة :p

يعني لو انتي مو فاهمة ... ضروري تلجئي للملخصات

اما لو تعرفي تحلي اسئلة كذا .. ماتحتاجي ملخصات

التست بانك ماهو زيادة دفرنة برضو :)

بالنسبة للبنات هو ضروري


الاحصاء > كتاب

الرياضيات > كتاب

الفيزياء > ضروري ملخص + تست بانك + نماذج اسئلة

الكيمياء > سلايدات + تست بانك

آحياء > سلايدات

مهارات الاتصال > كتاب

مهارات الحاسب > سلايدات + كتاب " يمكن مو ضروري "


هذي مراجعك الاساسية .. ولو تبغي تزيدي إنتي حرة :)

[Azzoz1996]

بالنسبة للأحياء.. السلايدات المترجمة فيها اشياء اتوقع انها زايدة عن الغير مترجمة مثل هذا السلايد


فاتوقع إني بأكمل بالغير مترجم..

+

هل الجداول اللي في أول أو نهاية الفصل مهمة؟ مثل هذي..




--

وهنا السؤال الأول و الثاني والخامس.. ما لقيت شرحها من السلايد اصلاً ( مترجم ولا غير مترجم )





الله يعين بس..

[asma.]

انا اليوم كانت عندي محاضرة وحدة و ما قدرت اروحها بسبب الباص حسبي الله عليه لانو الشركة اللي متعاملة معاها حطوني فباص جديد و ما دق ياخذ العنوان الا و باقي ربع ساعة على المحاضرة و قال حيجني متاخر يعني عبال ما اوصل تكون المحاضرة خلصت دحين لو رحت للدكتورة و قلتلها هذا الكلام ممكن ما تحسب هذا اليوم غياب ؟

[asma.]

المشاركة الأصلية كتبت بواسطة azzoz1996 بالنسبة للأحياء.. السلايدات المترجمة فيها اشياء اتوقع انها زايدة عن الغير مترجمة مثل هذا السلايد فاتوقع إني بأكمل بالغير مترجم.. + هل الجداول اللي في أول أو نهاية الفصل مهمة؟ مثل هذي.. -- وهنا السؤال الأول و الثاني والخامس.. ما لقيت شرحها من السلايد اصلاً ( مترجم ولا غير مترجم ) الله يعين بس..

هذي اللي انت حاطها ما اتوقع انها زايدة بس يمكن طريقة الشرح اختلفت لانو انا عندي اللي مو مترجمة و الاشياء دي عدتي علي بس بشكل مختلف شوي بس في اشياء ثانية صح زايدة انا لما ادرس افتح السلايد اللي مو مترجم و برضو اللاب توب يكون قدامي عشان السلايدات المترجمة فيه عشان لا احفظ شي زايد

[Somaiah Yousef]

المشاركة الأصلية كتبت بواسطة Azzoz1996 بالنسبة للأحياء.. السلايدات المترجمة فيها اشياء اتوقع انها زايدة عن الغير مترجمة مثل هذا السلايد فاتوقع إني بأكمل بالغير مترجم.. + هل الجداول اللي في أول أو نهاية الفصل مهمة؟ مثل هذي.. -- وهنا السؤال الأول و الثاني والخامس.. ما لقيت شرحها من السلايد اصلاً ( مترجم ولا غير مترجم ) الله يعين بس..

الاسئلة اوضح من كدا لا تخاف :)

ما اشوف الزيادة اللي تقول عنها

هذي معلومات عامة يعني افهمها وبس

آو احفظها على هيئة اسئلة .. كل سطر حط عليه سؤال .. جوابه كلمة وحدة :p

الجداول صراحة فيه بنات كانوا يذاكروها

بس انا مافكرت اقرأها حتى :)

ف اقراها انت وشوف لو فيها شي مهم


بالنسبة للسؤال الاول راح يعدي عليك كثير

ف إنت افهمه

آي شي يتغير شكله .. تلقائيا بتتغير الوظيفة

البروتين لو تغير شكله .. تتغيير وظيفته

إذن الشكل يؤثر في الوظيفة

او انا فهمتها كدا


السؤال الثاني مادري لو هو موجود في السلايدات ولالا

بس معروف ان الدي ان اي والار ان اي يتكونوا من النيوكليوتيدات

اخر سؤال موجود في السلايدات المترجمة

معلومات عادية .. لو حفظت معاني الكلمات بتعرف تحل بنفسك

المخلوقات الحية لها خصائص او صفات او مميزات .. تميزها او تفرقها عن المخلوقات الغير حية

مافي شي جديد

[Somaiah Yousef]

المشاركة الأصلية كتبت بواسطة asma. انا اليوم كانت عندي محاضرة وحدة و ما قدرت اروحها بسبب الباص حسبي الله عليه لانو الشركة اللي متعاملة معاها حطوني فباص جديد و ما دق ياخذ العنوان الا و باقي ربع ساعة على المحاضرة و قال حيجني متاخر يعني عبال ما اوصل تكون المحاضرة خلصت دحين لو رحت للدكتورة و قلتلها هذا الكلام ممكن ما تحسب هذا اليوم غياب ؟

فيه دكتورات مايهتموا بالحضور

يعني لو رحتي واعطيتيها اي عذر بتحضرك ماتفرق معاها

بعضهم يدققوا

عموما .. غياب يوم واحد مايضر :)

عندك بداله 8 غيابات

[نسيم الامل]

عندي استفسارين لاهنتم

اول استفسار
بالفيزياء لما ذاكرت شابتر 2 اللي يتكلم عن الحركة في خط مستقيم
كان فيه 5 قوانين او معادلات لازم تنحفظ عشان لما تجيك مساله تطلع القانون المناسب لها

المهم وانا اتابع مع زويل وهو يطلع القوانين عشان افهم وكذا
طريقة التعويض ماني عارفها انمسحت من مخي بسبب تعودي على الاله الحاسبة
يعني انا لما اجي اعوض على طول اعوض بالالة الحاسبة اكتب المعادلة بالكامل واخلي النتيجة على الالة
سوالي هو كيف اعوض في معادلة فيزيائية فيها مجهول واحد , الشي الوحيد اللي اتذكره انو معامل المجهول او اللي جنب المجهول ينزل للمقام
لكن الباقي كيف

لاني صراحة مابغا مخي يموت اكتب المعادلة بالكامل بالاله واطلع النتيجة

الشيء الثاني ابغا موقع يأسسني بالماث في اشياء بسيطة ابغا ااسهها من الحين زي التعامل مع الكسور والقوى الخ الخ
مجرد اطلاع يعني وتذكير

وشكرا