استفسار عن شروط قبول ماستر حاسب؟ واختبار القسم؟

[smile flower]

المشاركة الأصلية كتبت بواسطة اللمار أنا مع التأجيل لأن اعتقد الجامعة من الداخل غير جاهزة لاستقبال الطلاب والطالبات ثانيا الطرق المؤدية للجامعة هل هي آمنه الآن. والا في مشكلة في الكباري. وشبكات الجامعة وخصوصا المبنى التاسع شغالة والا نروح هذا المشوار ولما نوصل نلاقي المحاضرات ملغية.

انا كمان مع التأجيل
مع اني عادة ما احب تاخير الدراسة لكن المره هذي الامر مختلف
احنا الشبكات وبدون مطرة تحصل لها مشاكل وانقطاعات
كيف والجامعة بعد المطرة حصلت لها خسائر مهولة ومشاكل في الاجهزة الالكترونية
زائد انه الطالبات اللي منازلهم بعيدة عن حي الجامعة كيف راح يتمكنوا من الوصول
الايام اللي قبل الحج وبدون مشاكل في الطرق كنت اوصل في ساعة الا ربع الى ساعة كاملة اوقات الذروة
كيف الان
لكن ما نقول الا عسى ربي يسهل الامر ويكون في نظر في حال طلاب وطالبات جدة على وجه الخصوص

[اللمار]

للمشاركة في

بين حملة التأجيل .. و إنكار الوطنية ,, رد على مقال رئيس تحرير جريدة الوطن

[اللمار]

أنا بكرة راح اروح الجامعة
مين فيكم رايح الجامعة ومين ماهو رايح؟

[اللمار]

math 610

متى آخر موعد لتسليم البونص

[smile flower]

بالنسبة للمرواح بنتوكل على الله ونروح دام انه مافي تأجيل
بس لا احد ينسى الاستخارة قبل الخروج
الله يحمينا وابناء المسلمين من كل سوء
انا قبل شوية رحت الجامعة في جولة استطلاعية
يا حلاة الجامعة ليلا
وكانت الطرق جيدة الحمدلله
ما عدى بعض التكسيرات المتفرقة ان شاء الله ما تكون عائق
بالنسبة للبونس ما حدد الدكتور موعد للان
بس ممكن يعطينا الموعد في او وقت زي ماصار في البونس اللي قبله
فانا اقترح نبدأ الشغل فيه من دحين
وربنا يوفقنا

[bint_jeddah]

انا مو رايحه مره خااااااااااااايفه من الامطار ..اصلا انا عندي فوبيه من المطر والرعد والبرق بس لاتقولو لاحد خخخخخ فراح استني واشوف يمكن اروح الاحد او الاثنين لحد الجو ما يهدى احسن والله يعينكم حصنو نفسكم .. وسجلو المحاضرات خخخخخخخخخ .. سلام

[nona22]

السلام عليكم :
كيف حالكم جميــعا؟؟؟

ياليت البنات اللي داوموا يقولولنا كيف الوضع ؟؟
و هل المبنى التــاســع مهيأ للدراســــة؟؟

و عافاكم ربي

[smile flower]

والله الارسال كان شغال على خلاف التوقعات
لكن الدكاترة هما اللي اعتذروا
المباني من الداخل نظيفة بذلوا جهود فيها صراحة
لكن الاجواء هيا اللي كانت مقلقة للبنات لانه بين وقت واخر كانت تغيم
وربنا يحمينا من كل سوء

[حلم وطموح]

السلام عليكم..
ماحدث في جدة الم الجميع...عسى الله يلطف بنا..
يمكن ادخل لكم في موضوع ثاني معليش سامحوني
بالنسبه للي انقبلوا هذي السنه ماجستير حاسب ..جبتم التوفل بعد ام قبل القبول..يعني ينفع اركز على اختبار القسم من الان لحد موعد الاختبار لاني اخاف اشتت نفسي بالتوفل ..واجيبه لهم بعد القبول...
طيب هل تاخير التوفل يؤثر على القبول؟؟؟يعني ممكن يفضلون غيري حتى لو جبت كويس بالاختبار والا عادي

[smile flower]

المشاركة الأصلية كتبت بواسطة حلم وطموح السلام عليكم.. ماحدث في جدة الم الجميع...عسى الله يلطف بنا.. يمكن ادخل لكم في موضوع ثاني معليش سامحوني بالنسبه للي انقبلوا هذي السنه ماجستير حاسب ..جبتم التوفل بعد ام قبل القبول..يعني ينفع اركز على اختبار القسم من الان لحد موعد الاختبار لاني اخاف اشتت نفسي بالتوفل ..واجيبه لهم بعد القبول... طيب هل تاخير التوفل يؤثر على القبول؟؟؟يعني ممكن يفضلون غيري حتى لو جبت كويس بالاختبار والا عادي

اهلين عزيزتي
بالنسبة لبديل التوفل انا جبته قبل اختبار المفاضلة لكن ممكن تكتبي تعهد انك راح تجيبي الدرجة بعد قبولك
واختبار اللغة الانجليزية لا يؤثر اثناء المفاضلة فقط المعدل واختبار القسم
ان شاء الله اكون افدتك وموفقة