استفسار عن شروط قبول ماستر حاسب؟ واختبار القسم؟

[اللمار]

المشاركة الأصلية كتبت بواسطة nona22 هلا بنت جــدة كيف حالك؟؟ و من جد يا رب تتأجل الدراســة ما سويت شي في البحوث بس طمنوني كيف الوضع في جــدة ؟؟ و هل الأضـرار كبيرة ؟؟ لانــه أنا خارج جــدة و الله يحمينــا و يلطف فينــا

ما أعتقد فيه إجازة.
ولو انه الوضع سئ.

أنا ايضا خارج جده , لو أحد فيكم شاف المناطق القريبة من الجامعة
ياليت يعطينا فكرة عن الوضع الآن كيف؟

[bint_jeddah]

بصراحه من للي شوفنا الاضرار مرررررررره كبيرة بالذات بحي الجامعه ..ولو شوفته الصور والبهدله الي حصلت فكو اليوتيوب .. والي اعرفه جزء من كوبري الجامعه هبط نص متر وغير انه عمليات انتشال الجثث ماخصلت لحد علمي لحد الان تخيلو 11 الف مفقود فينهم اكيد مدفونين ..بصراحه انا اؤيد التاجيل والعميد قال انه مافي تاجيل والدراسه حتبدا السبت .. بس انا من الناس الي والله نفسيتي اتازمت بصراحه انا ساكنه في مكان اهون بكثير منهم لكن الخوف على اهلي .. وامس كانت في مطر بالشمال والغيوم مازالت تروح وتجي .. الله يعين

[اللمار]

المشاركة الأصلية كتبت بواسطة bint_jeddah بصراحه من للي شوفنا الاضرار مرررررررره كبيرة بالذات بحي الجامعه ..ولو شوفته الصور والبهدله الي حصلت فكو اليوتيوب .. والي اعرفه جزء من كوبري الجامعه هبط نص متر وغير انه عمليات انتشال الجثث ماخصلت لحد علمي لحد الان تخيلو 11 الف مفقود فينهم اكيد مدفونين ..بصراحه انا اؤيد التاجيل والعميد قال انه مافي تاجيل والدراسه حتبدا السبت .. بس انا من الناس الي والله نفسيتي اتازمت بصراحه انا ساكنه في مكان اهون بكثير منهم لكن الخوف على اهلي .. وامس كانت في مطر بالشمال والغيوم مازالت تروح وتجي .. الله يعين

أنا مع التأجيل لأن اعتقد الجامعة من الداخل غير جاهزة لاستقبال الطلاب والطالبات
ثانيا الطرق المؤدية للجامعة هل هي آمنه الآن. والا في مشكلة في الكباري.

وشبكات الجامعة وخصوصا المبنى التاسع شغالة والا نروح هذا المشوار ولما نوصل نلاقي المحاضرات ملغية.

[smile flower]

المشاركة الأصلية كتبت بواسطة اللمار أنا مع التأجيل لأن اعتقد الجامعة من الداخل غير جاهزة لاستقبال الطلاب والطالبات ثانيا الطرق المؤدية للجامعة هل هي آمنه الآن. والا في مشكلة في الكباري. وشبكات الجامعة وخصوصا المبنى التاسع شغالة والا نروح هذا المشوار ولما نوصل نلاقي المحاضرات ملغية.

انا كمان مع التأجيل
مع اني عادة ما احب تاخير الدراسة لكن المره هذي الامر مختلف
احنا الشبكات وبدون مطرة تحصل لها مشاكل وانقطاعات
كيف والجامعة بعد المطرة حصلت لها خسائر مهولة ومشاكل في الاجهزة الالكترونية
زائد انه الطالبات اللي منازلهم بعيدة عن حي الجامعة كيف راح يتمكنوا من الوصول
الايام اللي قبل الحج وبدون مشاكل في الطرق كنت اوصل في ساعة الا ربع الى ساعة كاملة اوقات الذروة
كيف الان
لكن ما نقول الا عسى ربي يسهل الامر ويكون في نظر في حال طلاب وطالبات جدة على وجه الخصوص

[اللمار]

للمشاركة في

بين حملة التأجيل .. و إنكار الوطنية ,, رد على مقال رئيس تحرير جريدة الوطن

[اللمار]

أنا بكرة راح اروح الجامعة
مين فيكم رايح الجامعة ومين ماهو رايح؟

[اللمار]

math 610

متى آخر موعد لتسليم البونص

[smile flower]

بالنسبة للمرواح بنتوكل على الله ونروح دام انه مافي تأجيل
بس لا احد ينسى الاستخارة قبل الخروج
الله يحمينا وابناء المسلمين من كل سوء
انا قبل شوية رحت الجامعة في جولة استطلاعية
يا حلاة الجامعة ليلا
وكانت الطرق جيدة الحمدلله
ما عدى بعض التكسيرات المتفرقة ان شاء الله ما تكون عائق
بالنسبة للبونس ما حدد الدكتور موعد للان
بس ممكن يعطينا الموعد في او وقت زي ماصار في البونس اللي قبله
فانا اقترح نبدأ الشغل فيه من دحين
وربنا يوفقنا

[bint_jeddah]

انا مو رايحه مره خااااااااااااايفه من الامطار ..اصلا انا عندي فوبيه من المطر والرعد والبرق بس لاتقولو لاحد خخخخخ فراح استني واشوف يمكن اروح الاحد او الاثنين لحد الجو ما يهدى احسن والله يعينكم حصنو نفسكم .. وسجلو المحاضرات خخخخخخخخخ .. سلام

[nona22]

السلام عليكم :
كيف حالكم جميــعا؟؟؟

ياليت البنات اللي داوموا يقولولنا كيف الوضع ؟؟
و هل المبنى التــاســع مهيأ للدراســــة؟؟

و عافاكم ربي