الأسئلة والاستفسارات عن كلية طب الأسنان ..

[MR.Ds]

يــــــــــــــــجيب الله كويـــــــــــــــــــــــــــــــــــــــــــس

[｡◕‿◕｡ JOONA]

هآآآآآآيوو
أنا حابه أسأل عن المعدل المطلوب ف التخصص
وايش هو الحد الأدنى لأنوو التحضيري ضياااع
الله يسهل يارب

ثآآآنكس

[مَـزٍآج ..}..]

بسم الله الرحمن الرحيم.. والسلام عليكم ورحمه الله وبركاته... بخش ع طول بالموضوع انا طالب في اخر سنه ثانوي.. وحاب اسأئل عن الشروط عشان اقدر اللتحق بطب الاسنان... وياريت احد يفيدني :(

وعليكم السلامـ :)

دخولكـ اي كليه يعتمد على السنه التحضيريـة .. ونسبتك فيها ..

الثآنويه والقدرات والتحصيلي مجرد تنقبل في الجامعه او لآ ...

ولو تبغي النسب المطلوبة .. فهي تختلف من سنـه للثآنيـه .. وتقدر تطلع على موضوع

الأسئله المثبت فووق .. فيه اسئله راح تفيدك عن التحضيري .. وممكن تزور قسم التحضيري ..

بالتوفـيق !!

هآآآآآآيوو أنا حابه أسأل عن المعدل المطلوب ف التخصص وايش هو الحد الأدنى لأنوو التحضيري ضياااع الله يسهل يارب ثآآآنكس

تسكينك في الكليه على حسب النسبه الموزونـه في التحضيري . . مو المعدل

لأنه النسبه الموزونـه تفرق فيه الدرجه عن الثآنيـه .. امآ المعدل فالي جآيب من

96 إلى 100 نفس الدرجه .. فالنسبه فيها عدل اكثـر ..

والنسب المطلوبة في الكليه تختلف من سنه للثانيه .. وكمان متخلفه من الشبآب للبنآت ..

يعني مثلا نسبه البنات المطلوبة في دفعه 09 كانت %90

امآ دفعه 10 كانت %93 .. البنات مآ شآء الله نسبهم عاليه .. !!

طبعا النسبه دي اقل بنت انقبلت في طب الأسنان .. بالتوفـيق !!

[nice-nona]

سسلام ياقدعاان

بخشش بالموضوع دووغري

اممم

انا دحين افكر ادخل كليه صحيه مع انو نسبتي عااليه ماشاء الله بالثانوي بس تعرفو الجامعات الحكوميه تخلي الواحد يقعععد ع ناار يا ايوا يا لا وخصصوصا بعد مااخترعولنا السسسنه التحضيريه ,, بعد دا كولو قررت ادخل اهليه لانها مضموونه

المهم ماعليييييييينا من دا كولو


ابغى اسالكم

شوو الاحسن

الصصصصصصصيدله ولا طبببببببب اسسسنااان ؟؟

ولييييش ؟

وشو مستقبل كل منهم ؟؟

ومن ناحيه فرص الششغل كمان ؟

وانا كـ بنت شوو ينااسبني فيهم ؟؟


ايوووه وكمان لغتكم بالبدااااااايه كيف كاااانت ,, وهل قدرتوو تمشوو مع المنهج والكتب الضضضضضخمه المليااااانه انجلش × انجلش وماانفجعتو هع^^

وكيف مشيتوها بالبدايه ترجمه ولامدرسسسين خصوصيين ولا كيف ؟؟ << منجد محتاااجه مسسسساعده بخصوووص دا لسؤال بذااات

وبعدين حسيتو نفسكم احسسسن باللغه في السنين اللي بعدها ؟


يعني حاابه استفسسسر عن كككل ششي عندكم قولوه ليا بخصوص الاسنان


اممم وممكن الكل يقوولي طب اسناان احسن لاني داخله ع قسمكم وحاطه الموضوع عندكم هع

بس بجد محتاااجه انكم تقولو الاحسن من جميييييييع النواااحي بدون التحييز ^^ اوكي


وششششششكرا والله يجزاكم كل خير

[مَـزٍآج ..}..]

وعليكم السسسلامـ ..

اول شئ ترا مآفي مقآرنه بين الكليتين ..

المفروض تحددي دخولكـ للكليه برغبتكـ . . صحيح لكن ابحث في الفرص الوظيفيه ومآ إلى ذلك

لكن الكليتين إن شآء الله مستقبلها قـوي ..

وبمآ إاني إأسناني .. اكيد بتكلم عن كليتنآآ

وكلنآ مرينآ بحالتكـ ومرحلة اختبآر الكليه .. مرحله صعبه بصرإأحه ..

انا بدإأيه دخولي الكليه كنت مره متردد .. لكن بعد مرور سنتين . . مره مبسوط في الكليه

الكليه ممتعه بمآ انها نظري وعملي .. لانه معروف النظري ممل ومتعب جداً ..

اما الأسنان ثلاث سنين نظريه وثلاث عمليه .. وحتى السنين النظريه فيها عملي . .

وحمد لله انا اخر ترم في السنوات النظرية وبدخل عآلم الكلينكـ ..

طبعا الثلاث سنوإأت الأخيره يكون لك عيآده تستقبل فيها البيشنت . .

بإأختصآر الكليه ممتعة .. وانا اشوفها منآسبه جدا للبنآت بمآ انو مافيها شيفآت اخر الليل والتعب دآآ ..

بالنسبه للأنقلش .. طبيعي في اول شهر راح تتعبي كثير ..

خصوصا الأنقلش مع المصطلحآت الطبية اغلبها بالآتيني ..

اول شهر تعب صرإأحه مع اللغه لكن مع الوقت تجمع مصطلحآت وتتعود على الوضع . .

وتمر في مرحله خلاص في الصفحه الوحده ممكن تترجم كلمه او حتى بعض الاحيان ولا كلمة ..

ومآ عندي معلومآت كثيره في الفآرماا غير انها سته سنوإأأت والكليه حقيقه صعبه

وفيها كيميآآآآآء لين تدوخ

واي سؤال تفضلي !!

[Dr~NanoOok]

وعليكم السلام ,,

إذا حابة إجابات بدون تحيز .. فما ينفعلي أجاوبك :p
أنا أحب تخصصي الأسناني جدا جدا ! وبالنسبة للصيدلة فهي الكلية الوحيدة اللي ابدا ما أشوف نفسي فيها ولا حبيتها "^^

و محد يقدر يعمل مقارنة صحيحة بين التخصيين إلا لما يجربهم الاتنين .. وقتها يحكم

ونحنا هنا ممكن نكلمك عن تخصصنا واللي جربناه وعشناه ,,

~

ابغى اسالكم شوو الاحسن الصصصصصصصيدله ولا طبببببببب اسسسنااان ؟؟ ولييييش ؟

طب الأسنان.. مجال عملي x عملي
واللي يحب الشغل العملي مره حينبسط في المجال
بالاضافة إلى الحفظ .. وفيها كمية لا يستهان بيها.. لكن الحلو وجود العملي بعدها اللي يسهل ويركّز المعلومات أكتر

و هو مجال دقيق.. ويهتم بالتفاصيل بشكل كبير.. اعتمادنا يكون على قياسات الملمتر و أجزاء منها

وأحلى مافيه امكانية الابداع !
وكل مالي بـ أكتشف أنه طب الأسنان فعلا فن

وشو مستقبل كل منهم ؟؟ ومن ناحيه فرص الششغل كمان ؟ وانا كـ بنت شوو ينااسبني فيهم ؟؟

تتخرجي طبيبة أسنان عامة .. بعدها تقدري تتخصصي بأحد التخصصات
وهناك مجالات كتير .. اقري عنها وحتعرفيها
وهي فعلا حلوة ومُحيرة .. للآن ما حددت بأي تخصص حابة آخدهة بعد التخرج
لكن الحلو اننا حندرسها كلها خلال البكالوريوس.. يصير يساعدنا على اتخذا قرارنا

وكمان مجال البحوث العلمية كبير .. لكل اللي حابين البحث واكتشاف الجديد
و في مجال التعليم والارشاد

يعني مو ملزمين بالشغل العملي في العيادات فقط

ايوووه وكمان لغتكم بالبدااااااايه كيف كاااانت ,, وهل قدرتوو تمشوو مع المنهج والكتب الضضضضضخمه المليااااانه انجلش × انجلش وماانفجعتو هع^^ وكيف مشيتوها بالبدايه ترجمه ولامدرسسسين خصوصيين ولا كيف ؟؟ << منجد محتاااجه مسسسساعده بخصوووص دا لسؤال بذااات وبعدين حسيتو نفسكم احسسسن باللغه في السنين اللي بعدها ؟

دايما في البداية كل شي يكون شوية صعب.. لكن مع التعوّد بيسهل ويصير شي مره عادي
و مع الوقت تحسي أن الدراسة بالانجليزي أسهل من العربي << ما يمزح والله

ودراستنا تكون من خلال ملازم.. بالاضافة للكتب اللي حاب يقرأ في الموضوع أكتر
وبرضو مع الوقت حتتعودي كيف تقري الكتب وتاخدي منها المهم.. وما تقري كل كل شي بالكتاب !

ومدرسين خصوصيين الحمدلله ما احتجت وما حسيت ان يحتاج الأمر
مع وجود بنات راحوا لمدرسين خصوصيين في مادة البيوكيمستري في سنة ثانية

[اعتبرني ذكرى وعدت]

لو سمحتو فيه وحده قريبتي تبغى تركب تقويم اسنان في مستشفى الجامعه ممكن اعرف كيف الطريقه حقت الحجز للموعد وفين تروح بالظبط
هيا عندها ملف في قسم الاسنان بس تبغى تعرف من فين تروح تحجز

[اعتبرني ذكرى وعدت]

معقول ولا رد؟؟
والله لو عندي وقت كان ماضيعت وقتي للمنتدى العاشق للطناش
ياجماعه انا ماقلت لاحد يحجز انا بس سالت عن المكان

[Dr~NanoOok]

وعليكم السلام والرحمة

عذرًا على التأخير بالرد ..

لعمل التقويم لازم تكون فاتحة ملف في عيادات الأسنان ويتم الكشف عليها
وبعدين يحولوها إلى قسم التقويم والعيادات التخصصية

مكان عيادات الأسنان هي بجانب المستشفى الجامعي - بوابة العيادات العامة
المدخل بجانب بيت الدونات والثمرات

[لمسه دفى]

السلام عليكم
كيف الحال؟
لو سمحتو انا وحده من صحباتي عندها مشكله وراحت لكذا دكتور ومحد عطاها جواب فقلت يمكن انتو يطلع منكم خير
مشكلتها عندها رائحه بالفم وماهي عارفه كيف تتخلص منها وهيا على وجهه زوااااج
الله يوفقها/يوفقه اللي يساعدها
وذا تعرفون دكتووور شاطر لهذي المشكله قولولي عليه
وشكرا لكم