الأسئلة والاستفسارات عن كلية طب الأسنان ..

[نديـم]

السلام عليكم و رحمة الله و بركاته .

كيفكم ؟ إن شاء الله بخير ..

تكرما من الجميع .. من لدية المنهج الدراسي (curriculum) لطب الأسنان يحطه لنا ..
لأنيّ بصدق مو عارف إيش هي المواد ؟ و الدكاتره الي ينصح بهم في كل مادة ؟ و المواد العملية ؟؟؟ لو تساعدونا ي أخواني بكتابتها لي .

الأمر الآخر / متى يبدأ تسجيل المواد للسمستر القادم ؟

و ممتن لمن يجيب و شكراً .

[Dr~NanoOok]

السلام عليكم

نظام جميع الكليات الصحية يختلف عن بقية الكليات
لا يوجد تسجيل للمواد وحذف واضافة

المواد والجدول ينزل جاهز لجميع الطلبة

وهنا موضوع عن مواد سنة ثانيه
راح يفيدك باذن الله
http://www.skaau.com/vb/showthread.php?t=94958

[تراتيل الهوى]

هلا وغلا خواتي العزيزات
حبيت اسأل هل الكتب اللي بموضوع الأخ طالب طب في المستقبل الموجود بقسم كلية الطب راح تفيدنا احنا بعد ..
أقصد طلاب وطالبات كلية طب الأسنان - سنة ثانية

هذا هو الموضوع

جميع مايحتاجه طالب السنة الثانية من كتب الكترونيه ^ــــ^

http://www.skaau.com/vb/showthread.php?t=416174&page=3

ولكم كل الشكر والتقدير على تعاونكم

[~RAN~]

اهلا ياعسل

اممممم اول كتاب هذا حق مادة الاناتومي من مواد سنه ثانيه اسنان
صراحة انا شريته بس ما استفدت منه لانهم يعطوكم السلايدات تذاكرو منها
استفدت منه في الصور بس
قصدي كتاب :Clincal Anatomy by Regions -snell

اممم والاطلس برضو حيفيدكم لانه كله صور ومذاكرة الاناتومي لازم تشوفي صور كثير عشان تفهمي

بالتوفيق يارب وبانتظار استفساراتكم :)

[Dr~NanoOok]

بسنة ثانية ما احتجنا للكتب بشكل كبير
المذاكرة من الشيتات اللي يعطوها الدكاترة + النوتز حقتنا

اشتريت كتاب سنل و اطلس اناتومي
حبيت الدراسه عليه في الصور والرسومات.. كنت احب هذه المادة واستمتع بمذاكرتها

برضو كتاب البيوكمستري اشتريته
حلو للناس اللي يبغوا يفهموا ويتعمقوا شويه في الموضوع
مو بس سلايدات الدكاترة

عن نفسي اشتريته ع الفاضي.. وماكان ليه وقت كافي اقراه واذاكر منه

خلوا الكتب الى السنوات القادمة
في كتب مهمة والافضل ان تشتريها واسعارها تتراوح مابين 300 - 600 ريال !
وفروا فلوسهم لها افضل :p

[السعودية وبس]

أسعد الله أوقاتكم جميعا بكل خير

يسرنا في مؤسسة داعم للتطوير والاستشارات وبالتعاون مع كلية الطب بالجامعة
أن نقدم لكم دورة المصطلحات الطبية والتي ستساعدكم بإذن الله تعالى
على التغلب على صعوبة السنة الأولى بالكليات الصحية

لتسجيل الطلاب : كلية الطب مبنى 1
لتسجيل الطالبات: كلية الطب مبنى 6

http://www.4shared.com/photo/YqwJ1Log/2_online.html

[malibu guy]

الرابط مو شغال ,,,,,,,,ومتى تبدأ هذي الدورة ؟؟؟ وكم رسومها؟؟؟؟

وهل تفيد طلاب لأسنان..ولا بس حق الطب

[Dr.raam]

أعزائي الدكاترة^^'
سسؤال صغيرون ،،!
ايش التخصصات الطبية المتاحة لطبيب الأسنان بعد انتهاء سنة الامتياز في ايش ممكن يتخصص ؟؟!!

[~RAN~]

المشاركة الأصلية كتبت بواسطة dr.raam أعزائي الدكاترة^^' سسؤال صغيرون ،،! ايش التخصصات الطبية المتاحة لطبيب الأسنان بعد انتهاء سنة الامتياز في ايش ممكن يتخصص ؟؟!!

اعرف التخصصات هذي
قسم حشوات الأسنان

قسم علاج اللثة

قسم علاج الجذور والأعصاب

قسم التركيبات المتحركة والثابتة والأطقم الكاملة

قسم التقويم

قسم جراحة الوجه والفكين

قسم صحة الفم والأسنان

قسم علاج أسنان الأطفال

[dr.Areej1993]

هل يحتاج طلاب طب الاسنان دورة teach me medicine ؟؟ وشكرا ع الاجابة