الأسئلة والاستفسارات عن كلية طب الأسنان ..

[تراتيل الهوى]

المشاركة الأصلية كتبت بواسطة ~ran~ اهلا ياعسل اممممم اول كتاب هذا حق مادة الاناتومي من مواد سنه ثانيه اسنان صراحة انا شريته بس ما استفدت منه لانهم يعطوكم السلايدات تذاكرو منها استفدت منه في الصور بس قصدي كتاب :clincal anatomy by regions -snell اممم والاطلس برضو حيفيدكم لانه كله صور ومذاكرة الاناتومي لازم تشوفي صور كثير عشان تفهمي بالتوفيق يارب وبانتظار استفساراتكم :)

أهلين وسهلين
حملتهم وأن شاء الله استفيد منهم
ويوفقك حبيبتي ..
أكيد مانقدر نستغني عن مشورتكم

[تراتيل الهوى]

المشاركة الأصلية كتبت بواسطة dr~nanoook بسنة ثانية ما احتجنا للكتب بشكل كبير المذاكرة من الشيتات اللي يعطوها الدكاترة + النوتز حقتنا اشتريت كتاب سنل و اطلس اناتومي حبيت الدراسه عليه في الصور والرسومات.. كنت احب هذه المادة واستمتع بمذاكرتها برضو كتاب البيوكمستري اشتريته حلو للناس اللي يبغوا يفهموا ويتعمقوا شويه في الموضوع مو بس سلايدات الدكاترة عن نفسي اشتريته ع الفاضي.. وماكان ليه وقت كافي اقراه واذاكر منه خلوا الكتب الى السنوات القادمة في كتب مهمة والافضل ان تشتريها واسعارها تتراوح مابين 300 - 600 ريال ! وفروا فلوسهم لها افضل :p

على كلامك الظاهر ببدا اوفر من احين
الكتب لحالهم يبغالهم ميزانية وزيادة على كذيه أنا بكون في غربة .. الله المعين
ومشكووورة حبيبتي على الإفادة

[تراتيل الهوى]

عذراً عزيزاتي
توني انتبه أنه الرابط اللي حطيته للموضوع يودي للصفحة 3 .. أحس أني متفشلة منكم

[Dr~NanoOok]

استخير وييسر أمرك

ما راح أزيد على كلام الأخوة اللي قبلي
وعلى كلام د.رام .. تقريبا نفس اللي كنت بقوله

بالتوفيق لك فين ما كنت

[Nola jaber]

الرابط مو شغال بس حابه اسأل في ملتقى السنه التحضيريه حاطين موضوع الدوره وهي بنفس المسمى اللي هنا هل هي نفسها ?!

[Dr~NanoOok]

للاسف ماعندي علم عن تفاصيل الدورة
لكنهاا تختلف عن teach me medicine


وانصحكم تدخلوا الدورات للمصطلحات الطبيه
حتفيدكم كتير وتسهل عليكم الدراسه

وفرصة تتعرفوا على غيركم من الطلبه

انا قبل ما ادخل الطب
رحت دورة مصطلحات رائعه واستفدت منها جدا جدا
مع انه على ايامنا كنا ناخد مادة مصطلحات طبيه لمدة سنة
لكنها برضو فادتني .. اذن الاولى انكم تاخدوها وما حتندموا باذن الله

[طارق الحارثي]

السلام عليكم

كيف الحآال
كيف الاجازة معكم
اول شئ قبل انسى
الف مبروك للمقبولين هالسنة في كلية طب الاسناآن.
وان شاء الله نشوفكم اطباء متميزين في المستقبل
عندي استفسار اتمنى القى جواب كافي وشافي

انا وصاحبي انقبلنآ في كلية العلوم الطبية التطبيقية السنة الي فاتت
طبعا كنآ نبغى طب الاسنان لكن ربي ماكتبهآ لنآ السنة الي فاتت
طبعا شدينا حيلنآ السنة الي فاتت في كلية العلوم الطبية التطبيقية
وعدينآهآ بمعدل فوق 4
بين 4 و 4:50
المهم حاب اسالكم كم عدد المحولين كل سنة وكم المعدلات الي يتم قبلولهآ
اهم شئ الي يعرف له صاحب حول الى كلية طب الاسنان يساله كم كان معدله عند التحويل. عشان نتطمن
ونتايج التحويل متى تطلع في العادة. :)
وبس

[دره جده]

السلام عليكم
ممكن احد يفيدني وبيقين .. وأكون شاكره له
بصراحه انا كنت اطمح وبشششششده لطب أسنان .. ولكن نزل التسكين و قدرالله وحطوني في التمريض
ودحين لمن رحت اطلب تحويل .. 2من المدرسات قالولي مح يمديك لأن نسبتك واطيه ورحت عند وحده ثالثه اعطتني ورقه طلب التحويل وعبيت بياناتي والكليه الي ابغاها وقالت لي انتظري لين رمضان ادا ماطلع اسمك فخلاص حأكون مثل ما أنا ( تمريض)... ( ومررررره خايفه من دا الشئ)
سؤالي هو
1)ادا لاقدر الله جا رمضان وماحولوني .. أقدر أحول مع بدايه السنه ذي؟؟ علما بأن نسبه القبول وقفت ع 94.16وأنا 91

2)وبرأيكم إدا لاقدرالله ماحولوني دي السنه .. انتظر لين السنه الجاي ولا خلاص احول دحين ع الصيدله لأنها وقفت ع 91.9 ( مومره انا مع الصيدله بس قلت اخاف انتظر للأسنان ويروح علي الصيدله ) ؟؟
..
ساعدوني الله يخليكم مني عارفه اش اسوي!!
وجزاكم الله خير ..

[ahmed khojah]

المشاركة الأصلية كتبت بواسطة unique .... السلام عليكم .. من أول أسبوع أو ثاني أسبوع تقدر تروح لعمادة القبول والتسجيل وتغير البطاقة من هناك .. بالتوفيق ..

مشكور حبيبي ما تقصر

[Dr.raam]

الرابط ماشتغل
ياريت احد يفيدنا من وين اقدر اسجل فيها ،ومتى موعدها وموعد التسجيل وفين المكان بالنسبة للطالبات ؟؟
وهل هيا نفسها teach me medicine ؟؟؟
أفيدونا جزاكم الله خير :)