الأسئلة والاستفسارات عن كلية طب الأسنان ..

[Dr~NanoOok]

الرابط شغال معايا ودي الصورة اللي فيه
http://db.tt/lyGxuQws


وهذه دورة تختلف عن teach me medicine

[Dr~NanoOok]

التحويل يعتمد على عدد المقاعد المتاحه بالقسم
اذا كان في امكانيه باذن الله تحولي دحين او ببداية الدراسة

واذا لأ.. بعد اكمال سنه في التمريض وبمعدل امتياز فوق 4.5 باذن الله تقدري تحولي

استخيري وربي ييسرلك

انا بسنه اولى (قبل نظام التحضيري) كنت في التمريض بعدين حولت بعد سنة اولى
مع ان التمريض تخصص رااااائع وفعلا حبيته
لكن خيرة من ربي وحولت للاسنان ، مع انهم قالوا جداا صعب التحويل الى الاسنان لكن ربي يسّر

اهم شي استخيري وربي يختارلك الخير

[Dr~NanoOok]

وعليكم السلام ورحمة الله

اهلا بك د. طارق
اتذكر مشاركتك معنا بالقسم وحماسك للاسنان
وماشالله عليك مازال حماسك وطموحك فيه؛ باذن الله ربي ييسرلك دخوله والابداع فيه

في دفعتي كان نظامنا ووضعنا غير قبل نظام التحضيري
وللاسف ما اقدر افيدك في التحويل و عدد المحولين والقبول
لكن إن شاء الله الدفعات الاصغر مني تقدر تفيدك

بالتوفيق لك وربي يختارلك الخير فين ما كان

[طارق الحارثي]

^^
مشكورة يادكتورة :)

ياارب يفيدونا باقي الاعضاااء
انا في الانتظار ...:)

[دره جده]

الله يجزاك اللللف خيييييييييييييير ..

مااقول غير ياارب يقبلوني دي السنه ..
بس بسألك ادا قدمت بعد سنه من دراستي ف التمريض وبإذن الله جبت الـ 4.5 في التمريض .. ع اي اساس حيكون قبولي اوكي .. يعني حيكون مفاضلتي مع دفعه 13 ولا كيف؟؟


ومعليش بسألك سؤال ثاني بما ان كانت حالتك مثلي .. كم كانت نسبتك ومعدلك في التمريض ؟؟ << ادا فيها احراج ارسليه ع الخاص << ولك دعوه من قلب

وادا لاقدرالله ماانقبلت دي السنه هل برأيك أنتظر لسنه الجاي ولا احول ع الصيدله قبل لايروح علي ؟؟

اسفه ع كتر الأسئه .. والله معتبرتك قدوه .. والله يوفقك

[Dr~NanoOok]

درة جدة



واياكِ الخييير يارب

-

بالنسبة لافضلية التحويل
ماعندي فكرة للاسف ،، امكن على حسب البنات اللي حولوا من اسنان وتركوا مقاعد فاضية
او البنات المعتذرين عن الدراسة
إن شاء الله احد عنده معلومات اكتر يفيدك فيها

-

في سنتي لما جيت حوّلت ، كان وضعنا يختلف
لانه في كل سنة ما يقدر يحولوا الا الثلاث اوائل من الدفعه
و من تمريض الى طب اسنان شبه مستحيل

لكن ربي يسرّلنا وقدرنا نحوّل الى طب الاسنان 8 بنات
وفي بنات حولوا الى بشري وصيدلة وتقنية طبية

عشان غيروا النظام بالجامعه
وزادوا عدد المقاعد بالكليات الصحية
في البشري والصيدله
وفي الاسنان صارت الطاقه الاستيعابية توصل 80 طالبه في الدفعه
زمان كان 60 اكثر شي

معدلي كان اكتر من 4.5 لكن ما كان مره عالي ويوصل الى 5 "^^

-

التحويل يحقلك تحولي مرة واحدة فقط << على حد علمي
يعني اذا رحتي صيدلة ماتقدري تحولي لطب اسنان

شوفي ميولك فين
وادا كنتِ تفضلي الصيدلة على التمريض
بالنسبه لي ما كنت اخترت الصيدله وبقيت في تمريض اذا ربي ما كتبلي احوّل


اهم شي
استخيري واستخيري واستخيري
وربي حيسهلك الخير لك ويقنعك بيه

دحين داخل رمضان واستغليه في كثرة الدعاء والاستهارة

وربي ييسرلك جميع امرك عزيزتي

[Dr~NanoOok]

المشاركة الأصلية كتبت بواسطة غ يــر البشر الله يعطيك العافية دكتورة مواضيعك دائما حلوة حابه أستفسر منك بكم شغلة إذا ممكن أنا الحمد لله قبلوني طب أسنان وماني عارفة ايش المفروض اسويه في الاجازة عشان التخصص يعني ايش تنصحيني فيه )..... فائق ودي واحترامي

اهلا بدكتورتنا :)

افضل استعداد انك تقري عن التخصص وتعرفي عنه قد ما تقدري
هذا حيحببك في التخصص ويخليكِ تبحثي عنه وتعرفي عنه بشكل عام

اما كمواد وتفاصيلها ؛ راح تاخدوها خلال السنة وما اشوف انه يحتاج تحضير وقراءة لها

اذا قدرتي احضري دورة مصطلحات طبيه
راح تفيدك كثير خلال الدراسه
لانكم ما حتاخدوا مادة مصطلحات كمادة دراسيه

وعيشي اجازتك زي ما تحبي
على قولتهم لاحقين على كل شي فلا تستعجلوا ^_^

وبالتوفيق لك :)

[ابوداعس]

السلام عليكم ....

معليش عنوان الموضوع يقول انكم بتحصلون معلومة بس للأسف أنا أبحث عن هي المعلومة من أول ما نزل التسكين بس لم أجدها ...!!


اللي عنده اي فكرة عن لون سكراب الأولاد لا يبخل علينا رجاء ... وكل ما سألت هالسؤال يجيبون لي موضوع دكتورة نانوك... يعطيها العافية ... بس نبي واحد يقول لنا بكل تأكيد مو يظن ...

وشكرا وعذرا ع الإطالة ...

[~RAN~]

اللون الموحد للكليه هو الكحلي "navy"
زي هذا يعني

[D.AMAZING]

ما شاء الله مره عجبني اللون :)