تجمع للمعيدات ،،،، ولكل من تطمح ان تكون معيده ،،

[دفق العطاء]

المشاركة الأصلية كتبت بواسطة ألا ياحلم.. اتحقق طيب عندي سؤال غبي شويه ... وهو ...ماهي وظيفة المعيدة بالضبط ؟ أقصد بعد ماقدمت عالمعيديه وانقبلت طيب وبعدين تصبح أستاذه وتلقي المحاضرات أو تكون مختصة بالمعامل إذا كانت علوم مثلاً ؟ أو لابد إنها تاخذ الماجستير فور قبولها عشان تصير مخوله للتدريس ؟ تكوني معيدة بشهادة البكالوريوس مختصة بإلقاء المحاضرات في المعامل حتى تحصلي على شهادة الماجستير أو الدكتواره وبعدها تكوني مخولة لإلقاء المحاضرات في القاعات الدراسية وأعتقد بعد الدكتوارة فقط حسب ما شاهدت والله اعلم . وكمان شي ثاني لما بأقدم على وظيفة معيدة لازم أقدم على نفس تخصصي ولا ممكن أغير عن مجالي تبع البكالوريوس؟يعني لو كيمياء أقدر أقدم معيدة في كلية اقتصاد وإداره مثلاً؟ إذا تُدرس مادة الكيمياء في كلية الإقتصادة والإدارة ممكن تكوني معيدة عندهم في تدريس الكيماء أما تصيري معيدة في تدريس تخصصات كلية الإقتصاد والإدارة ..هذه كيف تجي وإنتي أصلن دارسه كيمياء ، ما درستي اقتصاد وإدارة حتى تدرسيها ؟؟؟!!! ممكن هنا في حالة واحدة والله أعلم إذا كملتي ماستر في تخصص الإقتصاد والإدارة تقدمي بعدها على نفس الكلية معيدة أو محاضرة بشهادة الماسترو تدرسي أحد تخصصاتها التي كملتي فيها الماستر في كلية الإقتصاد والإدارة . أدري من أسئلتي باين إني مو فاهمه شي ..بس اللي مايسأل عمره مايتعلم<<<<<<<<<ترقع خخخخ أتمنى أحد يفيدني وأكون شاكره

بالتوفيق

[ابتسامة دمعة]

السلام عليكم ورحمة الله
بنات الله يسعدكم قولوا لي : ذحين الجامعات مو المفروض الطلاب الأوائل عندهم ياخذوهم معيدين بالجامعات .. على طول .. والا كيف المسأله
انا تخرجت من جامعة الطائف ومعدلي ممتاز مع مرتبة الشرف الاولى والاولى على دفعتي والحمد لله .. لكن للأسف السنوات اللي تعبت فيه بالدراسة والانشطه وغير كذا كنت المثاليه وكنت احلم على طول اكون معيده وبالنهايه يقولوا لنا القسم مو محتاج .. مع انو والله دكتوراتي طلبوا مني اقدم ملفي وقالوا لي احنا مظغوطين بالمررة ... وفعلا مافي معيدات كثير بالجامعة .. يعني مو حرام
طيب انا لو قدمت ملفي على جامعة ثانية مثل جامعة الملك عبد العزيز هل يقبلوا فيني والا الاولوية لخرجات الجامعة ...
الحين انا بقدم ماستر بجامعة الملك عبد العزيز وإن شاء الله يتم قبولي يارب .. لكن بنفس الوقت يظل طموحي اكون معيده م يفارقني موبس كذا يعني لدرجه وصلت معاي انو رسمت مستقبلي رسم وبالعمر كمان وكل سنه بسوي شي معين وبوصل لدرجه معينه من العلم الى ما اكون عالمه إن شاء الله
تنصحوني اجلس على طموحاتي والا اهتم بالدراسه وخلاص واخليها على ربي ؟؟ والا لازم اروح اقدم ملفي واطلع وانزل لحد ما يجيني رزقي ؟؟

[دفق العطاء]

المشاركة الأصلية كتبت بواسطة ابتسامة دمعة السلام عليكم ورحمة الله بنات الله يسعدكم قولوا لي : ذحين الجامعات مو المفروض الطلاب الأوائل عندهم ياخذوهم معيدين بالجامعات .. على طول .. والا كيف المسأله [SIZE=4] وعليكم السلام ورحمة الله وبركاته [/SIZE] لا موشرط مفروض الأوائل ياخذوهم على طول ، كل قسم وله طريقته في إختيار المعيدين ، فممكن لأنها الأولى ياخذوها وحتى ممكن يتصلوا عليها ويطلبوها إذا كانوا محتاجين حتى بدون تقديم ، وممكن لا إنتي لازم تقدمي عليهم وتابعي باستمرار موتيأسي طالما عندك جميع المؤهلات التي تدعمك في المعيدية ، وكمان قدمي على الماستر لأن هذا يدعمك بقوة في القبول للمعيدية بإذن الله . انا تخرجت من جامعة الطائف ومعدلي ممتاز مع مرتبة الشرف الاولى والاولى على دفعتي والحمد لله .. لكن للأسف السنوات اللي تعبت فيه بالدراسة والانشطه وغير كذا كنت المثاليه وكنت احلم على طول اكون معيده وبالنهايه يقولوا لنا القسم مو محتاج .. مع انو والله دكتوراتي طلبوا مني اقدم ملفي وقالوا لي احنا مظغوطين بالمررة ... وفعلا مافي معيدات كثير بالجامعة .. يعني مو حرام طيب انا لو قدمت ملفي على جامعة ثانية مثل جامعة الملك عبد العزيز هل يقبلوا فيني والا الاولوية لخرجات الجامعة ... طيب جامعة الطائف موفرع لجامعة الملك عبدالعزيز !! وليس شرط إنك تكوني متخرجة من جامعة الملك عبدالعزيز بجدة حتى يقبلوكِ ، لا أهم شيء تنطبق عليكِ الشروط التي اعلنها القسم ويكون عندك المؤهل المطلوب . يعني تقدري تقدمي في أي جامعة وللقسم نظرة في القبول بعد المقابلة الشخصية ، فممكن يتم قبول طالبة معدلها اقل منكِ حتى بكثير ، لأنه كانت أفضل منكِ في المقابلة الشخصية فالمسألة ليست مسألة درجات فقط أهم شيء إنها تنطبق عليها الشروط مثلك مثلها لكن المقابلة الشخصية تكون الفيصل بين جميع المتقدمات واحيانا بعض الاقسام تضع اختبار تحريري للقبول أيضا ، واحيانا لا مقابلة ولا اختبار فيكون القبول بالأعلى معدل ، يعني كل قسم وله طريقته . الحين انا بقدم ماستر بجامعة الملك عبد العزيز وإن شاء الله يتم قبولي يارب .. لكن بنفس الوقت يظل طموحي اكون معيده م يفارقني موبس كذا يعني لدرجه وصلت معاي انو رسمت مستقبلي رسم وبالعمر كمان وكل سنه بسوي شي معين وبوصل لدرجه معينه من العلم الى ما اكون عالمه إن شاء الله تنصحوني اجلس على طموحاتي والا اهتم بالدراسه وخلاص واخليها على ربي ؟؟ والا لازم اروح اقدم ملفي واطلع وانزل لحد ما يجيني رزقي ؟؟ أنصحك نصيحة أخوية إنك لاتياسي ، واحسني الظن برب العالمين في توفيقك للقبول في المعيدية كما وفقك للنجاح والتفوق في دراستك ، وأخلصي النية لله في طلب العلم النافع والعمل الصالح في تطبيق العلم الذي درستيه وتعلمتيه..وادعي الله دوماً بتوفيقك للقبول في المعيدية والماستر إن شاء الله ولا تستعجلي لعله خير وكل مايقضيه العبد لربه هو رحمة به وعدل به ولحكمة فتفائل بالخير وثقي بربك والله يوفقك . وأيضاً أنصحك إنك تقدمي ملفك على كل جامعة تقدري تقدمي فيها وتابعي باستمرار الإعلانات على مواقع الجامعات وفي الجرايد ، والقسم نفسه في الجامعة من حين لآخر ، وضعي في ملفك كل شهاداتك صغيرة وكبيرة وكل إنجازاتك ..وماإلى ذلك .

وبالتوفيق

[ღღღبيـــاض الثــلـجღღღ]

السلام عليكم ورحمة الله وبركاااااااااتة

اخواتي اتمنى تفيدوني بالي تقدروا عليه

كيف اعرف متى الاعلان عن وظيفة معيدة في قسمي علم اجتماع؟؟؟؟ ولا انا اقدم اوراقي لكليتي؟؟؟

واش الشروط اللازمة ؟؟؟

[فوق عالي السحب]

ان شاء الله حاقدم على وظيفة معيده
بس سؤالي لما اقدم من فين اجيب شهادة حسن السيرة والسلوك والكشف الطبي

[ahla OoOna]

السلام عليكم

شكرا على طرح الموضوع وإن شاء الله الكل يستفيد

سؤالي ايش الاوراق المطلوبة عشان قدم لوظيفة معيده ، هم كاتبين "وتقدم الطلبات مصحوبة بالأوراق الثبوتية من وثيقة التخرج وكشف الدرجات والدبلومات التي اجتازها(اجتازتها) إن وجدت)".

يعني ايش احط غير الوثيقة وكشف الدرجات

والارواق اللي اقدمها صور ولا اصول

هم منزلين وظائف معيدات في كلية ادارة واقتصاد وإن شاء الله حاقدم لها بس كنت حابه اعرف الاوراق اللازمة للتقديم

مشكورين

[عاقله في زمن الجنون]

طيب طالبات الانتساب يقدرو يقدمو على وظيفة معيد والا لا
وايش الشروووط

[شمس العالم]

مين قدمت من جهة الرجال ملفها للمعيدية .. نفسي اقدم عشان ارتاح شوية .. بس اعرف فين وكيف ..؟


على فكرة ..

نازلة وظائف في الجامعه للمحاضرين والمعيدين ..

[تحت الصفر]

ارجو منكم الرد على سؤال هو التقديم على وضيفة معيدات بدء و
وهو له وقت ولا انا متى ماحبيت اقدم اروح لهم واقدم
وان كان كذا وين اروح لتقديم
علما بان شهادتي بكالريوس الاحياء

[that me]

المشاركة الأصلية كتبت بواسطة شمس العالم على فكرة .. نازلة وظائف في الجامعه للمحاضرين والمعيدين ..

بجد....وين الله يسعدك