تجمع طالبات الدبلوم التربوي العام فرع الرحاب :$

[أحلى حلم ...]

احس محد مهتم للصباحي
انا بكرا خلاص رايحه بس ما اعرف فيين الكليه بزبط
وبكتب خطاب او شي
وبحط رقمي الجامعي و رقم صحباتي
و خلونا كلنا نروح ونسجل ارقامنا يشوفوا العدد و ظروفنا و يفتحو شعبه

يارب يسهل :(

[يونا1]

السلام عليكم

بنات بسئلكم فيه دبلوم تربوي لقسم دراسات الطفولة؟

ولا هوا عام أي تخصص يقدرون يدرسونه؟

شكرا

[Rashoo]

المشاركة الأصلية كتبت بواسطة يونا1 السلام عليكم بنات بسئلكم فيه دبلوم تربوي لقسم دراسات الطفولة؟ ولا هوا عام أي تخصص يقدرون يدرسونه؟ شكرا

وعليكم السلام ورحمة الله وبركاته

اعتقد انو دراسات طفولة تخصصهم تربوي مايحتاج تاخذي دبلوم بعده، شوفي بالوثيقة يكتبو لك دبلوم في التربية، بس اتأكدي منهم.

وبالنسبة للدبلوم عام لكل التخصصات.

[يونا1]

المشاركة الأصلية كتبت بواسطة rashoo وعليكم السلام ورحمة الله وبركاته اعتقد انو دراسات طفولة تخصصهم تربوي مايحتاج تاخذي دبلوم بعده، شوفي بالوثيقة يكتبو لك دبلوم في التربية، بس اتأكدي منهم. وبالنسبة للدبلوم عام لكل التخصصات.

الدكتورات يقولون لنا تخصصنا مو تربوي وانا بجامعة طيبة طبعا ماعندنا دبلوم تربوي لدراسات الطفوله فا ابغى ادرسه في جامعة الملك عبدالعزيز

يعني لو اقدم عندكم على دبلوم تربوي لقسم دراسات الطفولة يقبلوني؟

وهل لازم اختبار قياس ؟ لانو عندنا مايحتاج قياس التربوي

[Rashoo]

المشاركة الأصلية كتبت بواسطة يونا1 الدكتورات يقولون لنا تخصصنا مو تربوي وانا بجامعة طيبة طبعا ماعندنا دبلوم تربوي لدراسات الطفوله فا ابغى ادرسه في جامعة الملك عبدالعزيز يعني لو اقدم عندكم على دبلوم تربوي لقسم دراسات الطفولة يقبلوني؟ وهل لازم اختبار قياس ؟ لانو عندنا مايحتاج قياس التربوي

اها كذا بجامعة عبدالعزيز يحسب تربوي.

بخصوص الدبلوم هو عام لكل التخصصات سواء درستيه في عبدالعزيز او اي جامعة ثانية نفس الشي.

بالنسبة للاختبار فلازم، 50 ٪ من القدرات و50٪ من المعدل.

[اموني]

السلام عليكم

بنات الله يسعدكم في تسجيل قريب عالتربوي؟

انا خريجة 2012

[أحلى حلم ...]

رجعت من عندهم معامله جافه
و لا فيه اي مراعاه و تقول ليش ماجيتو بدري لحين كيف نقفل الشعب ؟

المهم مين تعرف كيف احول للجامعه

[ورود الربيع]

احلى حلم

حتى انا ابغى شعبه صباحي بس ماقدر اروح الجامعه للاسف


اما بالنسبه لسؤالك (كيف تقدري تحولي للجامعه) انا لما رحت للمطابقه في الفيصليه سالت عن امكانية التحويل قالت لي مافي امكانيه


وكمان رحت للسليمانيه وسالت وقالوا لي ماتقدري




انا اقرب لي السليمانيه لكن الحمد لله على كل حال كلها سنه اذا الله كتب لنا عمر وعشناها وبتعدي بسرعه ان شاء الله

[طالبة ~]

الحمدلله عدلوا التعارض بين المواد في شعبه a3

[أحلى حلم ...]

الحمدلله عدلوا التعارض بين المواد في شعبه a3

اليوم كلمتهم عن التعارض في البدايه ماصدقو و نظراتهم مستغربين يقول مستحيل
بعدين قالو ايوه صح فيه تعارض ....!

حتى انا ابغى شعبه صباحي بس ماقدر اروح الجامعه للاسف

تقولي ليش ماطلبتوا من بدري ..!؟ قلت دوبه أول اسبوع هذا قالت خلاص بدوا الطالبات يدخلو في الشعب

احس املنا اننا نكلم الدكتور عدنان مليون مره
ونسجل كلنا في شعبه a1 اللي يبغى صباحي و نتفق بعدين مع الدكتورات يقدمون المحاضرات مع انه اكيد مافيه قاعات بس ايش نسوي نحاول نتفق فيمابيننا :(
انا بشوف اول اسبوع اذا ماقدمو بسحب

تخيلو لما قلت لها ليه ماسويتوا من البدايه شعبتين صباح و ثنتين مساء جلست تفكر !!!

اما بالنسبه لسؤالك (كيف تقدري تحولي للجامعه) انا لما رحت للمطابقه في الفيصليه سالت عن امكانية التحويل قالت لي مافي امكانيه وكمان رحت للسليمانيه وسالت وقالوا لي ماتقدري

ليش السبب يمكن النسبه ؟ ولا شي ثاني