هنـــــــا رابــــط التقديم للإعفــــــاء

خنفشاريه · #1 21-02-2012, 11:25 PM

بسم الله وعلى بركة الله

ياقماعه انا قدمت عالنت (منحه دراسيه ) واتصلت بوحده ابوها يشتغل بالجامعه وقالت انه يقول المنحه غير الاعفاء...قلت كيييييف؟؟ قالت : الاعفاء يعني يعفونك عن الرسوم لمده ترم اما المنحه يعني اعفائك من الرسوم طول مدة دراستك بالجامعه بشرط عدم نزول المعدل عن 2.75 وانا الحمد لله معدلي بالمستوى الاول 4.64 وقدمت عالمنحه بالنت ثم بدأت اشيك كل يوم عالموقع واول مره كتبووو تحت الدراسه ...بعدين كتبو للمطابقه ..بعدين ارسلو لي رساله عالجوال انو لازم اطبع ورقة المراجعه وطبعتها وارسلتها مع كل الاوراق وخليت ابوي يسلمها لقسم الرجال ولما راجعهم مره تانيه على اساس اليوم المطابقه قالو له اني مقبوله بس لازم اطابق الاوراق من شطر الطالبات بكره الاربعاء وانا ان شاء الله بكره اروح واشوف ايش ربي كاتب لي عسى خير ... يالييييييييل ماطولك والحمد لله على كل حال وعلى قولة المثل راح الكتير مابقى الا القليل...يااااااااارب رحمتك.دعواتكم ياطلابي الاعزاء..

خنفشاريه · 22-02-2012, 05:18 PM

اليوم الاربعاء<<<<اليوم المنتظر <<<<اكشششششششن

ياجماعه انا رحت اليوم لشطر الطالبات عشان المطابقه وقالت انتي مقبوله وكل الاوراق تمام لكن في مشكله وحده اللي هي<<<انو انا كتبت بالنت لما سجلت عدد افراد الاسره 11 وهو الحقيقه ولكن لما جات تطابق كرت العائله لقت بس اربع اشخاص قالت لاماينفع لازم تجيبي بطايق احوالهم ولازم مايكونو موظفين ولامتزوجين قلت كيف وهم كلهم متزوجين وفي منهم متوظفين قالت لا لازم تتطابق مع بعض( بياناتك بالنت مع الكرت )<<<< واتصلت على ابوي وقلتله عالمشكله وطبعا مدحني وقال انتي بنتي الحبيبه اذكى بنت في العالم <<اقصد"مسح بوجهي بلاط الجامعه بالتهزيئ <<<واخر شئ رجعت للموظفه وقلت مشيها واجرك على الله لكن اتوقع الجدار يحن وهي ماتحن...ولكن بعد جهد جهيد قالت انا راح امشي اوراقك لكن القرار الاخير للمديره المسؤله عن الاعفاء اذا نزل جدولك معناتو قبلوكي واذا مانزل الله يعينك جيبي بطايق الاحوال وراجعينا السبت....<<<<يااااارب ساعدني وصبرني ..

ملاحظه
وعلى فكره انا سالت اليوم الموظفه بخصوص الفرق بين المنحه والاعفاء قالت كلها واحد هي نفسها بس اختلاف الاسم فقط ...وتستمر معاكي طووول فتره دراستك بالجامعه بشرط ماينزل معدلك عن 2.75 وبالله التوفيييق.

OMAR MOHAMMED 02 · 03-02-2014, 01:28 PM

هل من شروط التقديم على الأعفاء لازم اكون مخلص الترمين ولا أقد بهذا الترم عادي أنا عديت الترم الاول الحمدلله ..؟؟

شدندن · 16-02-2012, 03:38 PM

ماعليك من ايقونة الإستعلام اللي يكون بهاا تحت الدراسة
لأن انا قبلوني وطابقة الأوراق ونزل جدولي وهي لسع مو جودة ماراحت " تحت الدراسة "
عليك بس من نموذج الطباعة ^^