تجمع المقبولين في ماجستير ادارة الاعمال التنفيذي في جدة

[الماسي الهندسة]

المشاركة الأصلية كتبت بواسطة النجاح المستمر بنات انا رحت الجامعه واستفسرت عن كل شيء وهده كل شيء قالوه عنه احطه بين اديكم وهو كالتالي : 1/ رحت اخد بطاقة الجامعة من قسم الدراسات العليا قالتلي بعد اسبوعين انتوا تا خدوا البطاقات لأنه لسه ما سوينها وتقدرو تتدخلوا بإستمارة الاستلام حق البطاقة . 2/ بعدين رحت استفسر من الكلية قسم الدرسات العليا قسم اداراة اعمال تنفيذي عن بداية الدوام فقالت حيكون يوم 27/10/2010 وفيه ناخد الجدول فطلبت الجدول منها و المواد الي نزلتنا فهو كالتالي : ادارة موارد بشرية - خميس من الساعة (9 ص - 12 ظ) جمعه من الساعة (3 ع - 6ع ) تسويق معاصر - الاربعاء من الساعة ( 6 ع - 9 مساء ) الخميس ( 12 ظ - 2:30 ظ ) مناهج بحث وتحليل كمي - الاربعاء من الساعة (3 ع -6 ع) الخميس (3 ع- 6 ع) فقلتلها احنا موظفات و الدوام يوم الاربعاء ينتهي الساعة 4:30 وانتوا حاطين المحاضرات يوم الاربعاء من الساعة 3 العصر وهده يتعارض مع الدوام الرسمي حقنا ، واتفهمت الوضع الله يرضى عليها وقالتلي لازم تكتبي اسمك عندي وتكتبي اسم الماده و وقتها الي يتعارض مع الدوام حقي عشان نقدمه للدكتوره عن الماده واذاكان في اعتراض من البنات على وقت دوام الماده فأن شاء الله يغيروه لكم . عشان كدا يابنات الي يتعارض معاها ياريت تروح الجامعه وتسجل اسمها عندها عشان يغيروا موعد المحاضره صعبه والله نستأذن من العمل كل مره ترى فيها احراج لنا واحنا عارفين انه المحاضرات ما تبدأ الى الساعه 5 العصر وعشان كدا وافقت جهات عملنا . واي استفسار انا حاضره

بارك الله فيكي يا اختي و جزاك الله خير

[Mawjood]

بالنسبة لبداية الدراسة (لطلاب حائل) جاتنا رسالة على الجوال ونصها كالتالي:
" يسر ماجستير ادارة الاعمال التنفيذي الترحيب بطلاب حائل الجدد الدفعة الثانية ونفيدكم ان الدراسة ستبدأ باذن الله الاربعاء 27 شوال راجين تواجدكم الساعة 4:30 عصرا في جامعة حائل مركز التدريب بجوار كلية البنات بحي أجا حيث ستكون جداولكم جاهزة ولن تحتاجوا تسجيل المواد. مع تمنياتنا لكم بالتوفيق."

[samar.a]

السلام عليكم ورحمة الله وبركاته
جزاك الله خير ا (النجاح المستمر)....ماقصرتي،
الدوام راح يبدأ يوم الأربعاء 27/10 الساعه كم ؟ وفي أي مبنى ؟

وتقبلوا تحياتي،،

[الماسي الهندسة]

المشاركة الأصلية كتبت بواسطة mawjood بالنسبة لبداية الدراسة (لطلاب حائل) جاتنا رسالة على الجوال ونصها كالتالي: " يسر ماجستير ادارة الاعمال التنفيذي الترحيب بطلاب حائل الجدد الدفعة الثانية ونفيدكم ان الدراسة ستبدأ باذن الله الاربعاء 27 شوال راجين تواجدكم الساعة 4:30 عصرا في جامعة حائل مركز التدريب بجوار كلية البنات بحي أجا حيث ستكون جداولكم جاهزة ولن تحتاجوا تسجيل المواد. مع تمنياتنا لكم بالتوفيق."

وفقكم ووفقنا الله

[الزمن القادم]

ربي يوفقكم ... انا معلمة دوامي حتى الساعة 1 ظهرا .. وتم قبولي ولله الحمد ماجستير مدفوع ( ادارة تربوية )

احتاج مساعده من لدية خبرة في ترتيب افضل جدول يناسب ظروفي ...

[moooj]

المشاركة الأصلية كتبت بواسطة الزمن القادم ربي يوفقكم ... انا معلمة دوامي حتى الساعة 1 ظهرا .. وتم قبولي ولله الحمد ماجستير مدفوع ( ادارة تربوية ) احتاج مساعده من لدية خبرة في ترتيب افضل جدول يناسب ظروفي ...

الجداول الدراسية للبرامج التربوية الماجستير الخاص ثابتة ولا يمكن التعديل فيها

كما انها جاهزة وليس لنا تسجيل أو حذف أي مادة ........... وفقكم الله تعالى

[النجاح المستمر]

بالنسبة للدوام يوم الاربعاء 27/10 حيكون الساعة 3 العصر برضوا يتعارض مع وقت الدوام

[الماسي الهندسة]

المشاركة الأصلية كتبت بواسطة النجاح المستمر بالنسبة للدوام يوم الاربعاء 27/10 حيكون الساعة 3 العصر برضوا يتعارض مع وقت الدوام

هل كل يوم اربعاء ح يكون الدوام 3 والا بس اول يوم ؟ انا اتوقع بس اول يوم

[مرسمه]

شكرا النجاح المستمر على الأخبار

حبيت الجدول صراحة ان شاء الله يستمر

وبخصوص مادة الربعاء أنا ماعندي مشكلة بس ازا حابين تغيرو انا معاكم

تحيتي
:)

[Brainiac]

مشكلة التعارض يعاني منها أغلب موظفي القطاع الخاص...

يعني أنا مثلاً ، انا ساكن بالرياض ودوامي يخلص الساعه خمس ونص المساء...... ولازم يوم الاربعاء اكون موجود بمنى الكلية الساعة 4:30 العصر.......يعني بالنهاية مشكلة التعارض "شر لا بد منه" ..... وبالنهاية لازم نضحي عشان نحصل على الشهادة.

برضو ودي اشكر القائمين على البرنامج على هذا التنظيم... وأعتقد ان برنامج ادارة الاعمال التنفيذي هو البرنامج الوحيد اللي ارسل مسجات لجميع الطلاب المستجدين لابلاغنا بأماكن اللقاء وبالتاريخ........يعطيكم العافية.