تجمع استفسارات ؟ ♥ ♥ #تحضيري_15 ♥ ♥

[دانه الكويسه]

الرياضيات ما لقيت الا نموذج واحد ولما افتح نماذج قديمه كل شي غير من فين اجيب نماذج : ) ؟

[دانه الكويسه]

+ انا من طالبات الشرفيه فين احصل ملزمة هناء الفرحان للدوري الاول + ملزمة آسيا الزقزوق للرياضيات :)

[أُنـثــﮯ مـــلآئـكيـة]

ملزمة هناء نماذج الدوري الاول كنت اخذها من مكتبة خوارزم بداخل الجامعة بس شوفي لهم فرع برا الجامعة
دوري رقمهم و استفسري اذا موجودة عندهم او لاء
اذا ابدا مالقيتي في مكاتب جمب الجامعة يصير اطلبي من اي وحدة تعرفيها في السليمانية انها تاخذلك نسخة

[أُنـثــﮯ مـــلآئـكيـة]

رياضيات مو لازم نماذج كثير يكفي نموذجين او ثلاثة , اعتقد انا اتردبت ع نموذجين العام وكانوا مررررررره قديمين لدرجة فيهم اشياء انحذفت على وقتنا
بس الاهم ف الماث انك تكوني فاهمه كل شابتر و حاله الاكسرسايزز نهاية كل شابتر و كمان متدربة ع الامثلة المحلولة
لو سويتي كذا انتي في السليم ان شاء الله
^_^

[دانه الكويسه]

اي صح النماذج تشكك بس نموذجكم حق العام هو نفس المنهج عشان كذا مالقيت غيره

يعني الكتاب و الورك شوب كفايه مع نموذج ؟

و شكرا لك

[Sona12]

مين منسقات السنه دي خطة ب ليلى الحربي يقولو م بتدرس110 دي السنه صح ؟
كمان ممكن اسأل عن الإحصاء كيف نذاكر شابتر 2 الدرس 3😥😰
وبالنسبة للأنقلش انا ليفل 2 ليفل سهل وحلو بس أستاذتنا صراحه مدري كيف تشرح خطا تتنح يعني معتمدين ع فهمنا ايام المدرسه أبغى اسأل عن الإرايتنق النهائي كيف يبكون وايش الجوب اللي ممكن تجي ومعانا إيميل كمان ؟ وشكرا 😊

[asma.]

المشاركة الأصلية كتبت بواسطة Sona12 مين منسقات السنه دي خطة ب ليلى الحربي يقولو م بتدرس110 دي السنه صح ؟ كمان ممكن اسأل عن الإحصاء كيف نذاكر شابتر 2 الدرس 3😥😰 وبالنسبة للأنقلش انا ليفل 2 ليفل سهل وحلو بس أستاذتنا صراحه مدري كيف تشرح خطا تتنح يعني معتمدين ع فهمنا ايام المدرسه أبغى اسأل عن الإرايتنق النهائي كيف يبكون وايش الجوب اللي ممكن تجي ومعانا إيميل كمان ؟ وشكرا 😊

الاحصاء ثاني شابتر اليوم ذاكرتو و كنت مرا مستصعبتو ما وصلت لاخر درس بس احس اغلبو فهم و دورت كثير الين لقيت الشرح هذا الرابط فيه كذا محاضرة و فهمت من شرح الاستاذ و مرا اسهل من ما اتوقعت


http://www.youtube.com/channel/UCZqM...B5%D8%A7%D8%A1

بس انتبهي في اشياء شرحها مو معانا خلي سلايداتك قدامك

[أُنـثــﮯ مـــلآئـكيـة]

دانة ايوة كفاية الكتاب بكل مافيه + الوورك شوب ونموذج واحد برضه كفاية ^
سونا انا كتبت في هذا القروب عن شابتر 2 كل الاشياء المهمة وكيف تجي الاسئلة ع كل صفحة
فلازم يكون عندك الكتاب عشان تفهميه صح لأن هذا الشابتر ماينفع يتذاكر من غير كتاب حتى لو نسخة الكترونية
انا أشرت وحددت الاشياء المهمة وشرحتها وكتبت افكار اسئلة عليها
بالنسبة للانقلش
ذاكري الكتاب فقط لا غير وممكن الاستعانة بيوتيوب عشان القرامر لو عندك مشاكل فيه
ذاكري كل كلمة ما يجي شيء من برا الكتاب
الكلمات يعطوكم ياها معهد اللغة ينزلوها في موقعهم لكل شابتر كلمات ترجميها واحفظي معانيها
فحطي جهدك في الكتاب حتى لو شرح استاذتك مو كويس ترا مو محتاج شرح الانجلش لغة سهلة بس تحتاج جهد ووقت
الرايتنق الفاينل يعطوكم مواضيع تتدربوا عليها قبل الفاينل و توروها اساتذتكم ويعلموكم باخطائكم النحوية و الاملائية عشان ما تغلطوا بعدين وقت الاختبار
وبس يجي الاختبار يختاروا موضوع عشوائي من كل المواضيع الي درستوها من بداية الليفل لنهايته
وممكن تتحايلوا ع الاستاذة تساعدكم ف اكثر المواضيع احتمالية انها تجي عشان تتدربوا عليها و تشوفوا برقرافات عنها في النت وتتعلموا كلمات عنها
وبس سهل ان شاء الله

[بحوور!]

السلام عليكم ورحمة الله وبركاته

هل يوجد أحد يعرف أين حل اسئلة كتاب لغة الانجليزية 101 ؟

كما تعلمون أن استاذ المادة يعطي درجات على مشاركة و بعض الطلبة يكون محضر الدرس و حال الاسئلة

وهناك من يجد صعوبة في لغة الانجليزية و الاختبارات الاسبوع القادم لذلك أرجو منكم الفائدة

و جزا كم الله خير

[Somaiah Yousef]

المشاركة الأصلية كتبت بواسطة بحوور! السلام عليكم ورحمة الله وبركاته هل يوجد أحد يعرف أين حل اسئلة كتاب لغة الانجليزية 101 ؟ كما تعلمون أن استاذ المادة يعطي درجات على مشاركة و بعض الطلبة يكون محضر الدرس و حال الاسئلة وهناك من يجد صعوبة في لغة الانجليزية و الاختبارات الاسبوع القادم لذلك أرجو منكم الفائدة و جزا كم الله خير

وعليكم السلام ورحمة الله وبركاته

لو بحثت في النت بتلاقي

لو ماحليت بنفسك ماراح تتخلص من هذي الصعوبة

بالتوفيق