--(( هنا قروب الأدارة العامة - مسار عام - وكل ما يخصه من ملخصات وغيرها ))--

[منتسب جديد 99]

ياصباح الخير لاهل العلم والمعرفه حبيت اسلم عليكم فقط واقول الله الله في الملخصات الي عنده جديد يقول لنا


تحيااااااااااااااااااااااااااتي لكم

[ابن مجيول]

السلام عليكم ورحمه الله وبركاته ،،،

ابشركم ياشباب نزل الجدول الدراسي وهو موجود في الاوديوس

حبيت ابشركم

وعسى الله يوفقنا واياكم

[اليخآندرو]

اسعد الله اوقآتكم

كيف الحال ..~

اخواني : ماده الاحصآء للتخصصات النظريه؟ سهله ولا كيف وضعهاا

[ابو:اصيل]

ياشباب احد عنده اخبار عن الحذف والاضافه
لأني والله على عجله من امري اريد حذف الانجليزي 102 لانها سببت لي هستيريا كل مارحت مكان اشوفها قدامي
كنت والله مبسوط من نزول الجدول وعندما اردت ان استمتع بتصفح الجدول جيداً اشاهد 102 متربع في صدر الجدول
وحاله يقول وراك وراك والزمن طويل ههههههههههههههههه

[الحميداني]

يااخوان اللي عنده خبره انا نزل جدولي فيه 14 بس ومعدلي 2.21 هل اقدر اضيف ساعتين

او ثلاث يعني يصير 16 او 17 ساعه والانقليزي 102 اقدر احذفه وابدلها مبادئ العلوم السياسيه

ارجوكم افيدوني وافيدوا اللي نفس حالتي لااحد يتركنا كذا وفقكم الله

[رقيق إحساس]

المشاركة الأصلية كتبت بواسطة الحميداني يااخوان اللي عنده خبره انا نزل جدولي فيه 14 بس ومعدلي 2.21 هل اقدر اضيف ساعتين او ثلاث يعني يصير 16 او 17 ساعه والانقليزي 102 اقدر احذفه وابدلها مبادئ العلوم السياسيه ارجوكم افيدوني وافيدوا اللي نفس حالتي لااحد يتركنا كذا وفقكم الله

أخوي الحميداني ...

تقدر تضيف بس انتظر حتى تنزل أيقونة الحذف والإضافة
لكن دام معدلك نازل كذا فأنا أنصحك بأخذ 14 ساعة حتى ترفع
معدلك ، وبالنسبة للإنجليزي تقدر تحذفه لكن حينشب بحلقك بعدين
لكن أحذفه وخذ مادة نظرية وركز على الكتب وأترك الملخصات لأنها
هي السبب في نزول المعدلات عند الشباب .
مع تمنياتي لك بالتوفيق

[سعودسالم]

المشاركة الأصلية كتبت بواسطة ابو:اصيل ياشباب احد عنده اخبار عن الحذف والاضافه لأني والله على عجله من امري اريد حذف الانجليزي 102 لانها سببت لي هستيريا كل مارحت مكان اشوفها قدامي كنت والله مبسوط من نزول الجدول وعندما اردت ان استمتع بتصفح الجدول جيداً اشاهد 102 متربع في صدر الجدول وحاله يقول وراك وراك والزمن طويل ههههههههههههههههه

هههههههههههههههههه الله يعينك بلمثل يقولون وينك عن المبغض قال قدام عيوني
ابو اصيل

عندك ايقونة الحذف جرب

وحسب ماعندي اقول ان المواد المحموله ملزم فيهن ولا تقدر تحذفهن او يبدلهن زي مايقولون

ذكرى من ريحة الماضي المؤلمه

اقول ابو اصيل الله يعيننا عليهن

دمت بود

[سعودسالم]

المشاركة الأصلية كتبت بواسطة بنت الوزير انا ماشفت ردود الا صفحه الاولى بس لكن اخواني واخواتي حبيت اللفت انتاهكم الى شي في التخصص الفرق بين المسار العام والتطوير والتنظيم الأداري في المواد الحره المسار العام المواد الحره تشمل مواد المسارين التظيم والتطوير والاداره الصحيه

بنت الوزير
شكرا للمعلومات الطيبه

جزاك الله خير

[الحميداني]

بارك الله فيك اخي رقيق الاحساس على هذه المعلومه والله اني على اعصابي

ياخوك انا ودي ارفع المعدل وابي اشيل الانقليزي 102 وان شاء الله راح انزل

17 او 18 ساعه بس بااذن الله ويكون عندي الماده العلميه فقط مبادئ محاسبه

والباقي نظري والله يوفق الجميع

[عبدالله البقمي]

المشاركة الأصلية كتبت بواسطة تركي المصلوخي سلام الله عليكم ياشباب وبالتوفيق إن شاء الله حبيت أسأل عن الدوره التأهيليه ومتى التسجيل فيها ؟؟؟ ياليت أحد يفيدني لأني ناوي أحضرها إذا الله سهل ومشت أمور العمل دمتم بخير وجمعه مبااااركه

اخي تركي

حياك الله وبياك

عن الدورة التأهلية الى الآن لم أجد لها تاريخ محدد معلن عنه

واذا نزلت الدورة التأهيلية تنزل أيقونة التسجيل في نظام الأودوس

وبأذن الله اذا نزل إعلان لها

سوف ننوه لذلك في الموضوع

نتشرف بمتابعتك

تحياتي