هل تؤيد-تؤيدين العمل في بيئة مختلطة؟

[Dr.SaRa]

انا في بيئة مختلطة

باتعامل مع مرضى رجال وزملاء ودكاتره

المحترم محترم في اي مكان سواء رجل او امرأة

واي واحد او وحده تشتغل في مكان مختلط لازم يكون عنده فكرة عن ثقافة الاختلاط ويعرف كيف يتعامل مع الي حواليه

وباشوف موظفات استقبال وسكرتيرات سعوديات اخلاقهم جدا عالية

وما احد يقدر يتكلم عليهم واتمنى انهم يشيلوا كل السكرتيرات الفلبينيات في المستشفى ويحطوا سعوديات

وعلى فكرة في موظفات امن في المستشفى وبيشتغلوا عادي مع موظفين الامن وبرضه محترمات

يعني لو الطرفين بيتعاملوا على اساس انهم اخوان في الاسلام ما اعتقد حيكون فيه مشاكل ولا نسمع عن ناس تاخد اجازة في رمضان عشان تصوم !!!

[شــفــافـــة]

المشاركة الأصلية كتبت بواسطة كريستيانو شفافة ترضين تكوني سكرتيرة عند رجل او تكوني موظفة استقبال بين اثنين من الشباب

أعتقد انو التصويت يوضح لك وجهة نظري
روح شوف تحت خيار (لامانع عندي من العمل في بيئة مختلطة)
وتلاقي اسمي من ضمن المصوتين


عموماً أنا لاجيت اشتغل ماأسأل في اثنين شباب معايا ولا لاء؟!
هالشي مايهمني

وبعدين تفرق إذا كنت انا بينهم في النص ولاهمّ في أقصى اليسار
وأنا في أقصى اليمين

المحترمة تفرض احترامها ع الجميع حتى لو كانوا اثنين شباب في الرسبشن

سبق وقالها الأخ طموح
البنت ماتحتاج وظيفة عشان تتعرف وتشبك وترقم وكل الأشياء
الي قالك عليها صاحبك المحترم
الي تبغى تسوي كذا بالراحة يمديها من بيتها

وعشان تكون فكرتك واضحة ياكريستاينو ومقنعة
ابتعد عن الشخصنة
احنا نناقش فكرة هنا مانناقش وضعي أنا

[شــفــافـــة]

وإبداء نظرة سموه مو مثل أبداء نظرتك ( فهو يتحدث من موقع مسئوليه ونظرته توجيه ) واللبيب بالإشارة ...
وانو يتهم رجال كثير في البلد بعدم الرجولة ماهي حكمة
روحي قولي الكلام هذا له مو لنا
لأنو عدم جواز الاختلاط انلغى من شروط عمل المرأة
عندك خبر؟
ليه من لفاه آسف غير مطلع لمثل هذه الأخبار

إبداء وجهة نظر سموه لايعتبر أكثر من وجهة نظر
لأنو سبق حزم هذا الأمر من قبل أمير منطقة مكة المكرمة خالد الفيصل
لما ألغى بند عدم جواز الاختلاط من شروط عمل المرأة

انت تشوف نظرتو توجيه ,, معناتو في تضارب بين التوجيه
والأوامر والأولى اتباع الأوامر
واللبيب ..... الخ


وبعدين كلامي (وانو يتهم رجال كثير في البلد بعدم الرجولة ماهي حكمة)
ماكان موجّه لك عشان تقول عبارتك المأثورة
روحي قولي الكلام هذا له مو لنا
كلامي كان موجه لمن استشهد بحديثه ليؤكد حجته
فكان ردي عليه من نفس السياق

(((ليه من لفاه))) آسف غير مطلع لمثل هذه الأخبار
^
الجملة الأخيرة مافهمتها بس حسيت انه الخبر لم يصلك بعد
لذلك تستطيع البحث عن الخبر في قوقل

وشكراً :)

[MISS EZ3AG]

طيب ليش مايكون لا مانع إن اضطررت لذلك
خخخخخخ هذا تصويت جديد من عندي

[never hide]

المشاركة الأصلية كتبت بواسطة نص دافوره ممكن اوافق على الاختلاط بس في مجاال معين فقط زي المستشفى لاني كنت حقدم على الطب بس ماحصلش غييير كذا لا في شركاات في جرااايد صحفيه سكرتيه مندوبة تسويق في شركه لا ودااايم نشوف مصااايب زي هذي الشغلات يعني اختلاط ممكن بس في الضروراااات

و انا نفس الرأي يا اما دكتورة طبيبة او لا

اما رسبشن و مختبر احس مره مالو داعي

شوفو ترا و الله الاختلاط لا يخلو من المفاسد

البعض راح يقول البنت لو مححبة و محترمة خلاص مو مشكلة

لكن فيييين تلاقي محجبة حجاب صحيح

صحيح انو فيه بنات محترماات لكن الامر لا يخلو من المضايقات من الجنس الآخر

و اسألو مجرب و الله انا كنت في البدايةعادي لكن لما جربت شفت ان الوضع لا يطاق ابدا

[الإمبراطورة]

المشاركة الأصلية كتبت بواسطة شــفــافـــة راجعي ردي السابق وشوفي المثال الي أوردته ( إذا صارتلك حالة طواريء أو احد أفراد عائلتك من النساء) -بعيد الشر- الوالد راح يدوّر أقرب مستشفى ولا يدوّر المستشفى النسائي؟ والي يؤيدوا بإصرار على قولتك لأنو تخصصاتهم ماتتيح لهم مجال إلا يكون اختلاط ,, أو يؤيدوا من منظور تجربتهم الشخصية زي مو من حق البعض الرفض بإصرار لأنهم يشوفوا الاختلاط سيء من حق المؤيد بإصرار يصر على رآيه لأنو يشوف رآيه سليم مافي مجال للاستنكار ,, هيّ مجرد آراء شخصية شكراً لك :)

عزيزتي بِدونْ فرضآ ومثلآ..
لأنه مُستحيل يكونْ في مُستشفى نسآئي ومُستشفى رجآلي..
وعمره مآ كآنْ ولآ حـ يكونْ.,,
المُجتمع تجآوز مسألة الإختلآط (خآصةً في المُستشفيآت) وأعتقد أنه صآر عآدي عند الكُل..>

وأي فتآة يرفض ولي أمرهآ عملهآ بسبب الإختلآط.. تقدر تحل الإشكآلية
بالتفآهم وزرع الثقة فيهم..
يعني المسألة لآ تتعدى إلآ أنْ تكونْ عآئلية..
ومآ صآرتْ تعمّ المُجتمع السُعودي بأكمله..

أتمنى إنك تنآقشينْ هذه النُقطة.. لأنْ الجدآل إلى الآنْ عقيم.. كُله تأييد أو مُعآرضة
وبهذه الطريقة مآ حـ نوصل لفآئدة تُرجى..

دُمتم سآلمين..
(:

[LazoOord]

أرفض أن أعمل في بيئة مختلطة إلا إن اضطررت لذلك

[روووني]

المشاركة الأصلية كتبت بواسطة شــفــافـــة مو صحيح نسبة الأمان أقل في البنوك ,, انا ماجربت بس داه اللي سمعتو الشركات ماأدري ولو كانت شركات كبيرة ومعروفة حتكون آمنة أولاً الشركة نفسها حتحميك عشان سمعتها ممكن صح كلامك وثانياً البلد فيها قانون يحميك وثالثاُ انتي قلتيها (اللي متربيه احسن تربيه ومؤدبه ومحافظه على حجابها ربي يحفظها ويصونها ومأحد يقدر يرفع عينو في عينها) ورابعاً الي يروح يشتغل يكون كل همّو يكون عضو منتج ويواكب ركب المنافسة عشان كذا كل واحد تلاقيه يحافظ على سمعتو بين زملاءه وكل مازاد انتاجو وسمعتو كانت كويسة كل ماكسب ثقة مديرو وضمن ترقيات وزيادة راتب يعني الشغل ,, شغل وبس وما عمري سمعت بإعتداءات صارت في بيئة عمل! والفكرة الي ماخذينها عن السكرتيرة من المسلسلات انها تتهزأ ع الطالعة والنازلة وكل شوية داخلة على مديرها بكوب شاي ولا قهوة أبداً مو صحيحة<<اتمنى كدا وانتي مهما بلغتي من العلم لابد من انه في الي يكون أعلى منك تقولي ماتحبي أحد يؤمرك ,, طيب والاستاذة في الجامعة مابتأمرك بمشروع ولا واجب ولا امتحان وفي استاذات كمان يصرخوا وهم قلة قليلة وحالات شاذة ماينفع نعمم عليها ونقول كل استاذات الجامعة كذا

وجهه نظر رائعه وافكر فيها
وثانكس اقين على الموضوع

[شــفــافـــة]

المشاركة الأصلية كتبت بواسطة الإمبراطورة عزيزتي بِدونْ فرضآ ومثلآ.. لأنه مُستحيل يكونْ في مُستشفى نسآئي ومُستشفى رجآلي.. وعمره مآ كآنْ ولآ حـ يكونْ.,, المُجتمع تجآوز مسألة الإختلآط (خآصةً في المُستشفيآت) وأعتقد أنه صآر عآدي عند الكُل..>

هذا الي أبغى أقوله من بدري ..
رداً على سؤالك ليش في ناس تؤيد بإصرار

شكراً لكِ كثيراً امبراطورة :)
أسعدني تواجدك ومشاركتك

[soma al7elwa]

^^^

هوا دا

يعني أي انسان طبيعي عندو عقل يفكر بيه وعقلو دا متحرر من العادات والتقاليد "الجميلة والمتطورة"

بس يفكر يروح مستشفى ماراح يهمو هو حيتعالج عند رجل أو امرأة
مسلم أو كافر
ملتزم أو غير ملتزم
اذا كانت طبيبة مسلمة ما راح يفكرمحجبة أو غير محجبة

راح يفكر إنو ايش شهادته؟
قد ايش خبرته؟
كيف أسلوب تعامله؟
عندو ضمير أو لا
ايش سمعته بين المريضين اللي اتعالجوا عنده على اساس تعامله
وزي كدا

تصور بالله اروح عند دكتور يقولي لا معليه ما أعالج غير رجال!!
ولا أكون أنا دكتورة وعندي شهادات وخيرة ويجيني مريض أقولو لا اطلع برا ممنوع أعالج غيرنساء بس!

يعني منجد لازم نرقى شوية

العلاقة بين الجنسين مومجرد علاقة جنسية وبس

الى متى واحنا نفكر كدا؟؟

طول ما احنا نفكر كدا راح يصيروا الشباب يفكروا كدا

ما قلنا الدنيا سايبة

في قوانين في ادارة في مليون شي يحمي البنت والشاب على حد سواء

مانقول مافي بنات وشباب أخلاقهم وأفعالهم موكويسة

أخلاقهم وأفعالهم مو لبسهم ومنظرهم

لكن دا الشي ما يتعمم على كل العاملين في مجال الاختلاط

والشاب والبنت دول لوماكانوا يعملوا في مكان اختلاط كان نفس الشي حيصير سواء عن الطريق السوق أو السوبرماركت او الشارع أو أي مكان

ليش ملصقينها فالعمل؟

الطيب والخبيث موجودين فكل مكان مو بس فالعمل

ممكن تكون في مستشفى ولا اتنين ولا تلاتةولاحتى عشرة مستشفيات نسائية

لكن زي ما قالت امبراطورتنا الغالية وأكدت عليها شفافة مستحيل تكون المستشفيات كلها مقسمة لمستشفى نسائي ومستشفى رجال لأنو شي ما يدخل العقل!