أين المسؤولين من تربية فتيات الجامعات ؟!

[سكووت]

لا الاخ غلط !! لانو مافي فرق بين عربي واعجمي الا بالتقوى
واذا نسبة الاجانب كبيرة ماحد مجبور يقلدهم ويعمل نفسهم ..وهم ماجاو وضربو الناس على يدهم وقالو الا بالغصب
قلدونا واتبعو عاداتنا..كل انسان حر بتصرفاتهم عشان كدا بليز لا تلومو الاجانب لانو مالهم دخل بالموضوع ..

[wallo]

^^^^

هوا ماقاااال الاجاانب غلط وما غلط !

هوا قال بتشوفو الاشكال دي لانو جده مليااااااااااااااااااااااااااااااااااااااااااااااا اااااااااااانه اجاانب يعني هما عاداتهم كذا وطريقتهم في الحجاب مختلفة عننا مو انو هما فيهم شي او لا ؟؟؟

وماحد قلدهم وولااا حاجه لانو جده اغلبها اجانب ((سوريين لبنانيين مصارية ....الخ يعني لا تعابطو وتقولو لاااااا هوا غلطان روحو الردسي وشووفو الخشش اللي هناك بتلاقوها في الرياض ولا في مكان تاني؟ لااااااااااااا عشان هيك لا تزعلو من كلاامو هوا قال انو جده multicultural city بس ماعرف كيف يقولها بطريقة صح وهاذي الكلمة قالتها لنا استااذة اسمها رباب مصرية في الجامعه يعني جده عباااره عن مديينه متعددة الاجناس والاشكاال والمعتقداات ...

يعني اكيد الاشكال وطريقة الحجاب بنكوون فيها مختلفين عن بعض وخلاص انتهينا ..

[سكووت]

انا رحت المملكة والفيصلية نفس الخشش اللي بالرد سي مول ونفس العبايات الملونة
وكمان حياة مول بس جربي تروحيه في الصباح كل البنات مهبقين من الاكاديمية الصحية وفاتحين الشعر وباللاب كوت يعني مافي فرق..بالاضافة انو بجده نسبة كبيرة مره من اهل الجنوووب والشمال مو بس اجانب تقريبا النسبة متساوية بينهم ..وبس هيك قصدي يعني لا اكثر ولا اقل

انتي تخوفي اذا رديتي احس ودك تهجمي

[منتسبة !!]

صح كلامك ياسكوت..

يا wallo
هوا شوفي كلامه كيف بيقول انها مدينه اجنبيه بأرض سعوديه ودخل الاهل والتربيه !!
ماقال في جنسيات متعدده زي ما بتقولي انتي
وبعدين حتى كل منطقه فيها مصايب بالعكس المخنوقيين والمتشددين ينفجرو ويسوو اكتر مننا

[عزي شموووخي]

لسسساتكم ما خلصتووووو كلاااام وهووواش ..

للمرة الثانية أقولها بردي الثاني ع هالموضوع ( يقولون إن مجتمعنا السعودي بجماعاته وأفراده أصبح مجتمع واعي لايجهل ويناقش بمنطق )

لكن للأسف لليوم وبكراااا وبعدهـ ....إلخ ماراح نتفق ع كلمة تحسسنا إننا مجتمع متماسك وقصدي هنا بمناطقه بما أن المنطقة الغربيه داخل الحدووود السعوديه وإلا ايش رااايكم ...؟

وأخونااا الله يهديه ويهدينا أسلوبه بالكتابه غير لائق ولهذه اللحظة أستغرب وجود طالب أو طالبة.. جامعي ومثقف ووواعي يقول هالكلام ويكتبه حتى لووو كان يخاف ويغار على أعراض المسلمين !!!

بالنسبة للبنات الي يقولوا دكتورة مصرية قالت ومن كتابتهم ناسين ايش قالت!!!!

أوضحلكم وتوضيحي من المهم أنه يكون رااااسخ لمدى العمر، بما أن المنطقة الغربية توجد فيها الكعبة المشرفة بمدينة مكة المكرمة وكماااان الحرم النبوووي بالمدينة المنووورة ،،، نفهم من كذا أنها تستقبل زوووار ومعتمرين وحجاج بيت الله ومنهم من يجلس من وقت العمرة برمضان إلى شهر الحج وبعدين يسافر شوفوا الفترة ... وشرف لنا خدمتهم وخدمة عباد الرحماااان.

لاحظوووا كلمة (زواااار) يعني ساااائحين وأكيد حيكونوووا أجانب بما أن مدينة جدة تعتبر مدينة من مدن العالم السياحية..

وعلى فكرة كثرة الاجااانب عندنا بسبب تخلفهم بعد الحج والعمرة والشي ذااا مو مشكلتنا مشكلة الجوووازاات الي مطنشه .. عجب عجااااب!

والمشكلة وجودهم ووواضح بكثرة والسؤال وينهم الجوازات ؟؟؟


لي الشرف قبيلي لكن جذوري جداوووويه ودمي أزرق من بحرهاااا .. ايش ذااا شعر

على العموم من راقب الناس مات هماً وكلن له عيوب وحسنات،، وبرضوووو جدة غير

[سكووت]

خخخخخخخخخخ احسك انصدمت لمن دخلت وشفت النقاش مازال حامي ويغلي هع هع
بس احس دي طبيعه العرب نحب نهرج ونتناقش ^-^ وارائنا تختلف وبالاخير الشي اللي تناقشنا فيه يصير طي النسيااان ولا كيييف ..
وفيفا جده وفيفا الهلال وفيفا السعودية

[روووني]

انا ماادري ايشبكم على مجتمع جده ومجتمع مهجن ومانعارفه ايه من الكلام اللي يدل على التربيه الرائعه اللي يتمتع بيها

صاحب الكلمه الراقيه دي انا معاكم انو مليانه اجانب وانهم دخلو عادات وتقاليد جديده بس انتو لاتسيرو امعه تسوو زيهم

وبعدين تسبوهم وتقولو خربونا وترا (المهجنين) اللي مو عاجبينكم لهم فوايد ولو تقرو الجرايد وتشوفوالبرامج حتعرفو مين اللي بنى جده وبعض مدن المملكه؟؟

وترا حتى بنات القبايل لهم مشاكل ياكترها يعني لاتجو تسبو بنات جده (المهجنين)وتسيبو القبايل وعلى الاقل دول

يااما كشفوا وجيههم يااما عملو حاجات تضرهم لحالهم ماتضر معاهم الناس التانيه اما بنات القبايل الرفيعه انتو تشوفوهم في الجامعه صح ولا لا ؟ ولااحد ينكر انو اغلب البويات بنات قبايل ولاانا غلطانه وانتو عارفين انهم يسوو حركات استغفر الله العظيم ودي حركاتهم تهز عرش الرحمن اما كشف الوجه زيو زي اي ذنب بسيط هدا لو ماحسبنا انو اغلب المذاهب اباحتو ومااعتبرتو ذنب او اثم وحتى بنات القبايل يكشفو وجههم وعلى الاقل بنات (المهجنين )عاداتهم كدا مو زي بنات القبايل اللي اصلا عاداتهم عكس كدا يعني انهم معه مجرد مقلدين لااكثر ولااقل

انا لاني مع بنات جده على قولكم ولاانا مع القبايل لكن الحق حق وهدي نظرتي وهدا اللي انا اشوفو وصراحه انا استغرب انكم مع الرجال في الكلمه السيئه دي يعني لوجاب كلمه مؤدبه حكون معاه لكن الكلمه دي صراحه مرره تدل على تربيتو

[سكووت]

^^^

روني قلبو اشبك جيتي تكحليها عميتيها ..

مانلوم بنات قبايل ولا نلوم بنات جده ومافي فرق بيننا
كلنا اولا واخيرا بشر صفاتنا زي بعض ناكل زي بعض ونشرب زي بعض ..

في بنات قبايل يغلطو وفي بنات جداويات يغلطو (مافي احد معصوم من الخطأ) انا سكووت عندي اخطائي وكل شخص وشخصة هع عندهم اخطائهم ويكذب اللي يقول غير كدا
واولا واخيرا مافي انسان كامل مهما كان منصبو ودرجة تعليمو ...
والاهم من كدا انو لو شفنا شي غلط مانقلدو بغض النظر صدر عن مين ..

وبعدين اذا في كم بنت قاصة شعرها بوي وتلبس بوي وكانت سواء حضرية او قبيلية مو شرط انها ليزبيان او غيرو ترا دحين الموضة الشعر القصير و ملابس الهيب هوب والواسعه
يعني بلاش نحكم عالناس بسبب المظاهر او النسب مادمنا كلنا نسجد نعبد الله خالقنا...

[روان الغامدي]

اما بنات القبايل الرفيعه انتو تشوفوهم في الجامعه صح ولا لا ؟ ولااحد ينكر انو اغلب البويات بنات قبايل ولاانا غلطانه وانتو عارفين انهم يسوو حركات استغفر الله العظيم ودي حركاتهم تهز عرش الرحمن اما كشف الوجه زيو زي اي ذنب بسيط هدا لو ماحسبنا انو اغلب المذاهب اباحتو ومااعتبرتو ذنب او اثم وحتى بنات القبايل يكشفو وجههم وعلى الاقل بنات (المهجنين )عاداتهم كدا مو زي بنات القبايل اللي اصلا عاداتهم عكس كدا يعني انهم معه مجرد مقلدين لااكثر ولااقل

روني شكلك سميتي بس أنا ينادوني رونا

الله يهديك ياقمرر أستفزتني هالجزئيه من ردك فأضطرتني أكتب رغم إني كنت متابعه صامته ماعدا رد قبل دا فضلت الاختصار فيه إنطلاقا من المقوله - خير الكلام ماقل ودل -

الحجاب للستر مو للزينه .. وربي يهدينا ويهدي كل بنات المسلمين لما يحب ويرضااه

يعني شو بويات هم أغلبهم من بنات القبايل .......؟؟؟؟؟؟؟؟

إدا بأرد عليكي بنفس ما إنتي كاتبه.. بأقولك تعالي السلامه وشوفي إيش يطلعو البويات اللي عندنا

لكن ردي لك هوا إنو كلنا بنات القبايل ولا غيرهم أهلنا ماقصرو في تربيتنا

في مننا بنات كويسات وفي بنات مش كدا

فيهم ذرة الخير أكيد بس بعض الصفات تكون مكتسبه من الصديقات وفيه القليد الأعمى كلها شغلات وارده بين البنات

بغض النظر عن أصولهم صح ولا..........؟ ما نقول غير ربي يهديهم ويثبتنا




آخر كلامي للجميع

الله يسعدكم لاتخرجو من الموضوع الاساسي للنقاش إذا إنكم بتجيبو العيد

عشان أنرفع ضغطي من بعض الردود وبعض طرق التفكير اللي انصدمت إنها تطلع من طالبات جامعيات

درسو الكتاب والسنه والشريعه ماده بحالها درسوها في الجامعه

دا غير الثقافه العامه .. يعني نفسي أعرف دا كله فين رااح

[حــطــمـــ"yaQLBe"ــوكـ]

الصراحه مالك دخل روحي خذي محاظراتك وانتي ساكته انا لو اشوف وحده تصور صحبتها مابروح اقولها لا تصوري اكيد صحبتها عندها لسان لو ماتبغا تتصور..

واذا على الحجاب مو بس في الجامعه شكلك ماشفتي شي ..الله يعينك
..ولما تطالعي في في احد حطي في راسك شي واحد انك ماتقدري تحكمي عليه من برا