تجمع الحاسوبيين والحاسوبيات دفعة 13

[mr.khaliid]

ياعيااال انا االجدول مانزلي ايش الهرجة .. وللعلم انا في فرع الشمال .. والحذف واﻻضافه يجيني مربعات فاضيه .. ﻻ يكون رااحت علي :(

[mr.khaliid]

وكمان كل ماجيت اشوف الجدول يقولي انك غير مسجل في الفصل الدرااسي .. انا بانتحر من ذي الجمله .. كيف اسجل طيب .. الله يصبرنا عليهم ( :

[شذى منصور]

المشاركة الأصلية كتبت بواسطة الرٌواء السلام عليكم يابنات نزلت لكم جداولكم ولا مثلي ؟ انا مانزل لي شي يعني زينا زي الاولاد احنا نسويها ولا هم بيحطوها تلقائي ارجو الرد ياجميلات

انا بفرع السليمانية و نزل جدولي

[NormaPhantomhive]

أنا نزلي جدولي حمدلله
مع الوقت والشعب،
فيه إمكانية أغير فيهم ؟

[سح ـآبه]

بنات انا في الفيصلية لسى مانززززل جدولي أنتو اي فرع الي نزلهم الجدول يا بنات

[رنا السلمي]

السلام عليكم
ممكن تساعدوني
انا نزلي الجدول وناسبتني المواعيد الي منزليها
لكن ماعرف اسماء الدكاتره كلها مو محدده
كيف اختار شعب معينه عند اساتذه معينين
افيدوني الله يجزاكم خير

[TRNOSHA7]

المشاركة الأصلية كتبت بواسطة mr.khaliid ياعيااال انا االجدول مانزلي ايش الهرجة .. وللعلم انا في فرع الشمال .. والحذف واﻻضافه يجيني مربعات فاضيه .. ﻻ يكون رااحت علي :(

أخوي المربعات الفاضية جنب بعض عادي تحط فيها رقم الشعبة اللي تبغاها
فيه تحتها ( البحث عن الشعب الدراسية )
تضغط عليه وتختار رمز المادة
وتكتب رقمها
وتختار الفرع
وبعدها تبحث

تطلع لك الشعب كلها , حط علامة صح جنب الشعبة اللي تبغاها
بعدين تضغط على اضافة الى ورقة العمل
بعدين اذا اضفت كل موادك الحمد لله
تضغط على تنفيذ وبس ..
^
ازا كان قصدك ده حسب اللي فهمتو منك :(

بس عمومًا الحذف والاضافة قفل
وحيفتح تاني قبل الدراسة باسبوع بإذن الله

[TRNOSHA7]

المشاركة الأصلية كتبت بواسطة سح ـآبه بنات انا في الفيصلية لسى مانززززل جدولي أنتو اي فرع الي نزلهم الجدول يا بنات

فرع السليمانية

[TRNOSHA7]

المشاركة الأصلية كتبت بواسطة normaphantomhive أنا نزلي جدولي حمدلله مع الوقت والشعب، فيه إمكانية أغير فيهم ؟

ايوا فيه امكانية
بس عمومًا كلية الحاسبات حطت تقريبًا كل 49 طالبة في خطة دراسية معينة
يعني لما تجي تحذفي مادة وتحطي نفس المادة بس شعبة تانية تضطري تحذفي المواد كلها
زي ما صار معايا بس قفلت الشعب وما امداني :(

والحذف والاضافة قفل دحين وحيفتح تاني قبل الدراسة باسبوع واحتمال يوسعوا الشعب ويفتحوا شعب تانية

[الرٌواء]

المشاركة الأصلية كتبت بواسطة trnosha7 ايوا فيه امكانية بس عمومًا كلية الحاسبات حطت تقريبًا كل 49 طالبة في خطة دراسية معينة يعني لما تجي تحذفي مادة وتحطي نفس المادة بس شعبة تانية تضطري تحذفي المواد كلها زي ما صار معايا بس قفلت الشعب وما امداني :( والحذف والاضافة قفل دحين وحيفتح تاني قبل الدراسة باسبوع واحتمال يوسعوا الشعب ويفتحوا شعب تانية

يااختي اش قصدك بكلمة حطت كل 49 بخطة دراسيه ؟


لان مانزلي جددول للحين ونا بالسليمانيه