حياكم هنا يا طلاب وطالبات ماجستير الحاسب

[اللمار]

المشاركة الأصلية كتبت بواسطة bint_jeddah جزاك الله خيررررررا لمار ماتقصري ..سؤال هل المفروض نسال المرشدين ونتواصل معاهم من باب رفع العتب ههههههههههه على ايش ناخذ مواد او لا :))))))

أهلا بنت جده

حلوة دي من باب رفع العتب

والله ليش لا؟ خلينا نرسلهم قبل ما يبدأ التسجيل يوم الأربعاء

بس افرضي بعد ما ارسلنا غيرنا رأينا وانتي عارفة اللي بيحصل في الحذف والاضافة ايش العمل نرسل ثاني؟

عموما أظن الأفضل ننتظر حتى نتأكد من أسماء الدكاترة

[itx005]

السلام عليكم

كل عام و الجميع بخير

متى اروح الجامعة عشان أسجل المواد التكميلية؟

[اللمار]

المشاركة الأصلية كتبت بواسطة itx005 السلام عليكم كل عام و الجميع بخير متى اروح الجامعة عشان أسجل المواد التكميلية؟

وانت بخير
والله ما عندي فكرة
أسأل الاستاذ عماد الحسن ممكن يفيدك

[bint_jeddah]

المشاركة الأصلية كتبت بواسطة اللمار أهلا بنت جده حلوة دي من باب رفع العتب والله ليش لا؟ خلينا نرسلهم قبل ما يبدأ التسجيل يوم الأربعاء بس افرضي بعد ما ارسلنا غيرنا رأينا وانتي عارفة اللي بيحصل في الحذف والاضافة ايش العمل نرسل ثاني؟ عموما أظن الأفضل ننتظر حتى نتأكد من أسماء الدكاترة

من جد وبننتظر وبننتظر .. الله يعين بجد مو قادره احدد اي قرار يارب يسرها لنا

[اللمار]

المشاركة الأصلية كتبت بواسطة bint_jeddah من جد وبننتظر وبننتظر .. الله يعين بجد مو قادره احدد اي قرار يارب يسرها لنا

أتوقع انه المفروض الآن تكون تحددت اسماء الدكاترة
يعني اليوم الاثنين
مو معقولة لو فيه دكتور بيدرس مقرر ومايكون عارف حتى الآن
عموما الأربعاء ليس ببعيد
والمفروض اذا فتح الحذف والاضافة لازم تكون اسماء الدكاترة محددة
على الأقل لدى البنين

[جوريـة]

موفقييييين يارب
تمنيت لأكون معاكم لكن ربي ماأراد
خاصة اني جاوبت في الاختبار
حابة أسأل هي فرصة وحدة في الاختبار ؟؟
لأني قرأت في أحد الردور اختبار الإعادة واستغربت
وسمعت انو أحيانا بتنزل على دفعات بس مافهمت على أي أساس
يارب السنة دي أنقبل
بليز ردوا

[اللمار]

المشاركة الأصلية كتبت بواسطة جوريـة موفقييييين يارب تمنيت لأكون معاكم لكن ربي ماأراد خاصة اني جاوبت في الاختبار حابة أسأل هي فرصة وحدة في الاختبار ؟؟ لأني قرأت في أحد الردور اختبار الإعادة واستغربت وسمعت انو أحيانا بتنزل على دفعات بس مافهمت على أي أساس يارب السنة دي أنقبل بليز ردوا

الاختبار ممكن تدخليه أكثر من مرة
في ناس دخلته 3 مرات وناس 5 مرات
مافي شئ يمنع
والله يسهل لك وتنقبلي المرة الجاية
ويمكن خيرة من ربنا لأن حيكون فيه تخصصات جديدة للماستر
غير علوم الحاسب
اهم شئ استعدي للإختبار كويس

[جوريـة]

أدخله أكثر من مرة في نفس السنة ؟؟؟

سوري ع الازعاج بس حابة أعرف
مدري ايش حسوي في نفسي ادا كدا

[اللمار]

المشاركة الأصلية كتبت بواسطة جوريـة أدخله أكثر من مرة في نفس السنة ؟؟؟ سوري ع الازعاج بس حابة أعرف مدري ايش حسوي في نفسي ادا كدا

الاختبار يعقد مرة واحده في السنة

[طالب علم111]

الدكتور راضي ماأقول فيه أي شئ

لاكن المادة هذه تخصص الدكتور فتحي فليش تنشال من الدكتور فتحي وتعطى لدكتور آخر ؟؟؟؟
ثم طلبنا مواد مانزلت هذه المواد التي طلبناها ؟؟؟؟
وتنزل مادة كمبيوتر أركتكشير ومحد طلبها ؟؟؟؟

مني عارفة آش هذا ؟؟؟
لاكن أقول حسبي الله ونعم الوكيل .... سهام اليل .....
وأحد يكلم المسؤولين .............. هذا ح ر ا م عليهم