تجمع بنات ادارة سكن ومؤسسات متجدد باذن الله

[Nano0osh]

سلام

كيفكم؟ إن شاء الله بخير

بنات حابه اسال عن شي دحين انا اول اسبوع من الجامعه ماابى احضر عارفه انو بدري على دا

السؤال بس عشان لازم احجز من دحين بسافر عالعيد وماراح كون اول اسبوع موجوده

<< تحكي قصة حياتها

ادا اول اسبوع لازم احضر راح اكنسل سفرتي وانطق لوحدي

وادا استاذات الكليه مايعطوا محاضرات مو جايه

طفشتكم

[Twix~}..]

^^

وعليكم السسسلام ..

أول اسبووووووع معروووف انو يكووون حووووسه الجداول فيهـ .. والدكتورات ما يعطو محاضرات وحتى لو جاات الدكتوره اكتر شي تسوي انها تعرف بنفسها وتعطيكي اسم الكتاب الي حيندرس .. اما انها تعطي محاااضرهـ ما اظن ..

انتي اذا سووويتي جدووولك وكل شي كان اوووكي معاكي سفرهـ موووفقه ياااارب وترجعيلنا بالسلامهـ .. بس اهمممم شي جدوووولك كيف حتسوووووي !!؟؟

ما تضمني انك تقدري تضيفي المواد الي تبغيها من النت لانو الشعب تتقفل واحيانا اصلا ما تفتح فلازم تروحي الجامعه عشان تضيفها .. صح الحذف والاضافه مفتوح اسبوعين مدري ثلاثه بس لو اكتفت الشعبه بالبنات مستحيل تآخذي الماده وغير كدا خلاص حتبدا المحاضرات تاني اسبوووع ..

فالشغله يا عسسسسل مو شغلة محاااضرات شغلة الجدول وحوستو ..

[Nano0osh]

سلام

كيفك تويكس ؟ ان شاء الله بخير

شكلي مررررررررررررره طفشتك بسألتي مكتوب انو في اختبار المهارات لقسم الاسكان وادارة المنزل

دا الاختبار يخص القسم دا ولا ؟

وشكرا

[Twix~}..]

^^

وعليكم السسسلام ياعسسسل ..

انا كويسسا الحمد الله ..

لا ياالبي عااتي ما طفشتيني ولا شي خوودي رآآحتكـ ..

دا الاختبار تبع مسار التصميم الداخلي ومو حق تخصصنا .. دا اختبار المهارات يخص بنات التصميم عشان على اساسو ينقلبو بالقسم او لا لا ..

العفووو :$

[ايسكريم توفي]

يسسسسسسسسسعد صباحكم
كيف الحال والاحوال
بليز عندي اسئلة والله يسعد اللي تجاوب عليها
اولا كم المعدل اللي راح انقبل فيه ادارة سكن اقل احتمال
وثانيا لو في مجال يتساهلون ويقبلون بنات في نفس الكلية موزونتهم اقل من 70
بليييييييييييز ردو أنا محتارة
الله يسعد اللي تجاوب على اسئلتي وتريحني يارب يرزقها الجنة

[Twix~}..]

يسسسسسسسسسعد صباحكم

ويسسسسسعدكـ صبآآحكـ ياقلبي ..

كيف الحال والاحوال

كويسسسين الحمد الله ..

بليز عندي اسئلة والله يسعد اللي تجاوب عليها

آمييين .. ويسسسعد الجميع يآآآرب ..

اولا كم المعدل اللي راح انقبل فيه ادارة سكن اقل احتمال

كلية الاقتصاد المنزلي تقبل البنات من 2.5 .. لكن آغلب التخصصات بالكلية تتطلب انو يكون المعدل 3 وفوق والاولويه للي معدلهم عاااالي .. يعني المعدل المطلوب بإدارة السكن 3 وفوق ..وطبعا إذا ما اكتفو من عدد البنات يآخذو آقل من معدل 3 ..

وثانيا لو في مجال يتساهلون ويقبلون بنات في نفس الكلية موزونتهم اقل من 70

دي ما اقدر آفيدك فيها لاني ما اعرف بصرآآحه إذا كان ممكن انهم يقبلو آقل من الـ70 او لا .. بس تقدري تسآلي الشؤؤن أو العمادهـ هما الي رآح فيدوكي .. بس انتي ما اتسكنتي ولا في كليه لحد الان ولا آآيش !!

بليييييييييييز ردو أنا محتارة

لآآآ تحتآآآري ياعسسسسل ربكـ كريم والله يسسسهل عليكي .. ويختآآآرلكـ الي في خير لكي ..

الله يسعد اللي تجاوب على اسئلتي وتريحني يارب يرزقها الجنة

آميييييين والجميع يآآآآرب .. موفقهـ يالبو .. :)

[ايسكريم توفي]

مررررررررررررررة شوكرا ياتويكس الله لا يحرمنا منك
إيوة انا الى الآن ماتسكنت لانه عندي صيفي
ونتائج التسكين مانزلت الى الآن ومدري متى بينزلوها
وأنا مررررررررررة أبغى إدارة سكن
دعوااااتكـ

[ايسكريم توفي]

معليش ياتويكس تعبناك معانا عندي سؤال ثاني ؟؟؟؟؟؟؟؟؟
في إدارة سكن راح يسوووون مقابلة بداية السنة !!!!
ولا بس تصميم داخلي ؟
ومشكورة مقدما

[ايسكريم توفي]

أوكي سووووووووووووووووري عندي سؤال ثالث <<< مهي قادرة تجممممع

عشان يكون الجواب مرة وحدة

أنا مرة نفسي إدارة سكن بس الشي اللي مخليني مترددة هو مجالات العمل الكل يقول ماله مستقبل

أبغى أسمع رأيكم يابنات إدارة سكن تكفون الفزعة لا تطنشوووني

[Sweeet]

والله يا ايسكريم توفي ماعندي جواب لأسئلتك

وأتمنى لك التوووووفيق

وإن شاء الله البنات يفيدونك