تجمع المقدمات على ماجستير علوم الأحياء + أسئلة المفاضلة لعام 1436/1437 هـ

[Bio-Nourah]

متى النتائج؟
والا لازم تطلع مع نتائج حقين الاختبار البديل ؟؟؟

[..microbiologist..]

اكيد مع نتايج الاختبار البديل =(

الله يصبرنا ويجعلنا من المقبولين

[nawal1988]

حسبي الله ونعم الوكيل ع ذا التاخير معاهم .. والله لو 100 بنت جات ع الامتحان البديل ماييكون بذا الصعووبة .. حددو النسبة الاخيرة للقسم وقيسوا عليها وانتهينا .. وربي اني حسيت ان الماستر انه تحديد مصير حياة والا موت احد فينا بتاخيرهم ذا مو كانها دراسة لاغير .. طفح الكيل وربي ..

[Bio-Nourah]

المشاركة الأصلية كتبت بواسطة nawal1988 حسبي الله ونعم الوكيل ع ذا التاخير معاهم .. والله لو 100 بنت جات ع الامتحان البديل ماييكون بذا الصعووبة .. حددو النسبة الاخيرة للقسم وقيسوا عليها وانتهينا .. وربي اني حسيت ان الماستر انه تحديد مصير حياة والا موت احد فينا بتاخيرهم ذا مو كانها دراسة لاغير .. طفح الكيل وربي ..

الله يصبرنا و يعيننا .. اصلا حقون الاختبار البديل مو راضين يقولو متى اختبارهم عشان نرتاح شوي

[..microbiologist..]

المشاركة الأصلية كتبت بواسطة bio-nourah الله يصبرنا و يعيننا .. اصلا حقون الاختبار البديل مو راضين يقولو متى اختبارهم عشان نرتاح شوي

المفروض يعلنوا عن موعد الاختبار البديل

استغفرالله العظيم

[Bio-Nourah]

لا كذا اوفر - شدعوه كل ذا ننتظر :(

[شذاووي]

يابنات الاختبار البديل لبنات الفيصلية كان يوم الاربعاء 29-4-1436 حسب ماهو موجود بالموقع

[Bio-Nourah]

المشاركة الأصلية كتبت بواسطة شذاووي يابنات الاختبار البديل لبنات الفيصلية كان يوم الاربعاء 29-4-1436 حسب ماهو موجود بالموقع

شكرا أخيرا احد عطانا وجه .. يا رب ننقبل :)

[Bio-Nourah]

وي المطابقه حقت اللي قدمو ف الفيصليه بكره :/

[nawal1988]

بالله عليكم مو ظلم انتظرنا شهر عشان النتايج وبعد انتظارنا 44 يوم يحطوا امتحان بديل للي ماحضروا .. وف 29/4 .. طيب كان حطوه ف فترة انتظارنا .. حسبي الله ونعم الوكيل هي المرة الثالثة لي اقدم الماستر وهذه المرة الاخيرة .. ان كان المقصد تطفيشنا ف وصلتوا الي تبون .. والله يوفق الي باقي نفسهم يكملوا .. وتنقبلوا يارب وتكون سهالات عليكم .. ومحد بيشوفه انه ظلم حكاية البديل ذا .. طيب ليش مااعطوا خبر قبل انه في امتحانين كان اي وحدة فينا لو انغصبت بظروفها ماتحضر الاول تحضر الثاني وهي متجهزة له .. مو فجاة كذا ,, مو معقولة ان ال ماقدروا يحضروا الاول توهم يتكلموا بعد 48 يوم .. وقررتوا بعدها تحطوا البديل وغير هذا يقولون ترى مانحتاج الا خمسة .. قبل مانختبر الاول .. حددوا الخمسة طيب ذولا وبالتوفيق لهم .. وريحونا من ذا الانتظار الي مااشوفه وجه حق للي شد ع نفسه وجا الامتحان الاول ..