مرحباً بــ أخصائي العلوم الطبيه التطبيقيه

[NoOoNy360]

شكرا لصاحبة الموضوع
ابغى اسال لو أحد يعرف اش اسهل تخصص في هادا القسم؟؟

[shox2]

المشاركة الأصلية كتبت بواسطة ~ sara مسااااء الخيييير كيف حالكم واللف مبروووك قبولكم في الكلية وسجلوني معاكم تغذية << مررة احب دا التخصص وشكرا لصاحبة الموضوع خلتنا نتعرف على بعض عشان ما نضيع بعدين في الكلية وسلااام ..

ي هلا و غلا
حياك الله ... مبرووووك القبول
العفو ولو ما عملت شي ذا اللي لازم يسير

المشاركة الأصلية كتبت بواسطة nooony360 شكرا لصاحبة الموضوع ابغى اسال لو أحد يعرف اش اسهل تخصص في هادا القسم؟؟

هلا والله
العفو ولو ..

بالنسبه لي اسهل تخصص
في بالي انو الشي اللي تحبيه رح يكون لك سهل

ان شاء الله احد غيري يفيدك

[ساااااارونه]

كل اللي باركو لنا
الله يبااارك فيكـم ي رب

Sara
هلا والله
معااك تغذيه بإذن الله

نوني
لا تدوري الأسهل
ادخلي اللي بتحبيه :)

[~ Sara]

ساااااارونه
اهلييييين حلووو نصير صحبات من دحين
الله يوفقنا يا رب

[~ Sara]

shox2

الله يسلمك والله يبارك فيكي
صح كلامك هذا إللي كان لازم يصير

[RENAD1994]

انا كانت رغبتي صيدلة او علوم طبية ( تغذية اكلينيكية )

و موزونتي 87 و نسبتي 91 و معدلي 4.37

و الكلية شرطها ان الموزونة تكون 80 و فوق !

مكتوب عندي اني اجتزت الشروط المطلوبة لهذا القسم ولكن لا يوجد مقاعد متآحة =(

و حذفوني في الحآسب الغثيث و الحمدلله على كل حآل

احد عنده خلفية اذا اقدر احول لهنآ و الا لا ؟

و بدون ما ادرس في كلية العلوم سمستر و ذي الخرابيط .. ابغى تحويل مبآآشر

احد يقدر يفيدني باجابة وآفية ؟؟؟ =(

[ساااااارونه]

ساره
ان شاء الله ي رب

ريناد
كنت أتمنى أقدر أفيدك :(

ان شاء الله تلاقي أحد يجاوبك ..

[mesk al-shehry]

لكل طالبه تسأل عن التحويل لكليتنا

http://www.skaau.com/vb/showthread.php?t=592766

[dr.f.a.h]

اهلين ببنات كليتي
انا باذن الله معاكم اذا ما حولت للطب
وحابة اتخصص اشعة اذا ربي كتبلي اكمل فيها
سارونة انتي معايا واخيرررررا لقيت وحده معايا
انا dr.comma سابقا بس ضاع معرفي وسجلت من جديد

[julia.jay]

ليش معظم البنات الي كانوا يبوا يتخصصوا طب يكون خيارهم التاني مختبرات اوتغذية او.. او ..
يعني التخصصات دي احسن من التمريض من حيث الوظيفة و الدراسة ؟

انا كنت ابا طب و انقبلت تمريض لاني احس انو اقرب شي للطب ولا انا غلطانة
ودحين بدات اشك واتردد ليش الكل يبا يحول من تمريض هل الاشياء التانية احسسن؟ الي هيا مختبرات وو كدا ؟

عارففة كترت كلام بس مررة احس ضايعه...
بليييز احد يردلي ):