التدريب الصيفي في ارامكو

[حأقعد عالكاشير]

لا مو قديم ياعسل

المهم ياجماعة انا لمن رحت امس وابويا وقع عالورقة
قال للرلاجال اذا ابغا بنتي تنسحب عادي ولا لأ
قام قالوا انت عندك الين مانناديكم لاستلام التذاكر والبطاقة استخير
لوما تبغاها تكمل اعتذروانتهينا
قام بابا قال طيب اذا راحت هناك وما عجبها الوضع تقدرلاتنسحب
قاللو ايوا برضو تقدم اعتذار وتنسحب مافي اي بروبلم

دحين خلصنا من الاجراءات ودخلنا في معمة السكن بإذن الله تتدبر
واللي تعرف سكن عدل هناك وسعرو كويس تقولنا
سواء في الخبر او الظهران او الدمام


وبالتوفيق

[heso]

المشاركة الأصلية كتبت بواسطة حأقعد عالكاشير heso بالنسبة للسؤال الاول المكان في المساعدية ورا امارة منطقة مكة حتلاقي مبنى عليه علامة ارامكو ومكتوب عليه ارامكو السعودية اما التصوير لازي رسمي ولا هم يحزنون تتصور باللي انتا تبغاه

اها شكرا عالمعلومات
و كويس انه تصوير عادي و تاني شي انا موعدي يوم السبت الساعة 8:31 الصباح
وقتها عندي كويز مني عارف احضر بنفس الوقت لازم و لا كيف ؟؟

[ناصر 2004]

مرحباا

فيه احد سلموه البطااقة ؟؟

انا صورت وبصمت , والورقة اللي سلمتها فقط ورقة الموعد اللي جت على الايميل ..!

هل انتظر لين يحددون لي موعد لاستلام البطاقة من مكتب التوظيف , ولا اروح لهم انا بدون موعـد واعطيهم باقي الاوراق ؟؟


اليوم دخلت على موقع ارامكو لقيتهم مغيرين موعد انتهاء التدريب الصيفي

" هذا البرنامج مخصص للطلبة والطالبات السعوديين المنتظمين في الدراسة الجامعية الذين يتم اختيارهم بهدف إلحاقهم بوظائف خلال فترة البرنامج ولمدة ثمانية (8) أسابيع اعتبارًا من 28 رجب 1431هـ الموافق 4 يوليه 2010م وحتى 15 رمضان 1431 هـ الموافق 25 أغسطس 2010م "


اضغط هنا

[أميرة الكون]

المشاركة الأصلية كتبت بواسطة ناصر 2004 مرحباا فيه احد سلموه البطااقة ؟؟ انا صورت وبصمت , والورقة اللي سلمتها فقط ورقة الموعد اللي جت على الايميل ..! هل انتظر لين يحددون لي موعد لاستلام البطاقة من مكتب التوظيف , ولا اروح لهم انا بدون موعـد واعطيهم باقي الاوراق ؟؟ اليوم دخلت على موقع ارامكو لقيتهم مغيرين موعد انتهاء التدريب الصيفي " هذا البرنامج مخصص للطلبة والطالبات السعوديين المنتظمين في الدراسة الجامعية الذين يتم اختيارهم بهدف إلحاقهم بوظائف خلال فترة البرنامج ولمدة ثمانية (8) أسابيع اعتبارًا من 28 رجب 1431هـ الموافق 4 يوليه 2010م وحتى 15 رمضان 1431 هـ الموافق 25 أغسطس 2010م " اضغط هنا

انا اشوف انك تروح تديهم اوراقك يمكن يحتاجوها في تكملة الاجراءات
نصيحة تروحلهم لانهم هما مافرقت معاهم بمجرد مايلقو شي ناقص حيقولو غيرك يبو المكان
موفق يارب

[أميرة الكون]

المشاركة الأصلية كتبت بواسطة heso اها شكرا عالمعلومات و كويس انه تصوير عادي و تاني شي انا موعدي يوم السبت الساعة 8:31 الصباح وقتها عندي كويز مني عارف احضر بنفس الوقت لازم و لا كيف ؟؟

على يوم موعدي كان عادي في اي وقت
ماكانو مرة مدققين

[أميرة الكون]

المشاركة الأصلية كتبت بواسطة حأقعد عالكاشير لا مو قديم ياعسل المهم ياجماعة انا لمن رحت امس وابويا وقع عالورقة قال للرلاجال اذا ابغا بنتي تنسحب عادي ولا لأ قام قالوا انت عندك الين مانناديكم لاستلام التذاكر والبطاقة استخير لوما تبغاها تكمل اعتذروانتهينا قام بابا قال طيب اذا راحت هناك وما عجبها الوضع تقدرلاتنسحب قاللو ايوا برضو تقدم اعتذار وتنسحب مافي اي بروبلم دحين خلصنا من الاجراءات ودخلنا في معمة السكن بإذن الله تتدبر واللي تعرف سكن عدل هناك وسعرو كويس تقولنا سواء في الخبر او الظهران او الدمام وبالتوفيق

الخوف مو انو مايعجبك الخوف انه كله انقليييييييييييييييش
واحنا حدث ولاحرج اللغة عندنا عال العال
بالنسبة للسكن انا 3 من صحباتي بيدورو شقة يسكنو فيها اذا حابة تنضميلهم خبريني
لانو الشقق اسعارها للشهر في حدود 4000<<على حسب كلام زوج اختي

[حأقعد عالكاشير]

heso
مو لازم تروح على موعدك انا رحت بعد موعدي بيوم وماقالولي اي حاجة
لاني زي حالتك كان عندي اختبار وسألتهم قالولي تعالي في الموعد اللي يناسبك

ناصر
البطاقة ماحيسلمونا هيا الا قبل بدء البرنامج يمكن ب 10 ايام
مع تذاكر السفر كذا قال الاستاذ سعيد
أهم حاجة انك اتصورت ورحت موعدك في مكتب التوظيف اللي حددولك هوا لانو فيه حتسلمهم الاوراق الباقية
والله يسعدك عالخبرية هذي كويس قدموا التاريخ عن أول والله محد فايق يداوم في رمضان

أميرة الكون
ياعسل مايهم الانجليزي لانهم قالوا حيعلمونا هناك كل حاجة خطوة بخطوة
بس بجد الله يسترلكن تعدي بإذن الله
واذا على السكن أسأليلي هما فين حيسكنوا يمكن اسكن معاهم
ويمكن اخذ في نفس عمارتهم :)


بالتوفيق

[heso]

الحمدلله طمنتوني اجل كده انا بحضر الكويز عادي و بعدها ارحلهم يعني بتاخر ساعة على موعدي
بس ان شاء الله ما يقولو شي

:)

[SPIDER]

اللي يسأل عن مكان مكتب التوظيف بالمساعدية

لما تكون في طريق المدينة متجه من شمال إلى جنوب، وقبل لا تطلع من الكبري اللي عند تقاطع المدينة مع التحلية، تدخل خط الخدمات، وبعدين بتشوف مبنى الإمارة على يمينك (راح تلاحظ أعلام السعودية فوق المبنى)، ومن بعد مبنى الأمارة تلف يمين لشارع عرفات (فيه لوحة هناك مكتوب عليها أرامكو) .. وبعدين تمشي في شارع عرفات إلين ما تلاقي أرامكو على يمينك

إن شاء الله يكون الوصف واضح

وبالنسبة للتصوير، أنا قالوا لي روح لأرامكو اللي عند المصفاة، من الخط السريع ما بين كوبري بريمان وكوبري شبك المطار، على اليمين

[كشتي فرشت عشتي]

تيب مايمديني الحين انا اسجل

والتقديم بس في الدمام مافي في جده