(قرارنا بيدنا) القرار النهائي للطالبات بخصوص العبايه اتفاق واحد وعبايه وحده

[حفيدة عمر]

ياقلبي أنا قلت جزمة صفرا من باب التشبيه يعني
ماقصدتها حرفيها :d

معاكي حق الواقع كدا للأسف
بس عشان الواقع كدا خلاص نقول مع الخيل ياشقرا !!!

أي دول تتكلمي عنها؟؟
انا ما اشوف الحال الي احنا فيه في اي دولة تانية !!!
خلينا مانروح بعيد ونقول امريكا ومدري ايش
لأنو بدري علينا

خليكي في حدود الخليج بس
والله القرار دا رغم انو صغير ومالو أي تأثير
حيضحك علينا دول !!!

لدي الدرجة خلصت القرارات
ومالقينا غير العباية
وقسم بالله شي يضحك

[~..㋡\.alZbrJd]

اعتقد رح يطول النقاش في هذا الموضوع..s: S:

وانا صراحة ما فهمت قصدك السطور الاخيرة من ردك لانك ما فهمتي الي اقصده s:

تبغي تعارضي الواقع الي انتي فيه ..تفضلي مو انا الي رح امنعك ..

مـا اقول الا الله المستعان.. ):

[~..㋡\.alZbrJd]

المشاركة الأصلية كتبت بواسطة راغب علامة العجب أن نرى أنفسنا أقل من أمريكا وأوروبا ,, وأصل الحضارة من عندنا نحن العرب.. والحضارة أصلاً غير مرتبطة بفئة معينة وإن أردنا نرجع لأصول الحضارات بما أن لكل شيء أصل ولكل شيء منبع فلا أحد ينكر أن العرب كانوا منبع الحضارة.. هل نستطيع أن ننكر ذلك؟؟ لا ينكر ذلك إلا كاره للعرب .. فالحضارة العربية اذن عظيمة وقديمة ولها جذور وفروع مثل الحضارات الأخرى كاليونانية والاغريقية وغيرها.. ولكن الذي يؤسف له حقاً أن أبناء هذه الحضارة أهملوها ودفنوها ولم يعودوا يعيرو لها أي اهتمام وهي تعيش على الأطلال والذكريات ولكن أسأل الله أن تعود أمة العرب وحضارتهم وذلك بالرجوع الى الإسلام الذي هو أساس الحضارات ...

يا لهــــوتي.. شوف الموضوع وصل لفين

[اطلق سراب]

معارضة صآرمة..ولن نقبل بالتعدي على الحرية الشخصية ‏

[LazoOord]

خلااااااااااااااص

يا جماعه الموضوع مررره كبر

المشكله لحد ذحين محد قالي أفصخي العبايه

ولا أحد كلمني لا شؤون ولا الامن

مع اني أمر قدامهم عيني عينك

علشان يكلموني بس ما احد قال لي شي

[جوجوالامورة]

اهم شي لو بفلوسي اعترض ..
والله هذي بفلوس الدولة واحنا بنات الدولة يعني اذا ماصرفت علينا تصرف على ميين
وكل الدول تدرس ابناءها يعني ماسوينا شي واااوو وبعدين الدولة مامنتها نجي احنا نمنها على بعض ..هوا اللي باقي والله
اذا شي مو عاجبني بأعترض واعتقد لي الحق اسوي الشي اللي يريحني دام ماغلطت
وبعدين اش اللي شكلكم في عزا تيب لو لبست تي شيرت اسود وتنورة سودا بنفصل يعني..؟؟!!
بصراحه بصراحه انا مااشوف فيها شي لو نلبس بنطلون جينز وتي شيرت (حتى لو مو طويل) عاتي شي بسيط ومرتب ومريح في المشي دام ماعندنا اختلاط ولا عشان مكان علم البنطلون حرام والله تخلف

[رزان خالد]

والله انا شايفه الموضوع كبر اكتر من حجمو

يعني ماهي ديك المسألة المعقده اللي فسخنا فيها العباية ولا هوا القرار اللي حيقتلنا

من ناحية الجامعة ماقدر اقول انو قرارهم صائب 100٪ لانه مثآ ظاهرة التشبه بالرجال اولى اخلاقيا واسلاميا انهم يكافحوها ويمنعو المظاهر المتعلقة بها

ولكن برضو لبسنا للعبي لوتاثير سلبي للاستازات زي ماقالو لكن من راي لو الاستازه متضررة ماتقبل باي طالبة لابستها في محاضرتها زي مافي البعض مانعين دا الشي ف محاضرتهم مو يكون اجباري ع الكل

نجي من ناحية احنا الطالبات
1- مسألة التكشخ احنا محنا جايين نستعرض ونلبس اغلا ماعندنا ونكون ع سنقه عشره(قمة التكشخ)
اي تنوره مع اي تي شيرت الوانهم مناسبه وانتهى الموضوع واللي تقولي شكلي بالتنورة ولا شكلي بالبنطلون
الجامعه 90٪ لابسين تنانير منتي لوحدك ايشبو كان مريول المدرسه جميل وهوا كانو فستان ومديلو الفتاك

2- مسأله القدرة المادية برضو محد قلكم اتكشخو وسيرو زي الناس كل وحده تلبس اللي ف دولابها
يعني لايمكن وحده ماعندها شي ف دولابها مستحييييل لانضحك على نفسنا

3- قد ماالموضوع اخد كم يوم رغم سخافته الصراحه العقليات اللي لاحظتها لاتبت بصلة باي تفكير طالبة جامعية واعية ومثقفة

4- وتكرار اللبس امر مفروغ منه لو تقرو شويه ف سنه الرسول صلى الله عليه وسلم تعرفو انو ماكان لبسو زي دولايبنا واحنا دولايبنا متروسه ومانبا نكرر كمان متى حنكبر ونبطل التفكير المحدود دا؟؟

5- تبو تتجمعو تبو تعارضو الجامعه ماظن حترضخ لاي اعتراض لانو كل شي ف يدهم
وفي مثل (اليد اللي ما تقدر تدوسها.. بوسها )و اليد اللي ماتقواها صافحها

ادرسو واتعلمو واتخرجو بسلام

:)

[Zooni]

المشاركة الأصلية كتبت بواسطة حفيدة عمر ياقلبي أنا قلت جزمة صفرا من باب التشبيه يعني ماقصدتها حرفيها :d معاكي حق الواقع كدا للأسف بس عشان الواقع كدا خلاص نقول مع الخيل ياشقرا !!! أي دول تتكلمي عنها؟؟ انا ما اشوف الحال الي احنا فيه في اي دولة تانية !!! خلينا مانروح بعيد ونقول امريكا ومدري ايش لأنو بدري علينا خليكي في حدود الخليج بس والله القرار دا رغم انو صغير ومالو أي تأثير حيضحك علينا دول !!! لدي الدرجة خلصت القرارات ومالقينا غير العباية وقسم بالله شي يضحك

(Y) (Y)
klaam sleeeeeeeeem

[حفيدة عمر]

يا قلبي يارزان
الحكاية مو حكاية تكشخ وعلى سنقة عشرة على قولك
الحكاية حريات شخصية
لمتى حيفضلو يتحكمو فينا في كل كبيرة وصغيرة؟؟

انا في حريتي البس الي ابغاه تحت العباية
مدامني متسترة ومافي شي في منظري يخدش حياء الآخرين
مايحقلهم يعلموني ايش البس وايش ما البس
طالما انا في السليم

وسوري آخر فقرة قلتيها الي هيا رقم (5) هذا كلام الضعيف المغلوب على امره
أشياء كثيرة كانت بتصير في الجامعة وكنت براسل المسؤولين "ركزي على المسؤولين مو المسؤولات"
وكانو بيتفاعلو معايا بطريقة حلوة واغلب مشاكلي بتنحل
ومنهم د. أسامة طيب ود. عبدالفتاح مشاط

لو سوينا زي مابتقولي وسكتنا عند كل شي بيصير وقلنا "اليد اللي ماتقدر تدوسها بوسها"
كانت حتصير الدنيا سبهللة..
أنا بتكلم على المجتمع بالعموم مو الجامعة بس
لازم الإنسان يكون متفاعل مع الي بيصير حولو
أحنا ناس مستقبلين ومرسلين
لو فضلنا بس نستقبل ونمشي ونتعلم ونخرج بسلام على قولك
سوري اسمحيلي اقولك انو دي مو عيشة بني آدمين

أجلس في بيتي وأحضن مخدتي أحسن لي^^

[~..㋡\.alZbrJd]

المشاركة الأصلية كتبت بواسطة جوجوالامورة اهم شي لو بفلوسي اعترض .. والله هذي بفلوس الدولة واحنا بنات الدولة يعني اذا ماصرفت علينا تصرف على ميين وكل الدول تدرس ابناءها يعني ماسوينا شي واااوو وبعدين الدولة مامنتها نجي احنا نمنها على بعض ..هوا اللي باقي والله اذا شي مو عاجبني بأعترض واعتقد لي الحق اسوي الشي اللي يريحني دام ماغلطت وبعدين اش اللي شكلكم في عزا تيب لو لبست تي شيرت اسود وتنورة سودا بنفصل يعني..؟؟!! بصراحه بصراحه انا مااشوف فيها شي لو نلبس بنطلون جينز وتي شيرت (حتى لو مو طويل) عاتي شي بسيط ومرتب ومريح في المشي دام ماعندنا اختلاط ولا عشان مكان علم البنطلون حرام والله تخلف

طيب هذا الكلام ايش الفايدة تكتبيه في المنتدى؟؟

روحي اعترضي وقولي هذا الكلام في وجههم..