برنامج التدريب الصيفي للطلاب والطالبات السعوديين في المرحلة الجامعية(أرامكو السعودية)

[control91]

جنان اذا رحتي الثلاثاء خبرينا ايش يصير معك وياليت البنات الثانين بعد يخبرونا ايش يصير معهم

[~ جـنـان ~]

المشاركة الأصلية كتبت بواسطة control91 جنان اذا رحتي الثلاثاء خبرينا ايش يصير معك وياليت البنات الثانين بعد يخبرونا ايش يصير معهم

طيب ان شاء الله
وياليت الي يعرف معلومات عن مطار ارامكو في جدة وكيف نوصله تكفون يقلنا

[Saraoh]

انا ارسلو لي موعد اوراق التوجيه يوم الاربعا
بس ليه يخلونا نوقع انه مافي سكن ولا مواصلات !
استاذ عبدالله بنفسه اتصل علي و قالي انه في سكن و مواصلات !

استغرب الغموض هذا من شركه كبيرة زي ارامكو

[هي!!]

أنا بأوصل الشرقيه يوم الجمعة الظهر بإذن الله

وبداوم لهم السبت وأكمل الأوراق والتصوير وكل اللي يبون

لكن مستحيل أوقع لهم على عدم السكن !!

لأن هذي تعتبر موافقة خطية مني لهم أنهم مايسكنوني ولا يتكفلون لي بأي شيء

وفي أي لحظة يقدرون يجحدوني ويقولون هذا خط يدك وموافقة منك أنك ماتبين سكن ولا مواصلات !!

وفي كل المعاملات وكل أمور الحياة الشيء الموثق بالورق هو الأصح وصاحبه يملك الحجة الأقوى ولا بأقدر أتفوه عليهم بحرف إن كنت وقعت لهم على شي زي كذا

وإحتياطا بأبحث لي عن رحلة عودة إلى أبها برغم أنه لها بالذات في هالفترة مافي رحلات أبداً أبداً

بس لازم أكون مأمنه وضعي مايصير أوصل عندهم ويرموني في الشارع !

لأنه شيء غريب عجيب أنهم طالعين لنا على الورق والإيميلات بكلام والموظفين طالعين لنا بكلام ثاني يعني ماصارت والله كل ذا التناقض من البداية وللحين ماحسموا الأمر !!

يعني ماشاء الله واضح مرة التخطيط والترتيب اللي هم عايشينه

ولا بيقنعوني بعد أنه أعجزهم أنهم يعدلون النص اللي بالورق ؟!!


وحسبي الله عليهم إن كانوا بيخلونا نتكلف ونقطع مشوار إلى الظهران ثم يرجعون في كلامهم ويعيشونا كل هالبهذله ويحرجونا مع خلق الله بهذا الشكل !


أقسم بالله أنها ضاقت نفسي من هالتدريب هذا وهو باقي ما بدأ ،، لأن أسوء شيء عندي في الحياة التخبط والعشوائيه ،، خلاص أبي كلمة وحده وقرار واحد أمشي عليه بدقه وألتزم به إلى اللحظه الأخيره

لكن معهم صار لنا أكثر من شهرين وإلى الآن لا زالوا لاعبين بنفسيتنا !

[th620]

السلام عليكم ورحمة الله وبركاته

بخصوص مطار أرامكو في جدة الي ما يعرف موقعه

أولا: اسم مطار أرامكو (عربسكو)

الوصف : روحوا المطار العادي الي نسافر منه الرياض والشرقية ( لا تروحون الصالة الاجنبية).. بيقابلكم
تفتيش قبل المطار على طول بعد التفتيش بتلقون خط طولي أو مفرق يمين وبتشوفوا لوحة قدامكم مكتوب عربسكو يمين أو المطار على طول.. انتم خذوا المفرق يمين وادخلوا كمان يمين امشوا على طول راح يقابلكم الشارع حرف t ادخلوا يمين وامشوا على طووووول الين يأخذكم الشارع اجباري يساار امشي على طول الين يقابلكم تقاطع وادخل من التقاطع يسار بعدها امشي 400 متر تقريبا وبتلقى مطار صغير مرة على يسارك ومليان طيارات خاصة صغيرة هذاك مطار أرامكو ( عربسكو ) وبس ..

[~ جـنـان ~]

المشاركة الأصلية كتبت بواسطة th620 السلام عليكم ورحمة الله وبركاته بخصوص مطار أرامكو في جدة الي ما يعرف موقعه أولا: اسم مطار أرامكو (عربسكو) الوصف : روحوا المطار العادي الي نسافر منه الرياض والشرقية ( لا تروحون الصالة الاجنبية).. بيقابلكم تفتيش قبل المطار على طول بعد التفتيش بتلقون خط طولي أو مفرق يمين وبتشوفوا لوحة قدامكم مكتوب عربسكو يمين أو المطار على طول.. انتم خذوا المفرق يمين وادخلوا كمان يمين امشوا على طول راح يقابلكم الشارع حرف t ادخلوا يمين وامشوا على طووووول الين يأخذكم الشارع اجباري يساار امشي على طول الين يقابلكم تقاطع وادخل من التقاطع يسار بعدها امشي 400 متر تقريبا وبتلقى مطار صغير مرة على يسارك ومليان طيارات خاصة صغيرة هذاك مطار أرامكو ( عربسكو ) وبس ..

الله يفتح عليك ويوفقك يارب

[control91]

المشاركة الأصلية كتبت بواسطة saraoh انا ارسلو لي موعد اوراق التوجيه يوم الاربعا بس ليه يخلونا نوقع انه مافي سكن ولا مواصلات ! استاذ عبدالله بنفسه اتصل علي و قالي انه في سكن و مواصلات ! استغرب الغموض هذا من شركه كبيرة زي ارامكو

يعني لما رحتي تسوين البطاقه وقعتي ع الاقرار ؟؟ وارسلوا لك ايميل ثاني عن موعد استلام اوراق التوجيه ؟

ومن هذا الاستاذ عبدالله يشتغل ف الرياض والا الظهران ؟؟

[Saraoh]

كنترول ، لا ما وقعت بس كلام وحده من الاخوات هنا
انا صار لي اسبوعين احاوال اتواصل مع احد كلامه موثوق و ما قدرت
اذا ارسلت ايميل مافي جواب شافي
انا الحين موجودة بالشرقية كسياحه و حاولت اكثر من مره اني اتاكد من موضوع السكن و كيف ندخل و متى يبدا الدوام ، و لا حياة لمن تنادي يقولون لك اذا رحتي مكتب التوظيف يعطونك التفاصيل
طيب احنا نحتاج تفاصيل و مو معقول ننتظر الى يوم الاربعا او السبت عشان نعرف وضعنا
والله اني اتمنى التدريب و متحمسة له بشكل يفوق الوصف
بس الاشياء هذي هي اللي تخليني اتراجع و افكر مية مره
الله يكتب اللي فيه الخير

[فهد الجدعاني]

المشاركة الأصلية كتبت بواسطة ~ جـنـان ~ مشكور , بس هل احتاج سيارة توصلني له ؟؟ وكم المدة من مطار جدة لمطار ارامكو لأن انا حطلع بطيارة من المدينة على جدة وابغى اعرف بالضبط كيف اقدر اوصل لمطار ارامكو

على ما اعتقد إنه في نفس المطار في الصالات الأجنبية

[mody.]

المشاركة الأصلية كتبت بواسطة فهد الجدعاني على ما اعتقد إنه في نفس المطار في الصالات الأجنبية

يب نفسه في الصاله الشماليه الاجنبيه