برنامج التدريب الصيفي للطلاب والطالبات السعوديين في المرحلة الجامعية(أرامكو السعودية)

[حلم ماضي]

يالله ليش كذااااااااااااااا؟؟

الله يعينكم

[Eva160]

معليه على التأخير

الحمدلله روحت مكتب ارامكو اليوم ومره انبسطت انو قابلت بعض البنات من المنتدى والجلسه مره كانت حلوه، ان شاء الله اشوفكم يوم السبت في المطار نقعد مع بعض في الطياره.

المهم نروح ايش اللي حصل في المكتب
المكان مالها غرفه استقبال لقسم النساء، جلسونا في مكتب أحد الموظفين وكان في شويه تأخير لانو دوبهم بيطبعوا الاوراق وخطاب الخ....

استاذ سعيد الغامدي باين من وجهوا مره مالو نفس وهوا مضغوط وهوا كمان اعترفها لبابا " انتا عارف انو باين من وجهي انو مالي نفس".
بابا الحمدلله حاول يتفاهم معاه انو ليه كده على اخر لحظه بيقولوا مافي سكن ومواصلات وانا شفت ايميل منك ومن ايميل استاذ خالد انو في سكن ومواصلات وبنتي جايه من امريكا مره ماينفع اخليها تكنسل.
رد استاذ سعيد الغامدي قال انا والله انا ليا 4 سنوات ماسك المكتب وكل سنه بيحصل نفس الشيء o.o وانا اتفشل، قال انو هما كانوا مخططين يسكنوا البنات في رأس تنوره ولا البقيق المكاتب من جده ورياض رفضوا قالوا ماينفع الطريق فيها خطر.
بابا سأل ازا في اقل شيء استقبال او احد يعرفها على المنطقه لانو هيا بتروح لحالها ولا عندنا معارف بالشرقيه قال استاذ سعيد دا الشيء بس لطالبات اللي تدريبهم في المديكال، بابا قال خلاص حاولي تنسيقي مع البنات اللي راح يسافروا معاكي في نفس اليوم وان شاء الله يسير خير مادام أنو في بنات معاكي وبعض اهاليهم معاهم.

المهم يابنات انا ماراح استسلم ان شاء الله احاول قد اللي عندي. أنا اول مارجعت البيت اتصلت على المشرفه المسؤوله عني في قسم التدريب وشرحت لها وضعي قالت دا الشيء حصل نفس الشيء السنه اللي فاتت بس هما وفروا سكن كده بعد اسبوع وقالت التدريب ماراح يبدأ السبت البنات خارج الشرقيه راح يبدؤوا يا يوم الأحد او الاتنين. انتم يا بنات اعملوا زيي حاولوا تتواصلوا مع المشرف/ه اللي المسؤول/ه عنكم. وراح احاول مره تانيه مع الاستاذ تركي العنزي.

أن شاء الله موضوع السكن والمواصلات راح ينحل ازا مو اليوم ، ان شاء الله على الاسبوع الجاي.

بس عارفين نفسي افضحهم في الجريدة انو برنامج تدريب الصيفي للبنات برنامج فاشل وبيستمر على الفشل.

معليه ازا طولت معاكم

[control91]

المشاركة الأصلية كتبت بواسطة eva160 معليه على التأخير الحمدلله روحت مكتب ارامكو اليوم ومره انبسطت انو قابلت بعض البنات من المنتدى والجلسه مره كانت حلوه، ان شاء الله اشوفكم يوم السبت في المطار نقعد مع بعض في الطياره. المهم نروح ايش حصل في المكتب المكان مالها غرفه استقبال لقسم النساء، جلسونا في مكتب أحد الموظفين وكان في شويه تأخير لانو دوبهم بيطبعوا الاوراق وخطاب الخ.... استاذ سعيد الغامدي باين من وجهوا مره مالو نفس وهوا مضغوط وهوا كمان اعترفها لبابا " انتا عارف انو باين من وجهي انو مالي نفس". بابا الحمدلله حاول يتفاهم معاه انو ليه كده على اخر لحظه بيقولوا مافي سكن ومواصلات وانا شفت ايميل منك ومن ايميل استاذ خالد انو في سكن ومواصلات وبنتي جايه من امريكا مره ماينفع اخليها تكنسل. رد استاذ سعيد الغامدي قال انا والله انا ليا 4 سنوات ماسك المكتب وكل سنه بيحصل نفس الشيء o.o وانا اتفشل، قال انو هما كانوا مخططين يسكنوا البنات في رأس تنوره ولا البقيق المكاتب من جده ورياض رفضوا قالوا ماينفع الطريق فيها خطر. بابا سأل ازا في اقل شيء استقبال او احد يعرفها على المنطقه لانو هيا بتروح لحالها ولا عندنا معارف بالشرقيه قال استاذ سعيد دا الشيء بس لطالبات اللي تدريبهم في المديكال، بابا قال خلاص حاولي تنسيقي مع البنات اللي راح يسافروا معاكي في نفس اليوم وان شاء الله يسير خير مادام أنو في بنات معاكي وبعض اهاليهم معاهم. المهم يابنات انا ماراح استسلم ان شاء الله احاول قد اللي عندي. أنا اول مارجعت البيت اتصلت على المشرفه المسؤوله عني في قسم التدريب وشرحت لها وضعي قالت دا الشيء حصل نفس الشيء السنه اللي فاتت بس هما وفروا سكن كده بعد اسبوع وقالت التدريب ماراح يبدأ السبت البنات خارج الشرقيه راح يبدؤوا يا يوم الأحد او الاتنين. انتم يا بنات اعملوا زيي حاولوا تتواصلوا مع المشرف/ه اللي المسؤول/ه عنكم. وراح احاول مره تانيه مع الاستاذ تركي العنزي. أن شاء الله موضوع السكن والمواصلات راح ينحل ازا مو اليوم ، ان شاء الله على الاسبوع الجاي. بس عارفين نفسي افضحهم في الجريدة انو برنامج تدريب الصيفي للبنات برنامج فاشل وبيستمر على الفشل. معليه ازا طولت معاكم

اذا اربع سنوات ع هالحال خلاص يقولون مانوفر سكن من الاساس مو يكذبون كل سنه ،،.
الله يعين ،،،

[Eva160]

المشاركة الأصلية كتبت بواسطة control91 اذا اربع سنوات ع هالحال خلاص يقولون مانوفر سكن من الاساس مو يكذبون كل سنه ،،. الله يعين ،،،

بالصراحه المفروض مايفتحوا برنامج تدريب للبنات وانتهى الموضوع، مو كل سنه يسير نفس الشيء لازم دي كلام ينتشر مو كل يوم نسمع اخبار من شركه ارامكو انو دي الخطط نجحت من اعمال تطوعيه وماراثون ومهرجان الخ......

[mr.samie]

المشاركة الأصلية كتبت بواسطة Eva160 معليه على التأخير الحمدلله روحت مكتب ارامكو اليوم ومره انبسطت انو قابلت بعض البنات من المنتدى والجلسه مره كانت حلوه، ان شاء الله اشوفكم يوم السبت في المطار نقعد مع بعض في الطياره. المهم نروح ايش اللي حصل في المكتب المكان مالها غرفه استقبال لقسم النساء، جلسونا في مكتب أحد الموظفين وكان في شويه تأخير لانو دوبهم بيطبعوا الاوراق وخطاب الخ.... استاذ سعيد الغامدي باين من وجهوا مره مالو نفس وهوا مضغوط وهوا كمان اعترفها لبابا " انتا عارف انو باين من وجهي انو مالي نفس". بابا الحمدلله حاول يتفاهم معاه انو ليه كده على اخر لحظه بيقولوا مافي سكن ومواصلات وانا شفت ايميل منك ومن ايميل استاذ خالد انو في سكن ومواصلات وبنتي جايه من امريكا مره ماينفع اخليها تكنسل. رد استاذ سعيد الغامدي قال انا والله انا ليا 4 سنوات ماسك المكتب وكل سنه بيحصل نفس الشيء o.o وانا اتفشل، قال انو هما كانوا مخططين يسكنوا البنات في رأس تنوره ولا البقيق المكاتب من جده ورياض رفضوا قالوا ماينفع الطريق فيها خطر. بابا سأل ازا في اقل شيء استقبال او احد يعرفها على المنطقه لانو هيا بتروح لحالها ولا عندنا معارف بالشرقيه قال استاذ سعيد دا الشيء بس لطالبات اللي تدريبهم في المديكال، بابا قال خلاص حاولي تنسيقي مع البنات اللي راح يسافروا معاكي في نفس اليوم وان شاء الله يسير خير مادام أنو في بنات معاكي وبعض اهاليهم معاهم. المهم يابنات انا ماراح استسلم ان شاء الله احاول قد اللي عندي. أنا اول مارجعت البيت اتصلت على المشرفه المسؤوله عني في قسم التدريب وشرحت لها وضعي قالت دا الشيء حصل نفس الشيء السنه اللي فاتت بس هما وفروا سكن كده بعد اسبوع وقالت التدريب ماراح يبدأ السبت البنات خارج الشرقيه راح يبدؤوا يا يوم الأحد او الاتنين. انتم يا بنات اعملوا زيي حاولوا تتواصلوا مع المشرف/ه اللي المسؤول/ه عنكم. وراح احاول مره تانيه مع الاستاذ تركي العنزي. أن شاء الله موضوع السكن والمواصلات راح ينحل ازا مو اليوم ، ان شاء الله على الاسبوع الجاي. بس عارفين نفسي افضحهم في الجريدة انو برنامج تدريب الصيفي للبنات برنامج فاشل وبيستمر على الفشل. معليه ازا طولت معاكم

والله سببهم معقول ان الطرق فيها خطر لأن ارامكو مركزين على مسألة الامان "safety"
لو صارلكم شي محد بيرحمهم لأن شركة بحجم ارامكوا ومهنية ارامكو كيف تقع في هذا الخطأ

لكن يظل هذا ماهو مبرر لهم كان من اول قالوا خطر يالله نلقى خطه بديلة
اتوقع والله اعلم ان الحل السهل اللي امامهم انهم يقولولكم مافيه سكن وكل بنت تدبر نفسها بدل لا ارامكوا يتحملون مسؤوليتكم ويدبرولكم سكن والذي منه

انا شفتكم مستغربين من مسألة تدبيرهم سكن لنا يالشباب وانتوا لا
انا شايف في السعودية تدبير سكن للعيال اسهل بكثير بكثير من البنات لان البنات في مجتمعنا لهم وضع خاص ومن بيوديهم ومن بيجيبهم ووين يسكنوهم بالضبط وهل في حماية على السكن ولا لا


اما حنا لو يبنوا لنا خيمة في الظهران مافيه مشكلة اسكن فيها ههههههههههههه


الله يكون بعونكم وحاولوا تدبرون سكن لا تعتمدون عليهم
ان دبرولكم سكن كنسلوا سكنكم اللي دبرتوه وان ما دبرولكم تكونون حاسبين حسابكم

[هي!!]

بلا أمان بلا بطيخ الله لا يوفقهم شركة * * * * وحركتهم جداً حقيره !!!

طيب خلاص ياعالم قولوا لنا من البدايه مافي سكن عشان نكون على بينه

ألف شغله مكنسلينها عشانهم وآخرتها على بداية الأسبوع أكلمهم ويقولون مالك هم

أبداً لا تشيلين همها وأنا أقول ياعالم مو تورطونا تكلموا من الآن وأصروا على انهم موفرين

واليوم أكلم الموظف يفتح الخط ويقفله عمداً أكثر من 3 مرات

يعني مايصير كذا ع الأقل شوية إحترام وإذا مستحي عشانك كذاب فما جبرتك ترد علي وتوعدني بداية الأسبوع

بس ناس مدري كيف تفكر !

[A_OTB]

السلام عليكم ورحمة الله وبركاته

شباب وبنات ...

قدمت على ارامكوا وخلصت كل شي وعطوني الخطاب وتذكرة السفر لراس تنوره

المشكلة:
ان رقم coordinator اتصلت عليه ولا رد
اللي ابيه اني كيف التقي بالباص في المطار عشان يوصلني لراس تنوره

اي حل ؟؟؟!!..

[لؤلؤجده]

^
نفس المعاناه
المشكله الدوام السبت ولا ادري وين بداوم
لان حضرة مشرفي ما يرد صار له يومين

[mr.samie]

المشاركة الأصلية كتبت بواسطة a_otb السلام عليكم ورحمة الله وبركاته شباب وبنات ... قدمت على ارامكوا وخلصت كل شي وعطوني الخطاب وتذكرة السفر لراس تنوره المشكلة: ان رقم coordinator اتصلت عليه ولا رد اللي ابيه اني كيف التقي بالباص في المطار عشان يوصلني لراس تنوره اي حل ؟؟؟!!..

اخوي اهم شي عنوان الكوردنيتر
انت الحين حجزولك تذاكر وما راح تكون لحالك معاك ناس يتدربوا وفي نفس وقت رحلتك
من توصلوا هناك تلقون باص من باصات ارامكوا في استقبالكم ويوصلكم لين السكن
ومن السكن تروح لدوامك عن طريق المواصلات وتروح لنفس المكان اللي فيه الكوردنيتر
ومنها الكوردنيتر يعلمك وين تشتغل وتباشر تدريبك وخلاص كل يوم تداوم لنفس المكان او اي مكان يحددونه غيره

بس هذي الحكاية

موفق

[فهد الجدعاني]

مستغرب جداً من اللي صاير المفروض حاجة زي السكن يكون منتهي موضوعها من زمان مو باقي يومين على التدريب و الواحد مو عارف ساسه من راسه

عموماً الله ييسرلكم اللي فيه الخير