الأسئلة والاستفسارات عن كلية طب الأسنان ..

[Kaira]

مسااااء الخير ^^
السنة إلي فاتت كان نزول التسكين بعد تلاتة أسابيع من نهاية الاختبارات النهاية حقت التحضيري ..
كانت حتى يوم 12 /7 / 2010 ^__^ يوم ما يتنسي بصراحة أبدا ..

[M!$s ĐoOoOđΐ]

مششششششششششششششششششششششششكورين اللي ردو

[prince26]

السلام عليكم

يا شباب انا حسبت النسبه الموزونه للجامعه (ثانوية+قياس+تحصيلي) وطلعت 81.175 هل اقدر ادخل طب اسنان وهل اذا انقبلت السنه تحضريه صعبه؟؟؟


ومشكووووووووورين

[UNIQUE ....]

prince 26 إذا أنقبلت في الجامعة
راح تدخل مايسمى بالسنة التحضيرية تدرس فيها مواد عامة
( رياضيات - فيزياء - كيمياء - أحياء - انجليزي - حاسب - مهارات اتصال )
بعد ماتخلص السنة التحضيرية تدخل للكيلة على حسب درجاتك
والسنة التحضيرية جداً جداً سهلة
فلابد أنك تشد حيلك في السنة التحضيرية وتكون درجاتك حلوه
لان الكلية مرغوبة والتنافس عليها شديد

وبالتوفيق إن شاء الله

[roosh]

السلام عليكم ورحمة الله وبركاته

كيفكم يااطباء و طبيبات الاسنان إن شاء الله تكونو كويسين ..

في البدايه ترا انا انسانه احب اعرف كل شي بمعنى الكلمه << الله يجيرنا

فالله يعينكم عليا

اول شي حبيت اسال على هرجه سمعتها يقولو انو احنا دفعه 11 حندرس زي نظام الطب اللي هوه كل سستم وبعدين نختبرو صح ولا كيف ؟!

تاني شي ابغا اسال ممم سمعت انو حيقسمونا لقروبات فكم قروب حيكون ؟! وعلى اي اساس التقسيم ؟! وازا ممكن احنا نختار اللي نبغا نكون معاهم ؟!

تالت شي حيكون دكتور او دكتوره لكل ماده بس ولا في خيارات زي ممكن احول عند اللي ارتحلو ولاهوه واحد غصبن عن خشم اهلي مافي غيرو ؟!

رابع شي في هنا كانو اعضاء يضاربو على كلاس احنا ننقيه ولا هما يحطوه لينا عشان لو احنا ننقيه حجي من صباح ربنا مع السكيورتي افتح الكليه واجري ادور كلاس لاني صراحه عندي ازمه كانت من كلاسات التحضيري ههه ؟!


خامس شي ههه لا خلاص امزح خليها مره تانيه عشان لا اكتر عليكم

وميغسي مقدما لكل اللي حيجاوبوني واسفه على الاطاله

[Dr~NanoOok]

وعليكم السلام والرحمة

اهلين بيكِ رووش بيننا =)

ولا يهمك عزيزتي اسألي زي ما تبغي
بس ياليت حطيتي استفساراتك بالموضوع المثبت بالقيم الخاص بالاستفسارات
عشان يصير مرجع لكل اسئلة الاعضاء

اول شي حبيت اسال على هرجه سمعتها يقولو انو احنا دفعه 11 حندرس زي نظام الطب اللي هوه كل سستم وبعدين نختبرو صح ولا كيف ؟!

ما عندي فكرة عن الموضوع.. هم قالوا ممكن يغيروا بالنظام شويه
لكن نظام بلوكات زي البشري ما اظن تنفع !
لان موادنا مو زي موادهم.. الا اذا بسنة ثانية تلات ارباع المواد من البشري

تاني شي ابغا اسال ممم سمعت انو حيقسمونا لقروبات فكم قروب حيكون ؟! وعلى اي اساس التقسيم ؟! وازا ممكن احنا نختار اللي نبغا نكون معاهم ؟!

ما حيقسموكم قروبات لان عددكم قليل ما يتعدى 70 -75 في كل الدفعة

واذا حيقسموكم خلال المعامل مثلا.. حيكون على حسب ورقة الحضور
وترتيبها يكون بحسب الارقام الجامعية

تالت شي حيكون دكتور او دكتوره لكل ماده بس ولا في خيارات زي ممكن احول عند اللي ارتحلو ولاهوه واحد غصبن عن خشم اهلي مافي غيرو ؟!

غصبن عن خشم اهلك ! :p
كل المواد والجدول حينزلكم جاهز وما تقدروا تغيروا فيه شي
لا مواد ولا دكاترة ولا مواعيد محاضرات

كل الكليات الصحية نظامها يختلف عن الجامعة الثانية
وما فيها حذف واضافة

رابع شي في هنا كانو اعضاء يضاربو على كلاس احنا ننقيه ولا هما يحطوه لينا عشان لو احنا ننقيه حجي من صباح ربنا مع السكيورتي افتح الكليه واجري ادور كلاس لاني صراحه عندي ازمه كانت من كلاسات التحضيري ههه ؟!

حيكون لكم كلاس خاص بسنة ثانية
وحتاخدوا فيه كل المحاضرات
ما عدا المعامل و بعض مواد البشري في مبنى 7 حقتهم

[roosh]

ميغسي ياعسل على الاجوبه

[amiwa]

الله يسعدكم من جد كنت شايلة هم اني اسووي جدولي واختار دكاترتي و كدة
دحيــــــــــــــــــــــــــــــــــــــــن ان شاءالله اروح اوّري صحبتي اللي حطت الفكرة دي فــ راصي



THNXx again

[Dr~NanoOok]

عذرا عزيزاتي

لكن الردود الخارجة عن الموضوع تُحذف
وعشان لا ينقلب الموضوع شات ( قوانين المنتدى )

واتفضلوا حطوا مشاركاتكم بموضوع تجمع دفعة 11

وشكرا لتعاونكم ^_^

[ABADI14]

بسم الله الرحمن الرحيم
ببدأ بالموضوع على طول ما اعرف اسوي مقدمات المهم بخصوص اولا المقابله الشخصيه متى بتكون وثاني شئ متى اغير البطاقه الجامعه <<<<لانو الصوره الي في البطاقه الحاليه غبيه وابغا اغيرها
وكمان متى بتبدا الدورات سواء اختياريه او الزاميه ارجو انكم تفيدوني بتاريخها
ومشكور مقدما