الاستفسارات الخاصة بالتقديم لبرامج الدراسات العليا العامة والخاصة عام 1437هـ - 1438هـ

[غيم تايه]

المشاركة الأصلية كتبت بواسطة ashwag-malki ايش اعمل يعني هذا قبول نهائي 😩 والا ايه من الصدمه مافهمت شيء وادق عليهم ما احد يرد

ولا اي شيء على وحدة القبول وخذي اوراقك معك .. ان شاء الله هو قبول نهائي .. وطمنينا باللي يصير معك """

[ashwag-malki]

استاذ " غيم تايه " طيب في جدول بمواعيد المطابقه !
يعني يصير اروح بعد الحج ان شاء الله ..
وربي يجزاك الخير أضعاف طمنتني ..

[نوربانو]

أستاذ غيم ، أنت عظيم،مادري كيف تطلع المعلومات من نت بكل سهوله وحرفه وثقافة عاليه، أود أن أسألك سوال الثاني ، في كتاب التربوي ،لو عندك 66 صفحة ،كلها اختيارات،كيف تحفظ كل هذة الخيارات، لاتقولي بالفهم، هل يوجد طريقه أسرع في الحفظ،'" ثانيا ؛انت تقولي أحفظ جزء لاتحفظينها كلها ،طيب كيف اعرف هذا مهم ،بما انك متفوق دراسيا،معليش ازعجججتك بس الصراحة نفسي أنجح في الامتحان،ثالثا: لو انقبلت مدرسه في المدارس الخاصة كيف أجمع بين المذاكرة والتحضير،

[مرام العمري91]

مشكوره ياالغلا
ايواه بقدم قدرات بس الي اقصده مؤهلاتي تساعدني يقبلوا فيني ماستر ومع العلم انا زوجه مواطن

[غيم تايه]

المشاركة الأصلية كتبت بواسطة ashwag-malki استاذ " غيم تايه " طيب في جدول بمواعيد المطابقه ! يعني يصير اروح بعد الحج ان شاء الله .. وربي يجزاك الخير أضعاف طمنتني ..

اخت اشواق انت في مكة المكرمة كلها نصف ساعة او ساعة بالكثير .. روحي الجامعة اكيد فيه ناس مداومه ما هو كلهم بيأجزون ..
ولو ما وجدتي احد يروح اللي معك قسم الرجال .. ولو ما وجدتوا احد لا تقولي مشوار على الفاضي بالعكس ترتاحي وتقري عيناً
لأني اخاف يستدعون غيرك .. نكون شويه حرصين ومتمسكين بالفرص اللي تجي .. وما نترك امر للحسايف او لما لا يتوقع ..
بصدق نفسي تروحي وتتأكدي انه ما فيه احد مداوم .. ما عاد فيه شيء اسمه مواعيد مقابلة الآن اللي ينسحب او ما يكمل تسجيله
مثل اللي مطلوب منه موافقه جهة العمل ولا يحضرها يستدعون الاحتياط وعلى طول مطابقة اوراق وانجز ..

أسال الله لك التوفيق """

[غيم تايه]

المشاركة الأصلية كتبت بواسطة نوربانو أستاذ غيم ، أنت عظيم،مادري كيف تطلع المعلومات من نت بكل سهوله وحرفه وثقافة عاليه، أود أن أسألك سوال الثاني ، في كتاب التربوي ،لو عندك 66 صفحة ،كلها اختيارات،كيف تحفظ كل هذة الخيارات، لاتقولي بالفهم، هل يوجد طريقه أسرع في الحفظ،'" ثانيا ؛انت تقولي أحفظ جزء لاتحفظينها كلها ،طيب كيف اعرف هذا مهم ،بما انك متفوق دراسيا،معليش ازعجججتك بس الصراحة نفسي أنجح في الامتحان،ثالثا: لو انقبلت مدرسه في المدارس الخاصة كيف أجمع بين المذاكرة والتحضير،

بإذن الله يكلل تعبك بالنجاح .. انت اهدئي وروقي وركزي احيانا نقرأ مجموعة اوراق تغني عن كل شيء .. اقسم لك بالله دخلت اختبار القدرات للمعلمين مشاركة للزملاء فقط ..
ونجحت فيه ولا عمري قرأت كتب تربوية او لي اي علاقة بالمجال التربوي .. لكن الاختبار يعتمد على انك تختاري الأصح وفيه اسلوب الاستبعاد، بمعنى قد لا اعرف الاجابة
الصحيحة 100% لكن اعرف خيارين انها مستحيلة تكون صحيحة استبعدها .. والخيارين الباقيين احاول قدر الاستطاعة اخذ الاصح ..
واقولها لك صعب انك تحفظي الخيارات وتجي نفسها .. ولازم تقرئي بتركيز وهدؤء لأسباب ممكن الفقرة نفس اللي قرأتيها في احد الكتب لكن مغير حرف يغير الاجابة
وهنا اقولك لازم بإذن الله تكوني هادئة .. ومعك ماء .. وتشدي حيلك .. والآن تحاولي تطلعي على اغلب المعلومات .. كيف ممكن المدير يتصرف في حادثه او معلم في موقف ..
التعليم يقوم الآن على التعلم وليس التعليم والتلقين.. الخبرة المباشرة لها الأثر الاكبر وفيه خبرات غير مباشرة .. ولا اقصد انك تحفظي جزء ما تحفظي غيره اقصد تطلعي على الملفات ..
وبإذن الله بتحصدي الدرجات .. اما المدرسة الخاصة خليها لوقتها .. ولا تشيلي هم التحضير .. هي البداية بعدها بتكون معك مثل السلام عليكم ..
وعلى فكرة يوم الجمعة 20 - 12 يفتح التقديم على الوظائف التعليمية .. ادخلي وحدثي بياناتك وسجلي .. والله يوفقك وييسر أمرك""

[غيم تايه]

المشاركة الأصلية كتبت بواسطة مرام العمري91 مشكوره ياالغلا ايواه بقدم قدرات بس الي اقصده مؤهلاتي تساعدني يقبلوا فيني ماستر ومع العلم انا زوجه مواطن

ما اقدر اقولك تقبلين او ما تنقبلين .. لكن معدلك جيد مرتفع .. واهم شيء ان البرنامج يقبل من جيد مرتفع وفوق .. يبقى عندك الاختبار مهم جدا تحصدي فيه الدرجات ..
وإذا بتقدمي على برنامج اخر لازم يكون يقبل المعدل .. ويبقى القدرات لازم تكون حاصدة حتى ترفع النسبة ..
القبول من عدمه امامك مثل حي الاخت اشواق اللي تقول تم استبعادها تماما .. والآن جاءتها رسالة بالقبول .. وهذا سبق حصل لمتقدمين بدأت الدراسة وتم استددعاءهم..

بالتوفيق""

[نوربانو]

أستاذ غيم ،،انا كتبت السؤال لك في الاعلان عن مواعيد القبول بالخطا،ممكن تشوف السوال وترد علي هنا؟ولك جزيل الشكر

[غيم تايه]

المشاركة الأصلية كتبت بواسطة نوربانو السلام عليكم '' أستاذ غيم تايه،،أستاذة أمل قالت نزلت كتابين للكتأبين المعلمات أحدهما عام والآخر تخصص ، ولي عدة أيام ادور في المكاتب وقولوا لم ينزل عندنا ولا نعرف له خبر،فكلمت أمل القحطاني في توتير ،قالت سوف ينزل في الأسواق بعد شهر، معقوله اجلس شهر كامل بدون مذاكرة ولا اسوي شي، ووجدت في كتابها القديم يقول (اتصل على الموزع الوحيد بالمملكه ،للحصول على مزيد من نسخ اتصل على هاتف 0114871414 ، ماذا أفعل الان، مشكله؟

المشاركة الأصلية كتبت بواسطة نوربانو أستاذ غيم ،،انا كتبت السؤال لك في الاعلان عن مواعيد القبول بالخطا،ممكن تشوف السوال وترد علي هنا؟ولك جزيل الشكر

وعليكم السلام ورحمة الله وبركاته..

ولا يهمك نجيب السؤال هنا افضل .. طالما كلمتي امل القحطاني وقالت بينزل بعد شهر ليه شتغلي نفسك؟! .. هل تتصورين الاختبار من هذه الكتابين؟!
اقرئي مما يقع تحت يدك ولا تخافي، استغلي الوقت كل اللي اختبروا قبلك من واقع المامهم بما تمكنوا من الاطلاع عليه .. اشكر اهتمامك وسعيك الدؤب لكل ما هو جديد..
لكن ايضا لا تجعلي منها مشكلة .. بذلتي جهدك واجتهدتي وان شاء الله ما بيضيع تعبك.. اللي بينزل بعد شهر خليه ما هو وقته .. ولا تضيعي الوقت وسجلي في الاختبار لا يطوفك
من الآن ادفعي رسوم الاختبار وحدد موقعه ومكانه.. وسجلي في التقديم القادم للمعلمات في 20 ذو الحجة .. يعني ملفك جاهز ووثيقتك سبق مطابقتها في جدارة ..
ننتظر الوظائف وان شاء الله يكون فيها تخصصك.. شدي حيلك ..

موفقه يارب"""

[نوربانو]

معليش هل تقصد اني أسجل في جدارة،أم موقع الوظائف التعليميه ، هل استطيع ان أسجل وانا لم أنجح في اختبار كفايات المعلمين ، ادعي لي بالتوفيق،وشكرا لك