الأسئلة والاستفسارات عن كلية طب الأسنان ..

[Dr~NanoOok]

المشاركة الأصلية كتبت بواسطة * رولا * طيب ايش حكاية القسم الخاص؟ هل هو قسم منفصل؟ وهل الطلبة يداموا فيه؟

قصدك العيادات التخصصية ؟

هي العيادات الخاصة بالدكاترة الكبار (اللي يدرسونا) ولطلبة البورد السعودي (دراسات عليا)

والتحويل لها يكون للحالات الصعبة اللي تحتاج خبرة أكبر والطلبة ما يقدروا يعالجوها بنفسهم

[* رولا *]

بصراحة ما أدري إذا كان هو نفسه العيادات التخصصية
لأني من زمان ما رحت
بس على حسب ما عرفته إنهم أخذوا المبنى اللي كانت فيه عيادات الأسنان واللي هو يمين بيت الدونات

[سحــوره]

الله يسعدكم شكررا

بس طلعت مرره حوسه

انا بصراحه قلت بما اني طالبه بروح افتح ملف في المستشفى ليا وللزمن

بس برضو ماعرفت كيف الطريقه ؟؟

[saadoony]

بالنسبة لطلاب الإنتساب هل بإمكانهم فتح ملف في الجامعي

[عبقرية]

بنات حابة مساعدتكم انا سنة تحضيرية خلصت وقبلوووني صيدلة وانا مو حاباها ابدا انا حلمي طب اسنان واعششششششششششقه واتمنى يقبلوني في لاكن قدر الله وماشاء فعل طمنووني ممكن اقدر احول بس متى بعد ترم ولا سنة وكم لازم اجيب معدل وصح في تحويل ولا بس يسكتونا حتى لو جبت مايحولوني



وفي بنات شفتوهم بعينكم من صيدلة لاسنان حولو وجو عندكم ؟؟؟؟؟؟؟؟؟؟؟
الله يفرج هم الي تجاااااااااااااوبني






الله يعدكم ادعولي ربي يبررررررررد قلبي والله احس قلبي نار وماعندي رضا بالقسم الي انا فيه ابدا مستهينة القسم جدا ومهما الناس اقنعوني مافي استجابة بس ابكككككككككي في الاجازة ماتهنيت ولا شيي

[~RAN~]

ياعسل اول شئ عليك الرضاء بالقضاء والقدر
وتذكري انه فيه خير لك من ربي ان شاء الله

التحويل يكوون بعد سنه ولازم معدل فوق 4.5

وفيه معانا هنا المشرفة العسل د.نانوك حولت من كلية العلوم الطبيه لطب الاسنان الله يوفقها ^^

وان شاء الله ربي يريح قلبك وتحولي طب اسنان يارب ^^

[hadeel a]

المشاركة الأصلية كتبت بواسطة ~RAN~ ياعسل اول شئ عليك الرضاء بالقضاء والقدر وتذكري انه فيه خير لك من ربي ان شاء الله التحويل يكوون بعد سنه ولازم معدل فوق 4.5 وفيه معانا هنا المشرفة العسل د.نانوك حولت من كلية العلوم الطبيه لطب الاسنان الله يوفقها ^^ وان شاء الله ربي يريح قلبك وتحولي طب اسنان يارب ^^

+1
يارب يسهلك و ييسرلك التحويل ادا كان في خير لك ..
شوفي ده الموضوع http://www.skaau.com/vb/showthread.php?t=421580
حأدعي ربنا أن يكتبلك اللي في الخير خصوصا قبل الفطور

[Glamor Mada]

والله بصراحه معرف هل فيه احد كان صيدله وحول اسنان .. اسف
اللي اعرفه انه كثير كانو علوم طبيه وحولو اسنان .. بس عموما التحويل في الكليات الصحيه بعد سنه كامله من الدراسه ولازم معدل عالي .. إن شاء الله يجي اللي يقدر يفيدك اكثر
الله يسهلك ويحققلك حلمك

[Dr~NanoOok]

عزيزتي.. الله يريّح قلبك ويختارلك الخير ويحققلك اللي تتمنيه ..
بحق هذه الأيام الفضيلة.. وباذن الله ما ينتهي رمضان إلا وكل شخص اتحققله شي يتمناه


باذن الله عندك فرصة حلوة للتحويل ..
الصيدلة تعتبر أعلى من العلوم التطبيقية في التحويل .. وبكده الفرصة أعلى

سمعت انه في طالبات حولوا مع بداية السنة .. وبدون دراسة سنة كاملة في التخصص الحالي
لكن مو متأكده وأظن انه للأشخاص اللي عندهم واسطة !

فاذا حتحولي باذن الله بعد دراسة سنة بالصيدلة .. فعليكِ تغيير النفسية والنظرة للموضوع تماما
لا تحبطي نفسك أبدا .. استخيري ربنا واطلبي منه الراحة والحكمة من وضعه لك هنا

وباذن الله تجيبي معدل ممتاز (فوق 4,5) وتقدري تحولي
التقديم يكون عن طريق الاوديوس في نهاية السنة الدراسية.. او انك تروحي تسألي الشؤون الطلابية عندكم بالصيدلة وتقدمي أوراق

صحيح أنا حولت من علوم طبية.. ومافي أحد ماقلنا قد ايــــش انه مستحيل نحّول من هنا !
وقمة الاحباط والتعب النفسي.. الين فقدنا الأمل في التحويل تماما

أنا رضيت باللي ربي كتبه لي.. وارتحت الحمدلله بالدراسة وجبت درجات مره كويسة

و أنا اعتبرها.. هدية من ربنا جزاء رضاي بحكمته وعدم سخطي
و اكرمني بالتحويل لأفضل الكليات واللي تماما قالوا انه مستحيل يقبلونا التحويل فيها
لكن اهو ربي فوق كل شيء !
فعلا ربنا فوق كل شيء.. فلا تيأسي أبدا أبدا

وتأكدي انك بعد ما تستخيري ربنا
كل شي من بعدها حيكون هو الخير لك .. كل شيء تواجهيه فيه الخير لك وهو الأفضل لك
في أجمل من كده ؟؟

" الله يمنحنا ما نحتاجه.. وليس ما نريده دائما.. فكم من شيء حُرمنا منه.. حزنا على عدم امتلاكه
ومن بعد مدة نكتشف كم كان شرا لنا.. يتربص بنا .. لكن الله كفانا عنه ! "

الله يوفقك ويريح بالك عزيزتي

[Kaira]

ليش التحطيم دا يا عسل ^^
شوفي يا قلبي
أنا ولد خالتي أنقبل صيدلة بس كان على أيام قبل لا يكون في تحضيري يعني السنة الأولى كل الكليات الصحية يدرسو نفس المواد،، وكان حلمو انو يدخل طب بشري
لكن ربي ما أراد ودخل صيدلة ..
وماشاالله شد حيلو وجاب معدل عالي و جو قالولو انك ممكن تقدر تحول من صيدلة لـ طب أسنان أو تستمر في الصيدلة أو تحول طب بشري موازي .. وأستخار ربنا وفي النهاية انفتح قلبو لطب الأسنان ^^
ودحين هوة ماشاالله دحين طالع خامسة طب أسنان =)

فما في شي بعيد عن ربنا ..
انتي أدعي ربنا كتيييييير خاصة دحين أيام رمضان شهر فضيل ودحين احنا في التلت التاني منو
وشوية كدا راح ندخل في التلت الأخير والعشرة الأواخر من أفضل الايام في رمضان ..

وإلي ربي كاتبو راح يصير بس انتي لا تحطمي نفسك ولا تتزمري ^^