يابنات هنا تعالوا اسألوا عن الاستاذات تفضلوووووا (واللي عندها خبرة تدخل تجاوب)

[رزان خالد]

المشاركة الأصلية كتبت بواسطة روحي لها جنحان... أختي أنا قرأت هنا بالمنتدى أن البنات يمدحون بالاستاذه كثيييير بس أنا ما اعرفها ولا اعرف المادة وأفضل تسوي بحث في قوقل بأسم الاستاذه وتقرأي الردود والله يوفقك

نسر ين خياط سيئة لكن حياة راجخان من اللي سمعتو تبرد القلب
لسا اليوم سمعت بنات بيقولو انو الاستازة اتحولت ومرة مبسوطين

[فانتوكا جيرل]

يالله ياساتراليوم رحت الجامعه
ايش حررر وايش كتمـــه الكل مغطي خشمه خااايفين من عدوى الانفلنونزا
اااخ حتى المواد الحرررة اغلبهاا فل
مالقيت غير
مادة مصــادر معلوماات
ياريت تقولولي عنها مين درسهااا وعن ايش تتكلم وكيف هل هي سهله ولا
خايفه اتوهق فيهااااااا بليز ردو لي

[حايسه بدنياي]

مرحبآآآآآ بنوتآت
أول شي هاذي أول مرة أرد فيها ع موضوع وبصرآحه من جد الموضوع خطييير ومرة رآح نستفيد منه
انا راح أفيدكم باللي أقدر عليه ويآرب تقدرو تفيدوني باللي أحتآجه ونسآعد بعض
اممممممممم رآح أكتبلكم عن بعض تجآربي مع بعض الأستآذآت اللي أفتكرهم لانه بصرآحه ذآكرتي لكم عليهآ شوي
1- مآده إداره عمليآت أخذتها مع نآديه عبد الغفآر وشفت بنآت كثير يسألوآ عن هالاستآذه ومنهم بنت شيـوخ ع ماعتقد بصرآحه انا في البدآيه إرتحت مرة مرة لشرحهآ بس إنصدمت شوي بأول دوري ماتوقعت الاسئله كذآ اسئلتها تعتمد كثيييييييير ع الفهم وتجيك أسئله صح وخطآ وتصححي الخطأ والصح برضه تذكري أسبابه يعني ليه صح ؟ وجآنا بعد عللي و جآتنا رسمه وفيها فرآغات واحنا نكمل الفرآغات طبعا الرسمه لاتحسبو جابتها كذا من الهوآ لاطبعا ذكرتها في المحاظره ورسمناها معاها وطلبت مننا نكتب اسماء بعض الاشياء بالانجليزي وبرضو ذكرتها في المحاظره واصلا الرسمه مرة مرة سهله وتافهه هذا اللي افتكره بالنسبه للدوري الأول اما الدوري الثاني بالنسبالي كآن أسهل يمكن لأني خلاص عرفت طريقتها أكثر وجابتلنا صح وخطأ بدون تصحيح وإختياري أتوقع وجآبت لنا سؤآل فيه كم فقره هالسؤآل كآن يبغآله شوي تفكير وكآن من 3 فقرآت افتكر إنه كان فقرتين مرة سهل ووفقره مآعرفتها اما بالنسبه للنهآئي كآن أسهل بكثير وحلو وع فكره راح تحسي نفسك مخبصه في الاختبارات بس رآح تكتشفي في الأخير ان درجاتك مو بطآله وبالنسبه بتكاليفها هي تعطيك ورقه مكتوب فيها كم سؤال وانتي تبحثي عن جوآبهم في النت وتسلميها اياها في الموعد اللي تحدده ..ع فكره وقتها هي كانت تحظر الدكتورآه في المآده فأتوقع يعني الحين سارت دكتوره مو أستآذه ..المهم آنا أخذت في هالمآده 94 يعني a
2- ماده إستثمآر أخذتها مع سحر مهرآن بصرآحه مرة كويسه وطيوبه والمذآكره من الكلآم اللي تكتبه ع السبوره او رآح تعرض ع البور بوينت وتكتبي معآها كل شي والاسئله مآرح تطلع من الشي المكتوب ابدا نفس الطريقه بالضبط بس تختلف الارقام طبعا واسئلتها النظري صح وخطأ واحيانن تجيب سؤال مقالي بس مرة صغير يعني يكون مثلا مقارنه طبعا موجوده عندك من الكلام اللي كتبتيه ع السبوره او اي شي بس مرة صغير والعملي اما اختيارات او مسائل تحليها والتكليف تسوي لها بحث عن موضوع هي رآح تعطيكي مجموعه موآضيع وانتي تختآري موضوع معين طبعا انتي حره تسويه لوحدك او مع قروب ..وأخذت في المآده الحمد لله a+
3- نظم معلومات إداريه أخذتها مع منى الرفاعي اممم الأستآذه غيآبها كثير ومحآظرتها سريييييعه مرة وطول المحآظره لازم تأشري الكلام اللي جالسه تقرآه وأي شي ماتقوله ماتذآكريه أبدددددن وهي بصراحه مرة ذوق طيوبه وانا سار لي موقف معاها ورحت لها المكتب وبصراحه كان اسلوبها جدا جدا رآآآآآآقي وأسئلتها الدوي الأول يعني وسط لانها جابت يمكن 4 فقرات مو من نفس الابواب اللي داخله معانا جابتها من ابواب ثانيه الله يهديها بس الدوري الثاني والنهائي مويييييييييييه مرة سهل ومافي لاتكاليف ولا اي شي .
4- تحليل وتصميم نظم اخذتها مع هشآم كتوعه طبعا هالماده مرة تشبه ماده نظم معلومات اداريه واصلا راح تستفيدي من كتاب نظم معلومات مرة في اشياء كثيره وفي التكاليف اللي حيعطيكي اياها الاستاذ هي ثلاث تكاليف اول تكليف راح يطلب منك تلخض عن تحليل النظم وثاني شي تلخيص عن تصميم النظم واخر شي طبعا اللي هو تسلميه خلاص ع اخر السنه قبل الاختبار او يوم الاختبار اللي هو تعمليله حاله عن اي مشكله وتعمليها تحليل وتصميم وبصراحه صعبه وانا ظلمني فيها مرة خسفني في الحاله واسئله الدوريات مرة سسسسسسسهله ومكرره وتجي نفس السنوات اللي فاتت وتقدري تاخذي الاسئله من النت بس النهآئي كانت نص ونص لانه جاب لنا سؤال رسمه وهالشي ابدن ماذكره لنا وبصراحه الاستاذ شرحهه ماعجبني ولا اسلوبه لانه مرة مرة مايتفاهم خلاص اعطاكي درجه انسي تتناقشي فيها معاه وهالماده كانت اكثر ماده اخذت فيها درجه سيئه من يوم دخلت الجامعه
5- بحوث عمليات اخذتها مع امل تركستاني بصراحه كويسه مرة وافهم منها وطيوبه ولزيزه واسئلتها حلوه مو بطاله وتذآكري من اللي تكتبه في السبوره ونصيحه بعد ذآكرو اسئله الصح والخطأ نهايه كل باب رآح تجيب منهآ واذا ذآكرتو هيك رآح تجيبو الa+ باذن الله وادعولي وبالنسبه لتكليفها كان ياما دوره اكسل او تعمليها حاله وانا عن نفسي سويتلها حاله وكان مرة مرة سهل واخذت كامل في الحاله الحمد لله بس نصيحه لاتغيبوآ كثير في المآده عشان ماتتورطوآ لاني انا غبت محآظرتين وبصراحه تهت مرة ورجعت حاااااايسه وزي الاطرش في الزفه بس الحمد لله لحقت ع نفسي

6- اداره استراتيجه اخذتها مع عضو هيئه تدريس اسمها غاده هي حبوبه مرة بس اسئلتها نص ونص مو كثير عجبتني مع اني اخذت معاها في الماده كويس مرة بس تجيب اسئله صح وخطآ واختياري واكتبي اسم امصطلح وتجيب سؤأل مقالي لازززززم بكل الاختبارات سواء الدوريات او النهائي بس المقالي مو حفظ لاءه تجاوبي ع حسب فهمك وطبعا لو اخذتي الماده راح تفهمي كيف اقصد لان الماده فهم + حفظ وتجيب سؤال زايد لو جاوبتي عليه تعطيكي بونس والتكليف عباره عن بحث عن اي شركه ووتتكلمي عن كل شي فيها عن بيئتها الداخليه والخارجيه وعن المنافسين والموردين والخ الخ وكان غلس بصراحه بس اللي خلاه شوي يتسهل انه كنا مجموعه وتعاونا مع بعض ومشي الحال ..
7-اداره اعمال دوليه مع خديجه ضباب ماشي حالها عادي تأشري معاها من البور بوينت ع كتابك وتذاكري منه واسئلتها صح وخطأ مع التصحيح بس التصحيح في الغالب يكون كلمه كلمتين والباقي اتوقع اختياري والتكليف كان مع مجموعه نختار فصل من الفصول ونسويلها اياه ع البور بوينت وبس

8-اقتصاد كلي وجزئي اخذتهم مع فيفيان وانا عن نفسي ارتحت لها واسئلتها حلوه وتكاليفها نهايه كم محاظره تعطيكي واجب وتحليهم كلهم وتجيبيها لها ع تقريبا قبل الاختبار النهائي طبعا هي تحدد الموعد وويوم التسليم راح تحلها معاكم والاستاذه غيابها ماشاء الله بالهبل يعني خذو رآحتكم في التسحيب

اممممممممم اذا في اي ماده ثانيه ممكن افيدكم فيها لاني بصراحه تعبت وانا اكتب بس انا حبيت اكتبلكم بالتفصييييييييييل عشان مآتحتآرو
و اذا ماعليكم كلآفه بس حبيت أسأل اي وحده ممكن تفيدني وخصوصا نجود او كتكوته لاني قريت لهم قبل شوي رد انهم اخذو مع استاذه نهى حربي ياريت يفيدوني عنها بالتفصيل يعني كيف طريقه اسئلتها مقاليه ولا بس اختياري وصح وخطا بدون تصحيح ولاكيف بالضبط وكيف اسلوبها وكل شي الله يسعدكم
وثاني شي ابي اضيف ماده حره او اختياريه متردده بين نظام سياسي سعودي وبين سيره نبويه
وسيره نبويه الوقت اللي يناسبني مع استاذه اسمها فوزيه الشمري اذا وحده تعرفها ياريت تقولي كيف الاستاذه وكيف اسئلتها مقالي ولا كيف لاني بصراحه اكره احفظ واحب افهم عشان كذا اكره الاسئه المقاليه
وبس تسلموووووووووووون حبيبآتي رآح أتعبكم معآي
> جذور الغلآ وصديقتهآ دآيمن تعجبني ردودكم بصرآحه عن جد ماتقصروآ وترآكم معآي بنفس التخصص ونفس السميستر وعقبال مآنتخرج يآربي واذآ حابين أي مسآعده فديتكم في الخدمه

[إيـمآأنْ خـآلـدْ]

يابنات احد يقولنا
كيف ماده
مصادر المعلومات
نازلة مع استازة سارة قشقري

؟؟

[حايسه بدنياي]

ياعسولآت محد يعرف شي عن نهى الحررربي أستآذه اداره اعمال باالانجليزي اللي تعرف ياريت ترد ضروري عشان اقدر الحق واضيف عندها لانه بصرآحه نازلتلي مع غاده وانا مرة ماحبيتهآ فاللي تعرف عنها أي شي ياريت تقولي كيف اسلوبها في الاسئله وكيف تعاملها وكيف المذآكره
ومررررسي

[reresweet]

السلام عليكم ، مساء الخير بنات
ممكن تفيدوني بالنسبه لكلا من استاذات المواد التالية :
مبادئ محاسبة2:فاطمة محمد كمال الاول اخذت مع ريم صقر بس شعبتها قفلت في المستوى هذا .
السلوك الانساني:فتحية عبد الفتاح
مبادئ تسويق: نعيمة بوقري
واتمنى اني ماطولت عليكم ولكم مني خالص الدعوات وبالتوفيق للجميع
ملاحظه: لاحد يحطمني او يقلل من شأن اي استاذه بس أسأل انا من ناحية الشرح والتكاليف كيف ؟؟

[احلاهم واتحداهم]

بنات انا نزلت نظام سياسي سعودي اختياري
كيف الماده سهله ومنهجها طويل واسلوب امل هاشم كيف؟؟

[E7sasBanota ~]

^
^

بالنسبة للمادة ماعرفها

بس الأستاذة حبوبة وطيبة مرررة وشرحها ومحاضراتها حلوة

وحتى لو دخلتي متأخرة شوية ماتقول شي بس تاخد حضور وغياب

وبالنسبة لاختباراتها كانت حلوة صح وخطأ لكن مع تعليل الصح والخطأ

وتجيب كم سؤال دقيق شوية

هدا اللي اعرفو عالأستاذة درستني مبادئ سياسة

وبالتوفيق ياعسولة

/
/

[حايسه بدنياي]

^^
حبيبتي انا ماخذت هالمآده بس صحبتي أخذتها وتقول انه مرة كويسه الاستآذه بس لازم تكتبي معاها كل شي تقوله عشان المذآكره رآح تكون بس منه وقالت انه اسئلتها صح وخطأ واختيآري ماعرف اذا فيه تصحيح او لاءه وعندها مشروع تكتبي عن مموضوع نآقشه مجلس الشورى لهاذي السنه وتسويه ع البور بوينت وممكن تطلبك انه تقومي تعرضيه وبس هذا اللي اعرفه وهي اخذت معاها a+ وانا يمكن أنزل هالمآده بس في بنوتات قالولي انه اليوم قفلو الحذف والإضآفه فمادري صرآحه الا ع فكره نزلتي بأي شعبه ؟
وبس قلبو ان شاء الله أفدتك

[حايسه بدنياي]

امممممم ونسيت بعد أقولك انه قالت المنهج مو طويل يعني يمكن في الاختبار الدوري الاول تذآكري 10 او 11 صفحه والثاني نفس الشي يعني ع النهائي يمكن 30 ورقه انتي كاتبتها بيدك وبسس