برنامج التدريب الصيفي للطلاب والطالبات السعوديين في المرحلة الجامعية(أرامكو السعودية)

[هي!!]

بلا أمان بلا بطيخ الله لا يوفقهم شركة * * * * وحركتهم جداً حقيره !!!

طيب خلاص ياعالم قولوا لنا من البدايه مافي سكن عشان نكون على بينه

ألف شغله مكنسلينها عشانهم وآخرتها على بداية الأسبوع أكلمهم ويقولون مالك هم

أبداً لا تشيلين همها وأنا أقول ياعالم مو تورطونا تكلموا من الآن وأصروا على انهم موفرين

واليوم أكلم الموظف يفتح الخط ويقفله عمداً أكثر من 3 مرات

يعني مايصير كذا ع الأقل شوية إحترام وإذا مستحي عشانك كذاب فما جبرتك ترد علي وتوعدني بداية الأسبوع

بس ناس مدري كيف تفكر !

[هي!!]

إلا قول لأن البنت في السعوديه مالها إلا القبر هو المكان الوحيد اللي بيعطوها الثقه فيه
وممكن حتى يجبروها تجيب لها محرم يرافقها هناك عشان مايصير خلوة مع الملكين اللي بيسألوها لو كان هذا الشيء بيدهم !!

الله يخارجنا منها من بلد ولا يطلعنا من هالحياة أفضل !!

لا مجتمع يتفهم ولا حتى اللي كان الأمل في أن عقلهم حبتين منفتح

لكن الشرهه مو عليهم على اللي مالقى الا يوثق فيهم !!

[سمر *]

درر ياهي !!
انا قررت انسحب من البرناامج :( وان شاء الله خير

بالتوفيق للجميع

[آستغفر الله ~]

بنات مين اللي رجعت حالتها فحص بالموقع تبع التسجيل ( طلباتي )

استغربت من حالتي بصراحه مع العلم إنو انقبلت الحمدلله بس انتظر اصدار البطاقه ان شاء الله ..
طمنوني الله يسعدكم مين صار له مثل كذآ ..؟

إيفا ربي يسعدك يوفقك حبيبتي ارسلت لك ع الواتس اب بس مايوصل شيء ما ادري ايش هي المشكلة ..؟

[mr_harthi]

انا جاتني رسالة اليوم الساعة 6 المغرب
تقول شيك على الايميل فتحته ماحصلت شي




دخلت عن طريق موقع ارامكو لقيت راسلين لي موعد الساعة 12:30 الظهر
ايش العباطة هذي .. بروح يوم السبت واشوف ايش يصير

[mohmmad.EH]

السلام عليكم ....

الي عنده مشكلة في الموعد أو الي موعدة بعد تآريخ 16 مثلي أنآ يروح dh1 بعد ماتدخل من بوابة
ارامكو الرئيسية الي عند مكتب التوظيف "ثاني إشارة يمين بعدين ثاني إشارة يسآر بعدين ثآني إشارة يمين تمشي شوي بتشوف المبنا رقمه 325 الأمن الصناعي "

يدخل ويقولهم المشكلة ، بعدهآ بيطلب منك رقم الطلب وبطآقة الأحوال وبيقول أنتضر لتبصيم والتصوير الشغلة مآتآخذ نصف ساعة .

أنآآ بعد ماخلصت التصوير قالو لي بنرسل لك رسالة حق التوجيه الي رآح يكون يوم السبت وإلى الآن ماجاني شيء لا على الجوال ولا على الإيميل مدري وش السالفة بس على العموم في موظف في مكتب التوظيف أسمه خالد قالي إذآ مآ جآتك رسالة توجيه تعالي يوم السبت هنآ وإنشآء الله أمورك في السليم .

[mr_harthi]

المشاركة الأصلية كتبت بواسطة mohmmad.EH السلام عليكم .... الي عنده مشكلة في الموعد أو الي موعدة بعد تآريخ 16 مثلي أنآ يروح dh1 بعد ماتدخل من بوابة ارامكو الرئيسية الي عند مكتب التوظيف "ثاني إشارة يمين بعدين ثاني إشارة يسآر بعدين ثآني إشارة يمين تمشي شوي بتشوف المبنا رقمه 325 الأمن الصناعي " يدخل ويقولهم المشكلة ، بعدهآ بيطلب منك رقم الطلب وبطآقة الأحوال وبيقول أنتضر لتبصيم والتصوير الشغلة مآتآخذ نصف ساعة . أنآآ بعد ماخلصت التصوير قالو لي بنرسل لك رسالة حق التوجيه الي رآح يكون يوم السبت وإلى الآن ماجاني شيء لا على الجوال ولا على الإيميل مدري وش السالفة بس على العموم في موظف في مكتب التوظيف أسمه خالد قالي إذآ مآ جآتك رسالة توجيه تعالي يوم السبت هنآ وإنشآء الله أمورك في السليم .

تاكد من الرسايل اللي في موقع ارامكو
في messages sent to me
يمكن ارسلوا لك مثلي

[طموح01]

المشاركة الأصلية كتبت بواسطة mr_harthi تاكد من الرسايل اللي في موقع ارامكو في messages sent to me يمكن ارسلوا لك مثلي

توني شيكت على موقعهم ولقيت نفس المسج بس اختلاف بالوقت
الموعد 13 جون والوقت 8:30 ....والسج وصلني على الجوال بنفس
اليوم والوقت 3 العصر ..!!!!

[mohmmad.EH]

المشاركة الأصلية كتبت بواسطة mr_harthi تاكد من الرسايل اللي في موقع ارامكو في messages sent to me يمكن ارسلوا لك مثلي

للأسف مآ أرسلو لي رسالة ، وآخر رسالة أسلوهآ في تاريخ ...

[A_OTB]

السلام عليكم ورحمة الله وبركاته

شباب وبنات ...

قدمت على ارامكوا وخلصت كل شي وعطوني الخطاب وتذكرة السفر لراس تنوره

المشكلة:
ان رقم coordinator اتصلت عليه ولا رد
اللي ابيه اني كيف التقي بالباص في المطار عشان يوصلني لراس تنوره

اي حل ؟؟؟!!..